Yokana 21:15 - AKITUTUKET NAKITETET (NEPEPEKA ISABULIN KA AWARAGASIA)

¹⁵ Nakedaunata kesi akinyam akidenyet, kosodi Yesu alimokin Simon Petero ebe, “Simon, okoku ka Yoana, imina ijo eong' akitelekaar lu?” Kolimokini Petero nesi ebe, “Eebo Lokapolon; ijeni ijo ebe amina eong' ijo.” Kolimokini Yesu nesi ebe, “Kidar amerekekin kang'.”

Ebaibuli

¹⁵ Nakedauniata ainyam, kotema Yesu Simon Petero atiar, “Simon, okoku loka Yona, kimina eoŋ aitelekarit lu?” Kotema ŋes atiar, “Eebo, Ejakait, ijo ijeni ebe kamina.” Kotema ŋes atiar, “Kitadakenenei idwe luka amerekekinika.”

Yokana 21:15 Iomraidhean Croise

Matayo 10:37

“Ng'ini ni emina papa keng' kere toto adepar eong', mam kilesikina araus ikiyakia kang'; ng'ini ni emina okoku keng' kere de akoku keng' adepar eong', mam kilesikina araus ikiyakia kang'.

Matayo 16:17

Kinyakak Yesu nesi ebe, “Irereng' ijo, Simon okoku ka Yona! Naarai abeite na mam kebuni nama kon alomun kamaka itwan, konye Papa kang' lo ejii kuju nesi ekinakini ijo.

Matayo 18:10

“Kocoikina! Mam akinuang' ikoku ipede kamaka lucik kalu. Kalimokini eong' osi ebe imalaikan kes ejaasi king'aren ka Papa kang' loko kuju.

Matayo 26:33

Kolimokini Petero Yesu, “Mam eong' cut kenyekini ijo, atikere kinyekisi itung'a kere ijo!”

Matayo 26:35

Kolimokini Petero nesi, “Atikere kerait atwanare eong' ka ijo, mam eong' ka ang'eri ijo” Kosodete ikiyakia luce kere atemar kong'ipe kong'in.

Mariko 14:29

Kinyakakini Petero nesi ebe, “Atikere kinyekisi itung'a kere ijo, mam eong' cut kenyekini ijo!”

Luka 12:32

Mam akurianu, osi isipan, naarai elakara Papa kus ainakin osi Ajakanut.

Luka 22:32

Konye elipaki eong' ijo Simon tetere mam akiyuun kon kibiror. Na ibong'una ijo nama kang', ejii ijo akitogogong' ikanacan kon.”

Yokana 1:42

Koyari nesi Simon namaka Yesu. Kong'olekini Yesu nesi kosodi atemar ebe, “Irait ijo Simon okoku ka Yoana? Kinyarauno ijo Kefa.” (Apolou keng' Petero).

Yokana 13:37

King'isi Petero nesi ebe, “Lokapolon, inyo emamare eong' ka apedori akitupu ijo kipokona? Atwani eong' kanu kon!”

Yokana 16:27

naarai Papa elope kimina osi, naarai iminutu osi eong' bobo iyuutu osi ebe alomuni eong' kamaka Papa.

Yokana 21:12

Kolimokini Yesu kesi ebe, “Kobuutu konyamata akidenyete.” Amam ipede kamaka lukesisiak abu king'it nesi ebe, “Ng'ai ijo?” Kejenete kesi ebe kerait ng'oli Lokapolon.

Yokana 21:7

Kosodi lokesisian ng'oli lo kemina Yesu alimokin Petero ebe, “Erait Lokapolon!” Nape kiirara Simon Petero ebe kerait Lokapolon, konapi nesi inagai keng', naarai kelacarit nesi inagai kanuka asoma, kosodi aporokin toma akare.

Yokana 8:42

Kolimokini Yesu kesi ebe, “Kere keraiti Akuju Papa kus, tin osi iminasi eong', naarai alomuni eong' kamaka Akuju. Amam eong' abuni kapedor kang' konye nesi elope kejukuuni eong'.

Aswamisio 20:28

Kanuka ng'un kocoikinasi osi ikulopek bobo kocoikitete amerekekin nu einakini Emoyo Lokalaunan osi apolokite, kidarata ekanisa ka Akuju lo adumuni nesi kanuka abukor aokot ka Okoku keng'.

Aswamisio 20:29

Ajeni eong' ebe nape ka alomar kang', elomunete ipeen lukadedeng'ak kama kus, mam kideunete espan;

Iromayon 14:1

Kidiautu ng'ulu lu enonok akiyuun kes. Konye mam apega ka kesi kuju ka awomowomisio kes.

Iromayon 15:1

Oni lu icasito kotoma akiyuun itemokina aking'arakin lu enonok kopone kaloka akidaka alang'iru kes. Mam kejokuna oni akitalakaar oni ikulopek.

1 Ikorinton 8:11

Kosodi itwan ni enonok, onaci kon lo abu Kristo kotwana kanu keng', atwanare kanuka “akijen” kon!

Igalatian 5:6

Naarai, imorikikina oni nenipe ka Yesu Kristo, emam adumunet apede kekepite ijo kere de kemam kekepite ijo. Ibore nika adumunet erait amuno na itodiara kotoma amina.

Ipeson 4:14

Kanuka ng'un, mam bobo oni kijaikinosi bala idwe, ibukanari oni ekuwam loka akisisianakino kanu egelegela nu irebokito itung'a lu liokoisik tetere itabang'anete luce kaliokonu.

Ipeson 6:24

Asianut kojaasi kang'ulu kere lu eminasi Lokapolon wok Yesu Kristo kamina kana mam kedaun.

Iburayon 13:20

Elipit eong' Akuju lo etajaruni Lokapolon Yesu wok alomun kamaka lukatwak, lokapolon lokecokon amerekekin akitoro abukorio ka aokot nuka akitutuket naka ikaru kere,

Iburayon 4:13

Emam ibore ni ebeikino akigwa koking'aren ka Akuju; ng'in ibore itodute bobo itee nesi. Nesi nes ebuni atubokin oni kere.

1 Petero 1:8

Iminasi osi nesi, atikere kimam osi kianyuto nesi, bobo iyuuto osi nesi atikere kimam osi kiteete nesi kipokona. Kanuka ng'unu ilelete osi kotoma akibusesu kalakara na emam kilesikina alimori ka akiro,

1 Petero 2:2

Koputosi ka idwe lukitetiak lu idouno arit akure naka akimata akile nuka emoyo, kosodi ka akimata ibeikinete osi apoloun ka adumun alakuno.

1 Petero 2:25

Isito osi bala amerekekin nu awolikisi eroto, konye enyakun osi akitupu lokejokon bobo lokedaran ka imoyoi kus.

1 Yoana 4:19

Iminasi oni naarai abu Akuju kogee sek aminuni oni.

1 Yoana 5:1

Ng'ini kere ni emunokiit ebe Yesu erait Kristo erait nesi ikoku ka Akuju. Ng'ini kere ni emina papa emina ikoku keng' de.

Apukokinio 2:23

Enomi eong' idwe keng' akiara. Bobo ejenunete ikanisai kere ebe eong' nesi lo ajeni awomowomosia kiton nu ekote ng'ini itwan. Ataci eong' ng'ini ipe kama kus atupa kanu esomata osi.