Yokana 17:6 - AKITUTUKET NAKITETET (NEPEPEKA ISABULIN KA AWARAGASIA)

⁶ Etodia eong' ekiror kon kotung'a kalu ibu ijo koinak eong' alomun ka akwap; keraasi kesi lukon, kosodi ijo de ainakin eong' kesi korautu lukang'; kesi de aricakisi akirot kon.

Ebaibuli

⁶ “Etodia ekonikiror mama ejaas ituŋa lukiinakinit kakwapin; araas lukon kosodi ainakin eoŋ: aricata da akonikirot.

Yokana 17:6 Iomraidhean Croise

Isabulin 119:11

Aricaki eong' akirot ko otau kang', tetere mam eong' kesomakini ijo arokusio.

Isabulin 22:22

Abuni eong' alimokin itung'a kang' nu isoma ijo; abuni eong' akiturite ijo katukon kes:

Awaragasia 2:10

Ijaikinosi ijo ka acoa, kosodi akijen kon akitalakaar ijo.

Awaragasia 23:23

Abeite, acoa, akisisia, ka akijen, ilesikina akitaca kanuka adumun kesi, konye ejokuna noi, mam kitemokina agwelar.

Yokana 1:18

Emam itwan apelem ni anyuut Akuju. Okoku keng' loteluna bon, lo ejii cut otau ka Papa, ng'oli nes etodia nesi.

Yokana 12:28

Papa koinaki ekiror kon akibusesu.” Kosodi eporoto alomun kokuju ebala ebe, “Adau eong' ainakini nesi akibusesu, bobo ainakini eong' nesi akibusesu.”

Yokana 15:19

Kere kiraasi osi luka akwap, tin akwap emina osi bala itung'a keng'; konye kanu emamare osi kiraatatar luka akwap, bobo kanu aseuna eong' osi alomun kakwap, nes atenikina kireitere osi akwap.

Yokana 15:3

Adaun akitalaun osi kakirot kana adau eong' alimokin osi.

Yokana 15:7

Kideunosi osi kotoma kang', kideunosi akiro kang' de kotoma kus, kilipata osi ibore kere ni ikotosi osi, isomakino osi.

Yokana 17:12

Na ajaatatare eong' ka kesi, abu eong' kedar kesi kokiror kon kalokiinaki ijo eong'. Edara eong' kesi, emam ipede kama kes awoli adepar okoku lo ewoliorit, tetere edoliete agirasia nukalaunak.

Yokana 17:14

Adau eong' ainakin kesi akirot kon, konye aare akwap kesi naarai mam kesi keraasi luka akwap kwape emamar eong' karaitere loka akwap.

Yokana 17:16

Mam kesi keraasi luka akwap, kwape emamar eong' karaitere loka akwap.

Yokana 17:2

Naarai ibu ijo koinaki nesi apedor kuju ka itung'a kere, tetere einakini nesi de akijar na emam kedaun ng'ulu kere lu kibuu ijo koinaki nesi.

Yokana 17:24

“Papa! Iinaki ijo eong' kesi. Akote eong' kesi kojaasi ka eong' nama ajii eong' tetere ebeikinete kesi anyun akibusesu kang', akibusesu nakiinaki ijo eong'; naarai ibu ijo kominu eong' sek eroko kisubuna akwap.

Yokana 17:26

Etejenu eong' ekiror kon kama kes, bobo abuni eong' akitolosit, tetere ekipone lo kiminar ijo eong', kojii toma kes, tetere ajii eong' de toma kes.”

Yokana 17:7

Ajenutu kesi kipokona ebe iboro kere lukiinaki ijo eong' elomuuto kama kon;

Yokana 18:9

(Atemari nesi nu tetere edolete nu enerit nesi sek ebe, “Papa, mam eong' ketoliorit ipede kamaka ng'ulu kalu ibu ijo koinak.”)

Yokana 6:37

Ng'ini kere ni einakini Papa kang' eong', ebuni nama kang'. Bobo ng'ini ni ebuni nama kang', mam eong' kacakari king'a.

