Yokana 17:11 - AKITUTUKET NAKITETET (NEPEPEKA ISABULIN KA AWARAGASIA)

¹¹ Kipokona, mam bobo eong' kajii toma akwap, konye kesi ejaasi toma akwap, abuuti eong' nama kon. Papa Lokalaunan, kidar kesi kokiror kon, ekiror lo kiinaki ijo eong', kidar kesi kojokan tetere eraunete kesi ibore ipe, kwape iraitetere oni ibore ipe.

Ebaibuli

¹¹ Mam eoŋ aroko bobo ajai toma akwapin, konye lu ejaas toma akwapin, abuni eoŋ mamakon. Papa Lokalaunan, kidar kotoma okirorikon lukiinakinit eoŋ, tetere eraunete ipe, kwape kiraar oni ipe.

Yokana 17:11 Iomraidhean Croise

Isabulin 79:9

King'araki siong', Okwai Akuju lakeyuunan kosi; koyuu siong' bobo korimaki arokusio kosi tetere eyong'io ekiror kon.

Awaragasia 18:10

Eputosi Lokapolon ka akitesi na egogong', nama ebeikinete lu edolito alosite ka akijar.

Matayo 10:16

“Kiirasi! Eyakit eong' osi king'a kwape ka amerekikin ko kiding' ka ipeene. Kocoikinasi bala imunwo ka akinapara bala aleur.

Matayo 5:48

Kanuka ng'unu ekotokina osi ajokun noi kwape ejokunare noi Papa kus loko kuju.”

Matayo 6:9

Kanuka ng'unu, kilipata kokipone kalo: “Papa kosi lo ejii toma kuju: Ekiror kon kiturwoi;

Yokana 13:1

Ering'a apaaran naka epucit kaloka Paska kedolo, nakejenuna Yesu ebe adolu esaa keng' loka anyoun kakwap kana alosite namaka Papa, kedau nesi aminun lukeong' lukejaasi toman akwap, kominuni nesi kesi akitodol osial.

Yokana 13:3

Kejeni Yesu ebe kedaut Papa ainakin nesi apedor kere; kejeni nesi ebe kelomuut nesi kamaka Akuju bobo alosi nesi nama ka Akuju,

Yokana 14:20

Kapaaran kang'ini ijenunete osi ebe ajii eong' toma ka Papa kang', osi de toma kang', eong' de toma kus.

Yokana 16:28

Alomuni eong' kamaka Papa, bobo abu eong' toma Akwap; bobo alomari eong' kakwap, alosite nama ka Papa.”

Yokana 16:33

Alimoki eong' osi nu, tetere idumunete osi aipuc kotoma kang'. Kotoma akwap ijaikinosi osi ka ican; konye kicasitete, adau eong' akitelekaar akwap.”

Yokana 17:23

ajii eong' toma kes, kojii ijo toma kang', tetere eraunete kesi ibore ipe kotenan, tetere ejenuni akwap ebe ijuku ijo eong', bobo ebe imina ijo kesi kwape kiminuna ijo eong'.

Yokana 17:25

Okwai Papa lo edolit, mam akwap kijenuut ijo, konye ajenu eong' ijo; ejenete lu ebe ijukuut ijo eong'.

Yokana 17:6

Etodia eong' ekiror kon kotung'a kalu ibu ijo koinak eong' alomun ka akwap; keraasi kesi lukon, kosodi ijo de ainakin eong' kesi korautu lukang'; kesi de aricakisi akirot kon.

Yokana 7:33

Kosodi Yesu atemar ebe, “Ajaikinosi eong' ka osi ka apak kana euriana, kasodi eong' abong'or nama kalokejukuuni eong',

Aswamisio 3:21

Ejii nesi akideun kokuju akitodol apak na itenunere iboro kere lukitetiak, kwape ketemaritere Akuju itorit namaka lukadwaran keng' lukalaunak lukejaasi sek.

Iromayon 12:5

Kokipone kalope kang'oli, atikere kipuaka oni, iraito oni akwana ape kotoma Kristo. Bobo irucokina oni kijokin namaka nice iraito oni atutubesia nu egelegela nuka akwana kape.

