Yokana 19:17 - AKITUTUKET NAKITETET (NEPEPEKA ISABULIN KA AWARAGASIA)

¹⁷ Koyang'arete kesi Yesu, kolomari nesi king'a eriong'it emusalaba keng' nesi elope kalosite alaro nakenyarite Abolokoki naka akou, na enyarite ka Aburanian Gologota.

Ebaibuli

¹⁷ Koyata Yesu, koloma, erioŋit ekemusalaba kiton aibois naenyaritai Abelekek naka Akou, kAburanian ebe Gologota.

Yokana 19:17 Iomraidhean Croise

Matayo 10:38

Ng'ini ni mam kedaki emusalaba keng' ka akigwap eong', mam kilesikina araus ikiyakia kang'.

Matayo 16:24

Kosodi Yesu alimokin ikiyakia keng' ebe, “Kekote itwan kere abunore nama kang', ejii nesi akimurwokin nukeng' bere, kakiriong' emusalab keng' kakigwap eong'.

Matayo 27:37

Kigwakinete kuju akou keng' agirasia nuka ewosane keng', nu ebalasi, “Lo Nes Yesu, Ejakait ka Iyaudin”

Mariko 10:21

Kong'olekini Yesu etwan, kominuni nesi kosodi Yesu alimokin nesi ebe, “Ejii ibore ipe ni mam kejaasi ka ijo. Koloto, kogwela ng'in ibore ni ejaasi ka ijo, koinak lukapalapalak ikabel. Ijaikinosi ijo ka abara kuju. Kobuni, kigwap eong'.”

Mariko 15:26

Agirasia nuka akiwosa nesi abalasi ebe: “Ejakait loka Iyaudin.”

Mariko 15:32

Kristo, Ejakait loko Israel, kodoku kipokona komusalaba, tetere anyunete siong' ka amunokin!” Kosodete iare de lu ebubukiite ka Yesu omusalaba akirata nesi.

Mariko 8:34

Konyarauni Yesu akwap ka itung'a kiton ikiyakia keng' nama keng'. Kolimokini nesi kesi ebe, “Kekote itwan kere akitupu eong', ejii nesi aking'ere nesi ilope ka akidaka emusalaba keng' ka akitupu eong'.

Luka 14:27

Ng'ulu kere lu mam kedakete emusalaba kes ka akitup eong', mam kebeikinete araun lukesisiak kang'.

Luka 23:26

Eyarite luka ajore Yesu, kosodete kesi akiriamakin ka etwan loke elomuut ko Kurene lo enyarite Simon loke elomuut ka adukete elosi ore lokapolon. Kikamunete kesi nesi ka akisiriong' nesi emusalaba kodakite kokau ka Yesu.

Luka 23:33

Nakedoliata alaro na enyrite “Abolokok kakou,” kibubukinete kesi nesi kaneni kiton lukarokok iare, epe teten loce kidieny.

Luka 23:38

Bobo kuju egirakite kuju keng', “Lo nes Ejakait loka Iyaudin.”

Luka 9:23

Kosodi alimokin kesi kere, “Ng'in kere ni ekote akitup eong' ejii nesi akimuruokin nesi ilepe, kadakite emusalaba keng' ng'in paaran, ka akitup eong'.

Yokana 19:13

Nakiiraria Pilato akiro nu, koyauni nesi Yesu king'a, kosodi nesi akiboikin okicolong' lo etubonokinere itung'a kalaro kanakenyarite eroto loka Amoru, bobo ka Aburanian kenyarite Gabata.

Yokana 5:2

Ejii abwal Yerusalem arir orute lo enyarite loka Amerekekin, kang'ajep Kiyaudin enyarite Betsata, ejaasi ka alarosinoi akany nama kejaasi akipi.

Aswamisio 7:58

Kireng'iarete nesi alomar ka ore lokapolon kosodete adada nesi ka amoru; kosodete luketodiarak akigwakin inagai kes kwap ka akejen ka etelepat kalo kenyarite Saulo.