Yokana 17:21 - AKITUTUKET NAKITETET (NEPEPEKA ISABULIN KA AWARAGASIA)

²¹ Elipit eong' korautu kesi kere ibore ipe. Kojaasi kesi toma wok kwape ijaare ijo toma kang', tetere emunokini akwap ebe kijaasi ijo kijukuni eong'.

Ebaibuli

²¹ tetere eraunete kere ipe; kwape ijo Papa ijaar tomakaŋ, eoŋ da tomakon, ŋul da kojaut tomawok: tetere iyuunete akwapin ebe ijo ŋes kijukunit,

Yokana 17:21 Iomraidhean Croise

Mariko 3:24

Ketiakak ajakaanut ape alope katutubesia epegasi akulopek mam cut ajakaanut ng'ini kegwoi.

Yokana 10:16

Bobo ajaasi eong' ka amerekekin kace kanu mam keraito nukesipan kalo. Ibusakinit eong' ayaun ng'unu de, kosodete kesi akiirar eporoto kang'. Kanuka ng'un, ejaikin esipan epe ka lokejokon epe.”

Yokana 10:30

Eong' ka Papa kiraito ipe.”

Yokana 10:38

Konye kesomaki eong', atikere kimam osi kiyuuto eong', kocamutu aswamisio tetere ijenunete osi ebe ejii Papa toma kang' bobo eong' de ajii toma ka Papa.”

Yokana 11:42

Ajeni eong' ebe iranari ijo eong' apakio kere, konye enera eong' akiro nu kanuka itung'a kalu egwoete kane tetere iyuunete kesi ebe kijukuuti ijo eong'.”

Yokana 13:32

kitopolorite Akuju kotoma keng', elosi Akuju de akitopoloor nesi kotoma keng' kelopet, ka akitopoloor nesi atipet.

Yokana 13:35

Ekipone lo nes ejenunata itung'a kere ebe iraasi osi lukesisiak kang', kiminasi osi.”

Yokana 17:11

Kipokona, mam bobo eong' kajii toma akwap, konye kesi ejaasi toma akwap, abuuti eong' nama kon. Papa Lokalaunan, kidar kesi kokiror kon, ekiror lo kiinaki ijo eong', kidar kesi kojokan tetere eraunete kesi ibore ipe, kwape iraitetere oni ibore ipe.

Yokana 17:18

Ekipone lo kijukuna ijo eong' toma akwap, nes ejukaria eong' de kesi toma akwap.

Yokana 17:20

Mam eong' kelipakiit lu bon, konye ng'ulu de lu iyuuto eong' kanuka akirot kes.

Yokana 17:25

Okwai Papa lo edolit, mam akwap kijenuut ijo, konye ajenu eong' ijo; ejenete lu ebe ijukuut ijo eong'.

Yokana 17:3

Apolou ka akijar kana emam kedaun erait ajenus ijo, Akuju epe bon loka abeite, kiton ajenus Yesu Kristo, lo ibu ijo kijuku.

Yokana 17:8

naarai ainaki eong' kesi akiro nu ibu ijo koinak eong', ediasi kesi, ajenutu kabeite ebe alomuni eong' kama kon, eyuutu ebe, ijo nes kijukuni eong'.

Yokana 3:17

Naarai mam Akuju ejukuni Okoku keng' akwap kanuka atubonokin akwap, konye tetere elakuno akwap akitoro nama keng'.

Yokana 5:23

tetere eyong'ete itung'a kere Okoku kwape eyong'itotore kesi Papa. Ng'ini ni emam keyong'it Okoku mam keyong'it Papa lo ejukuni nesi.”

Aswamisio 2:46

Ng'ini paaran kotukonokinosi kesi Otogo ka Akuju, bobo anyemete nenipe ka oreria kes, kalakara kitawon kalu ejoka,

Aswamisio 4:32

Kerait atuket kalukeyuunak ibore ipe kaomosia ka otau. Emam ipe kama kes kebu kotama iboro kes keraito lukes bon, konye komorete kesi nenipe ng'ini ibore ni kejatatare ka kesi kere.

Iromayon 12:5

Kokipone kalope kang'oli, atikere kipuaka oni, iraito oni akwana ape kotoma Kristo. Bobo irucokina oni kijokin namaka nice iraito oni atutubesia nu egelegela nuka akwana kape.

1 Ikorinton 1:10

Kemaimait eong' osi ikanacan ka akinacan kokiror ka Lokapolon wok Yesu Kristo ebe osi kere akiirar komam ang'olopa kokiding' kus. Konye kimorikikina kotoma awomisit kiton atubokino ape.

1 Ikorinton 12:12

Kwape eraitere akwana ape kojaasi katutupesia nu ipu, ering'a erait akwana ape, ikoni kong'in ka Kristo.

1 Ikorinton 6:17

Konye ng'olo lo imorikikinosi nesi ka Lokapolon eraunete kesi komoyo ibore ipe ka nesi.

Igalatian 3:28

Kanuka ng'unu, emam agelakina ejii kiding' ka Iyaudin kiton Ilong'au, kiding' ka ijolon kiton lu elakakina, kiding' ka ikiliok kiton aberu. Naarai iraito osi kere ibore ipe kamaka Kristo.

Ipilipin 1:27

Ibore nikapolon erait ebe kitemokina ejautene kus ka akiro nukalaunak ka Kristo, tetere kere kabeikini eong' abunore anyun osi kere mam, kabeikini eong' akirar kuju kus ebe igwoete osi icasito ka etau kepe, imorikina adama eupasi nenipe kanuka akiyuun kanaka akiro kanukalaunak.

1 Yoana 1:3

Kalimonokinete siong' osi de nu anyutu siong' kiton akiirar, tetere ijaikinosi osi nenipe ka siong' ka akimor kana ijaasi siong' ka Papa kiton Okoku keng' Yesu Kristo.

1 Yoana 5:7

Ejaasi luketodiarak iuni: