Yokana 17:3 - AKITUTUKET NAKITETET (NEPEPEKA ISABULIN KA AWARAGASIA)

³ Apolou ka akijar kana emam kedaun erait ajenus ijo, Akuju epe bon loka abeite, kiton ajenus Yesu Kristo, lo ibu ijo kijuku.

Ebaibuli

³ Aijar namam edaun ŋes na ebe, kojenutu jo Edeke ediopet lokabeit, ka Yesu Kristo Iokijukuni.

Yokana 17:3 Iomraidhean Croise

Isabulin 9:10

Bobo ng'ulu lu ejenete ekiror kon ipiakinete amuno kes nama kon naarai ijo Okwai Lokapolon mam kicakari lu kikotosi ijo.

Awaragasia 8:35

Naarai ng'in ni edumuni eong', edumuni akijar, bobo ecamuni Lokapolon nesi.

Mariko 9:37

“Ng'ini kere ni idiauni ikoku bala eni ko okirori kang' ediau nesi eong'. Ng'ini kere ni idiauni eong', mere eong' idiauni nesi konye idiauni nesi lokejukuni eong'.”

Luka 9:48

kolimokini kesi, “Ng'ini kere ni idiauni ikoku eni kokiror kang', idiauni eong'; ng'in kere ni idiauni eong', idiauni ng'olo de lokejukuni eong'. Naarai ng'ini ni edite kama kus kere nesi epolo.”

Yokana 10:36

Ng'oli lo etalau Papa ka akijukun akwap nesi ibalasi osi ebe ‘Ikeni ijo’ kanu atemara eong' ebe, ‘Araiti eong' Okoku ka Akuju’?

Yokana 11:42

Ajeni eong' ebe iranari ijo eong' apakio kere, konye enera eong' akiro nu kanuka itung'a kalu egwoete kane tetere iyuunete kesi ebe kijukuuti ijo eong'.”

Yokana 14:26

Konye Lokeong'arakinan, Emoyo Lokalaunan, lo ijukuni Papa kokiror kang', ebuni akisisianakin osi iboro kere, kakisiitonokin osi iboro kere lu adau eong' alimonokin osi.”

Yokana 17:18

Ekipone lo kijukuna ijo eong' toma akwap, nes ejukaria eong' de kesi toma akwap.

Yokana 17:21

Elipit eong' korautu kesi kere ibore ipe. Kojaasi kesi toma wok kwape ijaare ijo toma kang', tetere emunokini akwap ebe kijaasi ijo kijukuni eong'.

Yokana 17:23

ajii eong' toma kes, kojii ijo toma kang', tetere eraunete kesi ibore ipe kotenan, tetere ejenuni akwap ebe ijuku ijo eong', bobo ebe imina ijo kesi kwape kiminuna ijo eong'.

Yokana 17:25

Okwai Papa lo edolit, mam akwap kijenuut ijo, konye ajenu eong' ijo; ejenete lu ebe ijukuut ijo eong'.

Yokana 17:8

naarai ainaki eong' kesi akiro nu ibu ijo koinak eong', ediasi kesi, ajenutu kabeite ebe alomuni eong' kama kon, eyuutu ebe, ijo nes kijukuni eong'.

Yokana 3:17

Naarai mam Akuju ejukuni Okoku keng' akwap kanuka atubonokin akwap, konye tetere elakuno akwap akitoro nama keng'.

Yokana 3:34

Nesi ni ijukuut Akuju inera akiro nuka Akuju, naarai einakini Akuju itwan ng'ini Emoyo Lokalaunan emam akitemeteme etyae.

Yokana 5:44

Koni ibeikinata osi akiyuun, osi lu idumuneneete akitamao alomun kotung'a kaluce komam kikotosi akitamao na elomuni kamaka Akuju ka epe bon.

Yokana 6:57

Kwape kijukuna eong' Papa lo ejari, bobo kajari eong' kanuka Papa, nes ekipone ejaria nesi ng'ini ni enyemi akwaan kang'.

Yokana 7:29

Ajeni eong' nesi, naarai alomuni eong' kama keng', nesi kejukuuni eong'.”

Yokana 8:19

Kosodete kesi aking'it nesi ebe, “Ai ejii Papa kon?” Kinyakakini Yesu kesi ebe, “Mam osi kijenete eong' karaida Papa kang'; Kere kijenete osi eong' tia osi ijenete Papa kang' de.”

