Yokana 17:25 - AKITUTUKET NAKITETET (NEPEPEKA ISABULIN KA AWARAGASIA)

²⁵ Okwai Papa lo edolit, mam akwap kijenuut ijo, konye ajenu eong' ijo; ejenete lu ebe ijukuut ijo eong'.

Ebaibuli

²⁵ Wu Papa Ekadoliton, mam akwapin kijenete, konye kajeni jo; ejenete lu ebe ijo ŋes kijukunit.

Yokana 17:25 Iomraidhean Croise

Matayo 11:27

“Ainaki Papa kang' eong' iboro lu kere. Emam itwan ni ejeni Okoku adepar Papa, emam itwan ni ejeni Papa adepar Okoku ka ng'ulu lu eseuni Okoku apukokin nesi.”

Matayo 16:16

Kinyakak Simon Petero, “Irait ijo Kristo, Okoku ka Akuju kalo ejari.”

Luka 10:22

“Ainaki Papa kang' eong' iboro kere. Emam itwan ejeni Okoku nes ngai adepar Papa, bobo mam itwan ipede ejeni Papa nesi ng'ai adepar Okoku nepepe ka ng'ulu lu eseuni Okoku apukokin.”

Yokana 1:18

Emam itwan apelem ni anyuut Akuju. Okoku keng' loteluna bon, lo ejii cut otau ka Papa, ng'oli nes etodia nesi.

Yokana 10:15

Ekipone lo ejenia Papa kang' eong' nes ekipone ajenia eong' de Papa. Apali eong' akijar kang' kanuka amerekekin.

Yokana 15:21

Konye ebunete kesi akisomakin osi nu kere kanu kang', naarai mam kesi kejenete ng'oli lokejukuni eong'.

Yokana 16:27

naarai Papa elope kimina osi, naarai iminutu osi eong' bobo iyuutu osi ebe alomuni eong' kamaka Papa.

Yokana 16:3

Ebunete kesi akisomakin osi nu naarai mam kesi kejenete Papa, bobo mam kesi kajenete eong'.

Yokana 16:30

Ajenutu siong' kipokona ebe ijeni ijo iboro kere, emam niking'isi ijo; kanuka nu kiyuutu siong' ebe ilomuni ijo kamaka Akuju.”

Yokana 17:11

Kipokona, mam bobo eong' kajii toma akwap, konye kesi ejaasi toma akwap, abuuti eong' nama kon. Papa Lokalaunan, kidar kesi kokiror kon, ekiror lo kiinaki ijo eong', kidar kesi kojokan tetere eraunete kesi ibore ipe, kwape iraitetere oni ibore ipe.

Yokana 17:18

Ekipone lo kijukuna ijo eong' toma akwap, nes ejukaria eong' de kesi toma akwap.

Yokana 17:21

Elipit eong' korautu kesi kere ibore ipe. Kojaasi kesi toma wok kwape ijaare ijo toma kang', tetere emunokini akwap ebe kijaasi ijo kijukuni eong'.

Yokana 17:23

ajii eong' toma kes, kojii ijo toma kang', tetere eraunete kesi ibore ipe kotenan, tetere ejenuni akwap ebe ijuku ijo eong', bobo ebe imina ijo kesi kwape kiminuna ijo eong'.

Yokana 17:3

Apolou ka akijar kana emam kedaun erait ajenus ijo, Akuju epe bon loka abeite, kiton ajenus Yesu Kristo, lo ibu ijo kijuku.

Yokana 17:8

naarai ainaki eong' kesi akiro nu ibu ijo koinak eong', ediasi kesi, ajenutu kabeite ebe alomuni eong' kama kon, eyuutu ebe, ijo nes kijukuni eong'.

Yokana 3:17

Naarai mam Akuju ejukuni Okoku keng' akwap kanuka atubonokin akwap, konye tetere elakuno akwap akitoro nama keng'.

Yokana 6:19

Kedautu kesi elotete loka amailoi bala auni arai awong'on, koanyunete kesi Yesu elosi kakar, apuut ataker. Abutu kesi koriang'utu noi,

Yokana 7:29

Ajeni eong' nesi, naarai alomuni eong' kama keng', nesi kejukuuni eong'.”

