Yokana 16:5 - AKITUTUKET NAKITETET (NEPEPEKA ISABULIN KA AWARAGASIA)

⁵ Konye kipokona alosi eong' namaka lokejukuni eong'. Konye emam ipede kama kus nikeng'isit eong' ebe, ‘Ai ilosi ijo?’

Ebaibuli

⁵ Mam abu kalimok yes nu ameun kageunet, naarai ajai nepepe kayes. “Konye kwana alosi mama ejai je lokejukunit; emamei edio kayesi lokeŋisi ebe, ‘Ilosi bo ai?’

Yokana 16:5 Iomraidhean Croise

Yokana 13:3

Kejeni Yesu ebe kedaut Papa ainakin nesi apedor kere; kejeni nesi ebe kelomuut nesi kamaka Akuju bobo alosi nesi nama ka Akuju,

Yokana 13:36

Kolimokini Simon Petero nesi ebe, “Lokapolon, ai ilosi Ijo?” Kinyakuni Yesu ebe, “Nama alosi eong', mam ijo kibeikini akitup eong' kipokona; konye kitupuni ijo eong' kokau.”

Yokana 14:28

Ibuutu osi kiirasi eong' alimokini osi ebe, ‘Aikari eong', konye abong'uni eong' nama kus.’ Kere kominutete osi eong', tin osi ilakara kanu alosia eong' nama ka Papa, naarai epolo Papa akitelekaar eong'.

Yokana 16:10

ikamuut adolite, naarai alosi eong' nama ka Papa, osi de mam bobo kilosete anyun eong';

Yokana 16:16

“Kapak kana edite, mam osi kianyunete eong' bobo; bobo kapak kana edite kianyunete eong'.”

Yokana 16:17

Abutu lukesisiak keng' ice kineranakinosi ebalasi ebe, “Inyena nu elimonokini nesi oni ebe, ‘Kapak kana edite, mam osi kianyunete eong' bobo, ebe kapak kana edite ianyunete osi eong' bobo’, bobo ‘Kanu alosia eong' namaka Papa?’”

Yokana 16:28

Alomuni eong' kamaka Papa, bobo abu eong' toma Akwap; bobo alomari eong' kakwap, alosite nama ka Papa.”

Yokana 17:13

Konye kipokona abutu eong' nama kon; inera eong' akiro nu ka akwap, tetere ejaikinosi kesi ka ailel kang' kakileleba kotoma kes.

Yokana 17:4

Etodia eong' akibusesu kon kotoma akwap; adau eong' asoma nu kiinakiit ijo eong' asoma;

Yokana 6:62

Abo konye kere kianyuto osi Okoku ka Etwan edokari kuju nama kejii nesi sek?

Yokana 7:33

Kosodi Yesu atemar ebe, “Ajaikinosi eong' ka osi ka apak kana euriana, kasodi eong' abong'or nama kalokejukuuni eong',

Iburayon 1:3

Itoduuti nesi acaus naka akibusesu ka Akuju bobo erait nesi aputo naka Akuju kelope, idari nesi akwapa kere ka agogong'u ka akiroto keng'. Nakedauna nesi ayaun arimakino naka arokusio ka etung'anan, kosodi nesi akiboikin akan nakoteten ka Akuju kokuju, loka apedor kere.

Iburayon 12:2

Kadupakisi akonyen wok namaka Yesu, nama egong'akina akiyuun wok amieun kageunet akitodolo osial. Mam nesi abu kopasa kanuka emusalaba! Konye kanuka ailel kana kidarit nesi, mam nesi abu koanyu atwanare komusalaba erait asilut. Bobo iboye nesi kipokona kakani kanakoteten kekicolong' ka Akuju.