Yokana 6:39

nu nes nu ekote lokejukuni eong', ebe mam kitemokina eong' akitowoli ipede kamaka lu ainaki nesi eong', adepar akitajarun kesi kaparaan kanaka esial.

Yokana 8:51

Abeite, abeite kalimokini eong' osi ebe kericaki itwan kere akirot kang', mam nesi ketwani.”

Yokana 8:52

Kolimokinete Iyaudin nesi ebe, “Kanuka nu, ijenutu siong' ebe ijaatatar ijo keparait lokaronon. Aburaam abu kotwana, ikadwarak de apotu kotwakata. Konye ibala ijo ebe, ‘Kericaki itwan kere akirot kang', mam cut kiiri atwanare.’

Aswamisio 13:48

Nape kiirarata ilong'au nu, kolalakarosi noi ka akitopolor akirot ka Akuju; komunokinete ng'ulu kere lukeseute adumun akijar na mam esial.

Iromayon 11:2

Mam Akuju keng'erit itung'a keng' lukedauti nesi aseun ape sek. Ijenete osi nu ebalasi agirasia nukalaunak katutubet kana emaima Elija Akuju kuju ka itung'a kaluko Israel ebala,

2 Ikorinton 4:6

Akuju lo alimun, “Kinyek acaus kocau kamuton!” Erai Akuju ng'openg'ol nesi etacauni acaus keng' kotauon wok, ayaun oni akijene naka akibusesu ka Akuju ecae kakonyen ka Kristo.

Ikolosain 3:16

Tar akiro ka Kristo ka abara keng' kere akiboi kotoma otawon kus. Kisisianakinosi bobo kicorasi ka acoa kere. Kirukosi Isabulin, ikosioi, kiton ikirukisinoi lu eyauni emoyo lokalaunan; kirukokisi Akuju ka akiyalama kotawon kus.

2 Timoti 1:13

Koricite baaba akiro nuka abeite nu esisianakini eong' ijo, kwape ka aputo kana itemokina osi atupite. Bobo kideun kamunokiite Kristo kiton amina wok kakimorikikina kiton Yesu Kristo.

Iburayon 2:12

ebala, “Alimok eong' itung'a kang' nu isoma ijo; keturi eong' ijo kokiding' kes.”

Iburayon 3:6

Konye emunokina Kristo erait Okoku lo epolokiit Etogo ka Akuju. Iraito oni etogo keng' kimam oni kikuriaka bobo kijaasi oni kepogi kanuka ng'un kanu imunokiito oni.

1 Petero 1:1

Alomun kama kang' Petero, ekiyakia ka Yesu Kristo, egirakin eong' itung'a lu eseut Akuju lu iboyete bala ikerai lu isiarakina akwap nako Ponto, Galatia, Kapadokia, Asia, nepepe ka Bitunia.

1 Yoana 5:20

Ijenete oni ebe abu Okoku ka Akuju bobo ainaki nesi oni akijen, tetere ijenete oni Akuju loka abeite. Ijaasi oni oidicane nenipe ka Akuju loka abeite, oidicane nenipe ka Yesu Kristo, Okoku keng'. Lo nes Akuju loka abeite, bobo na nes akijar na emam esial.

Apukokinio 2:13

Ajeni eong' nama iboya ijo, ng'ina nama ejaatatare Asatanit ka ekicolong' keng'. Konye ideunosi osi imunokiito ekiror kang'. Mam osi akinyekin akiyuun kus kama kang' atikere aparasia nuka Antipas, eketodiaran kang' lo emunokina, lo ario ko ore kus ka lokapolon kama iboya Asatanit.

Apukokinio 3:10

Kanu iricakinata osi akicorasia kang' nuka akikany katitinyu, abuni eong' de akidar osi kapaki kanakatamisio kana ebuuti akwap kere akitama ng'ulu lu iboyete ka akwap.

Apukokinio 3:8

Ajeni eong' asomisio kon. Kitee, ipiaki eong' king'aren kon ekeki lo eng'ara lo emam itwan ni ebeikini agolokin. Ajeni eong' ebe ijaasi ijo ka agogong' na edit, konye iricaki ijo akirot kang' bobo mam ijo king'erokiit ekiror kang'.”