Yokana 8:19

Kosodete kesi aking'it nesi ebe, “Ai ejii Papa kon?” Kinyakakini Yesu kesi ebe, “Mam osi kijenete eong' karaida Papa kang'; Kere kijenete osi eong' tia osi ijenete Papa kang' de.”

Yokana 8:55

Konye mam osi kijenuuto nesi. Ajeni eong' nesi. Katema eong' ebe mam eong' kajeni nesi arauni eong' eliokoi kwape kus. Konye ajeni eong' nesi bobo aricit eong' akirot keng'.

Aswamisio 17:23

Naarai na elatere eong' kore kus, ka anyun nama ilipata osi, abu eong' kadum altari na igirakite, ‘Nama ka Akuju kana mam Kejenuna.’ Atikere kimam osi kijenete ng'ini ni imaete osi, nesi nes etodiari eong' kipokona kama kus.

Aswamisio 26:18

kanuka ang'ar akonyen kes, tetere ibellkinosi alomun kotoma akirionus alosite acaus, bobo alomun ka apedor ka Asatanit alosite nama ka Akuju, tetere edumunete arimakino ka arokusio kes kiton alaro kamaka ng'ulu kalu italaute ka akiyuun kama kang'.’”

Iromayon 1:28

Kanu ang'eriata itung'a ng'ulu akipiakin toma adama kes acua naka abeite ikamuut Akuju, egwaki nesi kesi akanin kitung'a kalu ebosito adama, tetere isomaete kesi iboro lu mam kitemokina kesi asoma.

Iromayon 3:11

emam ipede ni eco kere de ni imae Akuju.

Iromayon 3:26

Konye kakolong' kana, isomakini Akuju ibore ikamuut arokusio kes tetere itodiari nesi adolite keng'. Kokipone kang'olo itodiari Akuju elope ebe edolit nesi, bobo imarakini nesi ng'ini kere ni emunokiit Yesu adolite.

1 Ikorinton 1:21

Naarai ageun sek, kotoma acoa ka Akuju, amam akwap ajeni Akuju atupa ka acoa. Abu kominak Akuju kotoma abang'anut kana ilimonorete oni alakun ng'ulu lu iyuuto.

1 Ikorinton 15:34

Kokwenyutu! Kogeutu akijar kojokan, bobo kinyekisi asoma arokusio. Ice kama kusi mam kejenete Akuju cut. Nu alimonokini eong' osi erait asilutu na epolo noi kama kusi.

2 Ikorinton 4:4

Etumuduk kesi akuju loka akwapa adama kes kalu mam kiyuuto kinyekisi anyun acaus na ecaikiit kesi, acaus naka Akiro Nukajokak nuka akibusesu ka Kristo, lo erait aputo ka Akuju.

2 Itesalonikan 1:8

ka akimi na enoki, akitisilar ng'ulu lu eng'erete Akuju kalu mam keyong'ito Akiro nukalaunak nuka Lokapolon Yesu.

Iburayon 8:11

Mam ipede kama kes ebuni akisisianakin itung'a luka akwap kes kere de alimokin itung'a kes, ‘Kojenu Lokapolon.’ Naarai ejenunete kesi kere eong', ageun kamaka nikaditan akitodol nikapolon.

1 Yoana 1:9

Konye kiyamooto oni arokusio wok kamaka Akuju, isomakini nesi asumunet keng' kasoma nu idereete: Erimakini nesi oni arokusio wok ka akitalaun oni karokusio wok kere.

Apukokinio 13:8

Itung'a kere lu iboyete ka akwap ebunete akimaa nesi akilanya ng'ulu lukegeite akigiri iroria kes okitabo loka akijar ka Imerekek kani kebun kwarai ering'a akwap kesubuna.

Apukokinio 16:5

Kasodi eong' akiirar emalaikat lo epolokiit akipi ebala, “Atubonokineta nu isub ijo edolito, okwai lokalaunan, ijo lo ijii bobo kijii.