Yokana 19:30 - AKITUTUKET NAKITETET (NEPEPEKA ISABULIN KA AWARAGASIA)

³⁰ Kedau Yesu akimat esik, kotemari ebe, “Adaunosi.” Kituluri akou keng', kotwani.

Ebaibuli

³⁰ Kedau Yesu aijaikinio ebino loedwar, kobala ebe, “Aŋetakinos.” Kitulur akekou, kijaik ekemoyo.

Yokana 19:30 Iomraidhean Croise

Isabulin 22:15

Ewonit eporoto kang' bala apua, bobo ang'ajep kang' ikamakina kuju ka akituk kang'. Inyeki ijo eong' eridi ka apua.

Matayo 20:28

kwape ka Okoku ka Etung'anan kalo amam abu kobuu akijaanakino konye akijaanakin ka alemun akijar keng' kanuka ayuuni itung'a lu ipu.”

Matayo 27:50

Kosodi Yesu adelor bobo koporoto kaloko kuju, kosodi atwanare.

Matayo 3:15

Konye kinyakak Yesu nesi ebe, “Kinyek kikote nepeneni kipokona. Naarai ekipone lo nes ibuniata oni asoma ng'unu kere nu ekote Akuju.” Kanuka ng'unu kocamuni Yoana.

Mariko 15:37

Kosodi Yesu adelor koporoto kaloko kuju, kotwani.

Luka 22:37

Naarai kalimokini eong' osi ebe agirasia nukalaunak nu ebalasi ebe, ‘Abu komorata kalukarokok,’ ejii akitodolikin ikamuuti eong', naarai nukigirigirite kuju kang' aikasi araun abeite.”

Luka 23:46

Kosodi Yesu adelor keporoto kaloko kuju ebala, “Papa, akanini kon epiak eong' emoyo kang'!” Nakedauna atemar nu kong'edi etau.

Yokana 10:11

“Eong' nes lokejokon lokajokan. Lokejokon lokajokan epali akijar keng' kanuka amerekekin keng'.

Yokana 10:18

Emam itwan nikademari eong' konye eong' elope nes apali. Ajaasi eong' elope ka apedor naka akipala ka apedor naka adumun bobo. Adumu eong' akicorakinet na kamaka Papa kang'.”

Yokana 17:4

Etodia eong' akibusesu kon kotoma akwap; adau eong' asoma nu kiinakiit ijo eong' asoma;

Yokana 19:28

Kau kanu, koanyuni Yesu ebe kebuutu akiro kere kodaunosi; bobo tetere edolete agirasia nukalaunak, kotemari Yesu ebe, “Kaarit eong' akure.”

Yokana 4:34

Kolimokini Yesu kesi ebe, “Inyamen kang' eraasi asoma nu ekote lokejukuni eong', ka akirikakin asoma keng'.

Iromayon 10:4

Etodolo Kristo Ekisil osial, tetere ng'in ni iyuuni itodolikino koking'aren ka Akuju.

Iromayon 3:25

Abu Akuju kolemu Yesu tetere akitoro awokot keng' erauni nesi eroto lo erimakinere itung'a arokusio kes kanuka akiyuun kes nesi. Esoma Akuju nu tetere itodiari nesi ebe edolit nesi. Kokolong' sek atitinyi Akuju, emam apodo arokusio ka itung'a.

1 Ikorinton 5:7

Kilotasi asipa nu mojong'a tetere osi iraunete akiria nukitetyak kwape ering'a osi kitubuna. Naarai Kristo imerekek wok nika Epaska adaun alemun erait isubanit.

Ipilipin 2:8

Eyapepera nesi kosodi alosite kotoma olotote loka ayong'ara akitodol atwanare, atwanare keng' ko omusalaba.

Iburayon 12:2

Kadupakisi akonyen wok namaka Yesu, nama egong'akina akiyuun wok amieun kageunet akitodolo osial. Mam nesi abu kopasa kanuka emusalaba! Konye kanuka ailel kana kidarit nesi, mam nesi abu koanyu atwanare komusalaba erait asilut. Bobo iboye nesi kipokona kakani kanakoteten kekicolong' ka Akuju.

Iburayon 9:22

Abeite, atupa ka Ekisil, ng'in ibore italauno ka aokot, bobo erimakino arokusio kebukor aokoto bon.