1 Ikorinton 15:34

Kokwenyutu! Kogeutu akijar kojokan, bobo kinyekisi asoma arokusio. Ice kama kusi mam kejenete Akuju cut. Nu alimonokini eong' osi erait asilutu na epolo noi kama kusi.

1 Ikorinton 8:4

Kanuka ng'unu konye, atupa ka inyamen lu edusite ajokin, kijenete siong' ebe ajokit mam kejatatar ka ajaus naka abeite, kijenete oni ejii Akuju ape bon.

2 Ikorinton 4:6

Akuju lo alimun, “Kinyek acaus kocau kamuton!” Erai Akuju ng'openg'ol nesi etacauni acaus keng' kotauon wok, ayaun oni akijene naka akibusesu ka Akuju ecae kakonyen ka Kristo.

Ipilipin 3:10

Nu kere nu akote eong' erait ajenun Kristo kiton ajenun apedor naka ajarun kamaka lukatwak, ka akimoro akicana keng' karaun kwape keng' katwanare keng',

Ipilipin 3:8

Teni emari eong' ng'ini ibore bala atwaniaret kanuka ajokus kana epolo noi naka ajenun Lokapolon kang', Yesu Kristo. Atwania eong' iboro kere kanu keng', kakimara kesi bala iboro lu ibosito tetere adumuni eong' Kristo

1 Itesalonikan 1:9

Inerasi itung'a ng'ulu kere kuju ka akipejokin kosi osi: Ekipone lo kidiaunata osi siong', ekipone lo inyekinata osi aputon ka akibeleun osi namaka Akuju, lo ejari kaloka abeite,

2 Itesalonikan 1:8

ka akimi na enoki, akitisilar ng'ulu lu eng'erete Akuju kalu mam keyong'ito Akiro nukalaunak nuka Lokapolon Yesu.

Iburayon 3:1

Kanuka ng'un ikanacana ka akanacan lukalaunak lu adau Akuju anyaraun kiitunenete kuju ka Kristo ekiyakia ka esaserdotit lokapolon loka akiyuun wok.

2 Petero 1:2

Asianut ka aipuc kojaasi nepepe ka osi kakipwakus kanuka akijen kus Akuju kiton Yesu Lokapolon wok.

2 Petero 1:3

Ainak apedor ka Akuju oni ng'ini ibore ni ikotosi oni tetere ijaasi oni toma akijar naka abeite na itiminariit Akuju kanuka ajenus wok nesi lo anyarauni oni akimor akibusesu kiton ajokus keng'.

2 Petero 1:8

Lu kesi ikisila lu itemokina ajaus ka osi. Kijaasi osi ka kesi ka akipuakus einakinete osi asoma kacalara kiton akijene Lokapolon wok Yesu Kristo.

1 Yoana 1:2

Nape atakanuna akijar na, kanyunete siong' nesi. Kanuka ng'un, inerasi siong' kuju keng' ka alimonokin osi kuju ka akijar kana emam esial kana ajaasi ka Papa kosodete alimokin oni.

1 Yoana 1:3

Kalimonokinete siong' osi de nu anyutu siong' kiton akiirar, tetere ijaikinosi osi nenipe ka siong' ka akimor kana ijaasi siong' ka Papa kiton Okoku keng' Yesu Kristo.

1 Yoana 2:23

Emam ipede ni eng'erito Okoku ejaasi ka Papa. Ng'ini ni ecamuut Okoku ecamuut Papa de.

1 Yoana 4:6

Konye iraito oni luka Akuju. Ng'ini kere ni ejeni Akuju epupi siong'. Ng'ini kere ni emam kerait nika Akuju mam kepupi siong'. Kanuka ng'un, ekipone lo nes ibeikiteter oni ajenun agelakina na ejii kiding' ka Emoyo kaloka abeite kiton loka aliokonu.

1 Yoana 5:20

Ijenete oni ebe abu Okoku ka Akuju bobo ainaki nesi oni akijen, tetere ijenete oni Akuju loka abeite. Ijaasi oni oidicane nenipe ka Akuju loka abeite, oidicane nenipe ka Yesu Kristo, Okoku keng'. Lo nes Akuju loka abeite, bobo na nes akijar na emam esial.