Yokana 17:2 - AKITUTUKET NAKITETET (NEPEPEKA ISABULIN KA AWARAGASIA)

² Naarai ibu ijo koinaki nesi apedor kuju ka itung'a kere, tetere einakini nesi de akijar na emam kedaun ng'ulu kere lu kibuu ijo koinaki nesi.

Ebaibuli

² Kwape ibu koinakinia apedor kama kaluejaas awat kere, tetere einakini kere lukiinakini ŋes aijar namam edaun.

Yokana 17:2 Iomraidhean Croise

Isabulin 110:1

Kolimokini Lokapolon ejakait kang', “Kiboikin teten kang', kegwaaki eong' ipading'atin kon kwap kakejen kon.”

Matayo 11:27

“Ainaki Papa kang' eong' iboro lu kere. Emam itwan ni ejeni Okoku adepar Papa, emam itwan ni ejeni Papa adepar Okoku ka ng'ulu lu eseuni Okoku apukokin nesi.”

Matayo 25:46

Lu, ijukiaro akitisilaro na emam esial, konye lu edolito elomete akijar na emam esial.”

Matayo 28:18

Kobuni Yesu, kolimokini kesi, “Ainakin eong' apedor kere nako kuju kitoni kwap.

Yokana 17:24

“Papa! Iinaki ijo eong' kesi. Akote eong' kesi kojaasi ka eong' nama ajii eong' tetere ebeikinete kesi anyun akibusesu kang', akibusesu nakiinaki ijo eong'; naarai ibu ijo kominu eong' sek eroko kisubuna akwap.

Yokana 17:6

Etodia eong' ekiror kon kotung'a kalu ibu ijo koinak eong' alomun ka akwap; keraasi kesi lukon, kosodi ijo de ainakin eong' kesi korautu lukang'; kesi de aricakisi akirot kon.

Yokana 17:9

Elipakiit eong' kesi; mam eong' kelipakiit akwap konye ng'ulu lukiinaki ijo eong' naarai eraasi kesi lukon.

Yokana 3:35

Emina Papa Okoku keng', bobo egwaaki nesi iboro kere akanin keng'.

Yokana 4:14

konye ng'ini kere ni emasi akipi ng'unu nu ainakini eong' nesi mam bobo akure kaari nesi cut. Akipi nu ainakini eong' nesi eraunete kotoma keng' ecor loka akipi nu einakinete akijar na emam edung'e.”

Yokana 6:27

Mam apodo kanuka inyamata kalu emunaunosi, konye kopodosi kanuka inyamata kalu emam kemunaunosi ka akijar kana emam kedaun, na einakini osi Okoku ka Etwan; naarai nama keng' nes adau Akuju, Papa akigwaakin acamakinet keng'.”

Yokana 6:37

Ng'ini kere ni einakini Papa kang' eong', ebuni nama kang'. Bobo ng'ini ni ebuni nama kang', mam eong' kacakari king'a.

Yokana 6:39

nu nes nu ekote lokejukuni eong', ebe mam kitemokina eong' akitowoli ipede kamaka lu ainaki nesi eong', adepar akitajarun kesi kaparaan kanaka esial.

Iromayon 6:23

Naarai eropit ka aronus erait atwanare. Konye idutat nika along'u nika Akuju erait akijar na emam esial kotoma Yesu Kristo Lokapolon wok.

1 Ikorinton 15:25

Ejii Kristo akipit akitodolo nama ilanyia Akuju ipading'atin keng' ka akipiakin kesi kwap ka akejene keng'.

Ipeson 1:20

na etosomae nesi apak na etajaruna nesi Kristo kamaka lukatwak kakisiboikin nesi akani keng' nako teten kokuju.

Ipilipin 2:10

Kanuka ng'unu, kanuka ayong'ite ekiror ka Kristo, ebunete iboro kere, lu ejaasi kuju, kwap, kiton akwap ka lukatwak akukokin ka akimaa nesi,

1 Timoti 1:16

konye asiana Akuju kama kang' tetere itooduni Yesu Kristo akikanya keng' kijokin kama kang', ekaronon cut kamaka lukarokusio kere, araun bala lo iteete itung'a luce lu ebuuto akiyuun kosodete adumun akijar naka ikaru kere.

Iburayon 1:2

konye kapaarasia kanukesial kanu enerata nesi ka oni itorit namaka Okoku keng'. Asubi Akuju akwap itorit nama ka Okoku keng', epe lo aseu Akuju korautu iboro kere lukeng' kosial.

1 Petero 3:22

lo adau aikar kuju bobo ejii akan nakoteten naka Akuju, ipugae imalaikan kere nepepe ka luka apedor kokuju kiton luka agogong' kere.

1 Yoana 1:2

Nape atakanuna akijar na, kanyunete siong' nesi. Kanuka ng'un, inerasi siong' kuju keng' ka alimonokin osi kuju ka akijar kana emam esial kana ajaasi ka Papa kosodete alimokin oni.

1 Yoana 2:25

Nu kes abu Kristo elope kisumunik oni-ang'aleu na emam esial.

1 Yoana 5:20

Ijenete oni ebe abu Okoku ka Akuju bobo ainaki nesi oni akijen, tetere ijenete oni Akuju loka abeite. Ijaasi oni oidicane nenipe ka Akuju loka abeite, oidicane nenipe ka Yesu Kristo, Okoku keng'. Lo nes Akuju loka abeite, bobo na nes akijar na emam esial.

Yuda 1:21

kiboete osi ikulopek kotoma amina ka Akuju, idarito osi Lokapolon wok Yesu Kristo kotoma asyanut keng' ainakin osi akijar na emam esial.