Yokana 17:24 - AKITUTUKET NAKITETET (NEPEPEKA ISABULIN KA AWARAGASIA)

²⁴ “Papa! Iinaki ijo eong' kesi. Akote eong' kesi kojaasi ka eong' nama ajii eong' tetere ebeikinete kesi anyun akibusesu kang', akibusesu nakiinaki ijo eong'; naarai ibu ijo kominu eong' sek eroko kisubuna akwap.

Ebaibuli

²⁴ Papa, akoto kes lukiinakinit ajaut nenipe keoŋ kere neajai; koanyutu akaibuses nakiinakinit; naarai ibu komina eoŋ eriŋa epesikina apetetait naka akwapin.

Yokana 17:24 Iomraidhean Croise

Matayo 25:21

Kolimokini ejakait keng' nesi, ‘Isoma ijo kojokan, ijokuna ijo, ijo ekejaanakinan lo emunokina! Ijaikinosi ijo ka amuno koboro kalu edisak, egwaakini eong' ijo apolokiite iboro lu ipu; kolom alakara ka ejakait kon.’

Matayo 25:23

Kolimokini ejakait keng' nesi, ‘Isoma ijo kojokan, ijokuna ijo, ijo ekejaanakinan lo emunokina! Ijaikinosi ijo ka amuno koboro kalu edisiaka, egwaakini eong' ijo apolokiite iboro lu ipu; kolom alakara ka ejakait kon.’

Matayo 25:34

Elimokini Ejakait ng'ulu luka akan keng' kanakoteten, “Kobuutu lu isirereng'it Papa kang'; kirumata ajakaanut na kitenakiite osi ageun ape kesubere akwap.

Matayo 26:29

Kalimokini eong' osi ebe mam eong' bobo kamasi ebino lo ering'a apaaran kedolo na amasia eong' ka osi ebino lokitetet ka Ajakaanut ka Papa kang'.”

Luka 12:37

Ikote erereng' ai lukejaanakinak ng'ulu lu edumuni ejakait kes ekwenyete kolokokina ebong'uni! Kalimokini eong' osi, elacari nesi akoti keng', kalimokin kesi kiboikinosi kwap, kosodi nesi akijaanakin kesi.

Luka 23:43

Kolimokini Yesu nesi, “Abeite kalimokin eong' ijo, lolo ijaikinosi ijo ka eong' Paradiso.”

Yokana 1:14

Korauni Akirot etung'anan, kosodi ajaikin kiding' wok, ileleba asianut ka abeite. Anyutu siong' akibusesu keng', akibusesu naka Okoku lotelit alomun kamaka Papa.

Yokana 12:26

Kijaanakini itwan kere eong', tar nesi akigwapa eong'. Nama ajii eong' ejaikin lokejaanakinan kang' de ng'ina. Kijaanaki itwan kere eong', eyong'i Papa nesi.”

Yokana 14:3

Kadau eong' alosite akitemonokin osi alaro, abuni eong' bobo kayang'aar osi nama kang' tetere ijaikinosi osi de nama ajaikin eong'.

Yokana 15:9

Kwape kaminuna Papa kang' eong', nes ekipone lo aminuna eong' de osi; kideunosi kotoma amina kang'.

Yokana 17:2

Naarai ibu ijo koinaki nesi apedor kuju ka itung'a kere, tetere einakini nesi de akijar na emam kedaun ng'ulu kere lu kibuu ijo koinaki nesi.

Yokana 17:22

Akibusesu na inaki ijo eong', ainaki eong' kesi, tetere eraunete kesi ibore ipe, kwape iraatatare oni ipe,

Yokana 17:5

Papa, koinakine eong' akibusesu kakonyen kon kipokona, akibusesu bala na ajaasi ka eong' nepepe ka ijo eroko akwap kejeuna.”

Yokana 6:37

Ng'ini kere ni einakini Papa kang' eong', ebuni nama kang'. Bobo ng'ini ni ebuni nama kang', mam eong' kacakari king'a.

Yokana 6:39

nu nes nu ekote lokejukuni eong', ebe mam kitemokina eong' akitowoli ipede kamaka lu ainaki nesi eong', adepar akitajarun kesi kaparaan kanaka esial.

Yokana 8:58

Kolimokini Yesu kesi ebe, “Abeite, abeite, kalimokini eong' osi ebe, eroko Aburaam kejaikina, ajii eong' sek.”

1 Ikorinton 13:12

Kipokona itete oni ka kio imidimidi konye apaaran ng'ini akonyen kakonyen. Kipokona ajeni eong' atutubet, apak ng'ini ajenuni eong' kajokis, kwape kajenunere eong' kojokan.

2 Ikorinton 3:18

Kasodete oni kere lu mam kimukuoro, ijaasi ka akibusesu ka Lokapolon, ibelokino araun aputo keng' alomun kadoketait kape naka akibusesu adolore nace; eteosi kwape bala aroet, kitopolosi akibusesu ka Lokapolon, ibelokinosi oni ka aputokin ka nesi alomuni ka apolou kanace adolore nace, narai elomuto nu kamaka Lokapolon lo erait Emoyo.

2 Ikorinton 4:6

Akuju lo alimun, “Kinyek acaus kocau kamuton!” Erai Akuju ng'openg'ol nesi etacauni acaus keng' kotauon wok, ayaun oni akijene naka akibusesu ka Akuju ecae kakonyen ka Kristo.

2 Ikorinton 5:8

Ileleba oni atitiny na ejokuna, bobo ejokuna oni alomar kotoma akwana bobo ka ajaus ore nepepe ka Lokapolon.

Ipilipin 1:23

Eridakito eong' akiro aare. Nu akote eong' erait alomar kajaikin nepepe ka Kristo, naarai ejokuna na cut.

1 Itesalonikan 4:17

Kasodete oni lu ijarete atukokin ka kesi odowon kakiriamakin ka Lokapolon kowuria.

1 Petero 1:21

Kotoma keng' ibutu osi kiyutu Akuju, lo etajaruni nesi kotoma atwanare, ka ainakin nesi akibusesu; kanuka ng'unu akiyuun nepepe ka amuno kus kojaasi nama ka Akuju.

1 Yoana 3:2

Luminat kang', iraito oni idwe ka Akuju kipokona. Konye ering'a kejenuna ejautene wok lo ebuut. Konye ijenete oni ebe nape etakanuuna nesi iputokinosi oni ka nesi, naarai anyunete oni nesi kwape ejaare nesi.

Apukokinio 21:22

Mam eong' abu kanyu Etogo ka Akuju kore ka Lokapolon, naarai etogo keng' erait Lokapolon Akuju loka Apedor kere nepepe ka Imerekek.

Apukokinio 3:21

Ainakini eong' nesi ni ilanyi adolite naka akiboi ka eong' kokicolong' kang', kwape elanyia eong' kakiboikin nenipe ka Papa kang' okicolong' keng'.