Yokana 2:16 - AKITUTUKET NAKITETET (NEPEPEKA ISABULIN KA AWARAGASIA)

¹⁶ Kolimokini nesi lukegwelanarete ikaburukukun, “Kolemasi iboro lu kane. Siri kitarautu etogo ka Papa kang' alaro na egwelere ka agwelanara.”

Ebaibuli

¹⁶ Kolimok ŋul lukegwelanarete ajeleik ebe, “Kolemasi ŋun; sirikituluosi etogo loka Papaka araut logwelanaret.”

Yokana 2:16 Iomraidhean Croise

Matayo 21:12

Kolomi Yesu Otogo ka Akuju kosodi akireng'iar king'a ng'ulu kere lu kitegwelete ka agwela ko Otogo ka Akuju. Kibeloonor amesan ka itung'a kalu kibelonokinete ikabel, ka icolong'o ka itung'a kalu kitegwelete ikaburukukun.

Matayo 21:13

Kolimokini nesi kesi, “Igirite, ‘Enyarauno etogo kang' etogo loka akilip’. Konye itarautu osi nama eng'opitere ikokolak.”

Matayo 22:5

Konye kitebebenete akiro ng'unu, koikarete, epe mana keng', loce obele keng',

Mariko 11:17

Kosodi nesi akisisianakin itung'a ebe, “Mam kigirite ebe, ‘Etogo kang' enyarauno etogo lo ilipiata itung'a luka akwapini kere?’ Konye itarautu osi nama eng'opitetere ikokolak!”

Luka 2:49

Kobong'ok nesi kesi, “Inyo kikototore osi eong'? Kimam osi kijenete ebe ibusakinit eong' ajaus otogo ka Papa kang'?”

Yokana 10:29

Papa kang' lokainakini eong' kesi epolo noi akitelekaar kere. Kanuka ng'un emam itwan ni epedori akopor kesi kakan ka Papa.

Yokana 2:15

Kojeuni nesi edasit loka aunoi, kireng'iari nesi kesi kere king'a kiton amerekekin kes ka imong'in ko Otogo ka Akuju. Kosodi nesi acakanar king'a abolai kalukebelok ikabel ka akitukumoonor acelei kalukelonyak abolai.

Yokana 20:17

Kolimokini Yesu nesi ebe, “Mam abunakina nama kang', naarai ering'a eong' kadokara nama ka Papa; konye kolot nama ka ikanacan kang', kolimok kesi ebe, adokari eong' nama ejii Papa kang' lo erait Papa kus, nama ka Akuju kang', lo erait Akuju kus.”

Yokana 5:17

Konye kinyakakini Yesu kesi ebe, “Eroko Papa kang' isomae, eong' de esomae.”

Yokana 8:49

Kinyakuni Yesu ebe, “Mam eong' kajaasi keparait lokaronon. Ayong'it eong' Papa kang', konye osi kinwang'ito eong'.

1 Timoti 6:5

kiton ang'olopa ng'in paki alomun kamaka itung'a kalu mam adama kes kisomaete, bobo komam kejaatatar ka abeite. Itunenete kesi ebe edini erait eroto loka adumuni abara.

2 Petero 2:3

Komwane kes, ebunete lukesisianakinak luka aliokonu luka ameda kama kus kanuka alimonokin osi akapolok nu ejeute. Kapak kana euja kipokona alokokin lokatubonokinan kes, bobo ekenyi loka mudiaran kes.