Yokana 19:11 - AKITUTUKET NAKITETET (NEPEPEKA ISABULIN KA AWARAGASIA)

¹¹ Kinyakakini Yesu nesi ebe, “Ti mam ijo ijaasi kapedor kokuju kang' kere kemam kiinakiite ijo alomun kokuju; kanuka ng'un nesi lokayauni eong' akanin kon nes ejaasi ka aronus kana epolo noi adepar kere.”

Ebaibuli

¹¹ Koboŋok Yesu ebe, “Ti mam jo ijaas kapedor kere mamakaŋ, arai mam kidumunit abunore kokuju; kanuka ŋun ŋol lokejaikini eoŋ akaninikon ŋes erono adepar.”

Yokana 19:11 Iomraidhean Croise

Isabulin 39:9

Atauni eong' ti, mam eong' kalimuni akirot, naarai ijo nes kiinakini eong' ecanakin ekipone lo.

Isabulin 62:11

Alimu Akuju katipe; eira eong' ng'unu irwana kaare: ebe agogong' erait naka Akuju;

Matayo 26:65

Kosodi esaseredootit lokapolon acilaar inagai keng', ka atemar, “Eken. Inyo bobo ering'a oni ikotosi lukajenak? Iirasi osi aikene keng'

Matayo 27:2

Koyenete nesi, kayaar nesi ainakin Pilato, egavana loko Roma.

Matayo 6:13

Siri kiyaa siong' toma atamisio, Konye koyuu siong' kamaka loka asurup.”

Mariko 14:44

Adaut lokabilakinan ebotet ainakiite akwap ka itung'a ajenunet ebe, “Etwan lo anuikini eong' nes etwan. Kikamutu nesi koyaasi nesi idarito osi nesi.”

Luka 22:53

Na ajatatar eong' ka osi ng'in paaran Otogo ka Akuju, mam osi akikamun eong'. Konye Akolong'o kus nes na, kiton agogong'u naka akirionus.”

Yokana 18:13

Koyang'arete bere nesi nama ka Anas. Naarai kerait nesi ekamuran ka Kayafa, lokerait esaseredootit lokapolon kokaru kang'oli.

Yokana 18:3

Kolosi Yuda omanikor nepepe ka atuket naka ajore nepepe ka lukedarak lukijukunete isaseredootin lukapolok nepepe ka Ifarisayon, kejaasi kesi ka atai, itocin, nepepe ka ijisio.

Yokana 19:10

Kolimokini Pilato nesi ebe, “Mam ijo kikote ejori ka eong'? Mam ijo kijeni ebe ajaasi eong' kapedor naka alakakin ijo kiton naka akibubukin ijo omusalaba?”

Yokana 3:27

Kinyakuni Yoana ebe, “Emam itwan epedori adumun ibore ipede adepar ni einakiite nesi alomun kokuju.

Yokana 7:30

Kosodete kesi atamakin akikamun nesi. Konye amam itwan ipede ni abu kotamaki atiror nesi, naarai kering'a apak keng' kedolo.

Yokana 9:41

Kinyakakini Yesu kesi ebe, “Kere kimudukaka osi, ti osi emam arokusio. Konye kanu ibalatatare osi ebe, ‘Kikwenyete siong',’ ideunosi arokusio kus.”

Aswamisio 2:23

Atupa ka ekipone kalo kitemitemiter nesi elope, kedaut Akuju atiakun ebe koinakine osi Yesu; koarete osi nesi kokipone kaloka akinyekin itung'a lukarokusio ibubukinete nesi omusalaba.

Aswamisio 3:13

Akuju ka Abraam ka Isaka ka Yakobo, Akuju kes ka papa wok, kitopolori ekejaanakinan keng' Yesu, lo igwelarete osi ka aking'ere koking'aren ka Pilato, ketiaku Pilato alacakin nesi.

Aswamisio 4:28

Kotukokinosi asoma iboro kere lu kitiakuut ijo kisomakinosi atupa ka apedor ka amina kon.

Iromayon 11:36

Naarai nesi asubuni iboro kere, bobo iboro kere ejaasi akitoro nama keng' bobo kanu keng'. Kojii akibusesu namaka Akuju ikaru kere! Ikote nepeneni.

Iromayon 13:1

Ejii ng'in itwan akiyong'o lu ipugaete akwap, naarai emam apugan na ejaikin emam Akuju kecamuut. Bobo Akuju nes ipiakiit ng'ulu lu ipugaete akipuga.

Yakobo 1:17

Edutat kere lokajokan kiton edutat kere lo edolit elomuni kokuju; ebuni kwap alomun kamaka Akuju, lokasuban acaus nako kuju, lo mam kibelokin kere lo eyauni akirionus ka akibelonokin.

Yakobo 4:17

Kanuka ng'un, ng'in kere ni ejeni nu ideerete nu itemokina asoma konye komam kisomakini, esoma aronus.