Iromayon 9:17

Elimonokinete agirasia nukalaunak Farao ebe, “Abu eong' ketarau ijo ejakait kanuka akitosoma ijo akitoduun agogong' kang' ka akisiarakin ekiror kang' akwap kere.”

1 Ikorinton 1:10

Kemaimait eong' osi ikanacan ka akinacan kokiror ka Lokapolon wok Yesu Kristo ebe osi kere akiirar komam ang'olopa kokiding' kus. Konye kimorikikina kotoma awomisit kiton atubokino ape.

Igalatian 3:28

Kanuka ng'unu, emam agelakina ejii kiding' ka Iyaudin kiton Ilong'au, kiding' ka ijolon kiton lu elakakina, kiding' ka ikiliok kiton aberu. Naarai iraito osi kere ibore ipe kamaka Kristo.

Ipeson 4:4

Ejii akwan ape kiton Emoyo epe, kwape ejaare amuno ape na kinyarak Akuju osi.

Ipilipin 2:9

Kanuka nu, abu Akuju kitopolo nesi noi, ka ainakin nesi ekiror lo epolo adepar iroria kere.

Iburayon 1:3

Itoduuti nesi acaus naka akibusesu ka Akuju bobo erait nesi aputo naka Akuju kelope, idari nesi akwapa kere ka agogong'u ka akiroto keng'. Nakedauna nesi ayaun arimakino naka arokusio ka etung'anan, kosodi nesi akiboikin akan nakoteten ka Akuju kokuju, loka apedor kere.

Iburayon 9:24

Naarai mam Kristo abu kolomo Alaro Nakalaunan na esubite ka akanin ka etung'anan, na arait aputo kang'in naka abeite. Abu nesi kolomo kuju alope nama kipokona egwoya nesi koking'aren ka Akuju kanu wok.

Yakobo 4:4

Itung'a lu mam kemunokina! Mam osi kijenete ebe araus ipaupatin ka akwap erait araun ipading'a ka Akuju? Itung'a lu ekotosi araus ipaupatin ka akwap eraunete ikulopek ipading'atin ka Akuju.

1 Petero 1:5

Eraito kesi lukus, luko toma akiyuun idarite ka agogong' ka Akuju kanuka alakuno na elokokina apukor kosial ka akolong'.

1 Yoana 3:12

komam araite bala Kain lo arait loka Asatanit kosodi akiara onac keng'. Inyo karia Kain nesi? Naarai aroko asomisio keng' kelope konye adolito nuka onaci keng'.

1 Yoana 5:19

Ijenete oni ebe iraito oni luka Akuju konye akwap kijokin ejii kwap ka apugan kalokaronon.

Yuda 1:1

Alomun kamaka Yuda, ekejaanakinan ka Yesu Kristo, onac keng' ka Yakobo. Namaka ng'ulu kalu kedau Akuju anyaraun, lu iboyete kotoma amina ka Akuju Papa bobo igwaikite kojokan Yesu Kristo.

Yuda 1:24

Nama keng' lo ebeikini akidar ijo tetere emam ijo kibirori, kosodi ayaun ijo emam aronus ka ayauni ijo kalakara akibusesu na ejii nesi,

Apukokinio 15:4

Ng'ai mam keguwoi eyong'it ijo, Lokapolon? Ng'ai eng'eri akitur ijo? Ijo bon nes lokalaunan. Akwapin kere ebunete kosodete akimaa ijo, naarai asomisio kon nu edolito anyutu itung'a kere.”

Apukokinio 19:12

Akonyen keng' aputosi ka ang'ajepa ka akimi, bobo anapit nesi abokokin nu ipu. Kejaasi nesi ka ekiror lokigirakiite kuju keng', konye mam ipede adepar nesi elope ajeni.

Apukokinio 4:8

Ng'ini ipe ka iboro ka iwong'on kalu ejarete ajaasi ka abenokoka akanykape, bobo eleleba kesi akonyen imanakito bobo kotoma bobo akware ka apaaran mam kesi akinyekin ekiruke, “Lokalaunan, lokalaunan, lokalaunan, nesi Lokapolon Akuju loka apedor kere, lo kejii, lo ejii, bobo lo ebuni.”