Yokana 16:11 - AKITUTUKET NAKITETET (NEPEPEKA ISABULIN KA AWARAGASIA)

¹¹ bobo ewolito kesi ikamuut atubokino, naarai adaun atubonokin lokepugan akwap na.”

Ebaibuli

¹¹ ka etube da, naarai adaun lokapolon loka akwapin kanu atubokinio.

Yokana 16:11 Iomraidhean Croise

Isabulin 68:18

Edoki nesi kuju omoru, eyarit itung'a lu ikamuute; idiaunene nesi idutan alomun kotung'a lukamenak. Ebuni Lokapolon Akuju akiboi kang'ina.

Matayo 12:18

“Lo nes ekejaanakinan kang', lo aseu eong'; lominat kang'; lo itiminarit etau kang'; Egwakini eong' Emoyo kang' nama keng', ebuni nesi akisiarasiara atubonokino kang' olong'au.

Matayo 12:36

“Komunokisi ebe apaaran naka atubokino ejii ng'ini itwan akitoodun ng'in kirot na emam adumunete na kinerit nesi;

Luka 10:18

Kobong'okini Yesu kesi ebe, “Abu eong' kanyu Asatanit edacun bala akimiliaun kedou alomun kokuju.

Yokana 12:31

Kipokona nes apak naka atubonokin akwap na. Kipokona nes ecakarere king'a lo ipugae akwap na.

Yokana 14:30

Emam bobo nu ipu nu enerasi eong' ka osi, naarai ebuuti lo ipugae akwap na. Emam nesi apedor naka apolokiite eong';

Yokana 16:12

“Aring'a eong' ajaasi ka iboro kalu ipu noi lu limonokina osi, konye mam osi kipedorete atiting'ikin kesi kipokona.

Aswamisio 10:42

Kicorakini siong' alimonor akirot keng' ka otung'a, kalimonor ebe nesi nes lo eseut Akuju araus lokatubonokinan kalu ejarete kalu etwakito.

Aswamisio 24:25

Konye itolosit Paulo ejori kuju ka ajokus, ka ayaitoi, kiton abunere ka Apaaran ka Atubobonokino, kosodi Feliks akuriana, kosodi atemar, “Ibeikini ijo aikar kipokona. Kanyarauni eong' ijo bobo kadumu eong' apak.”

Aswamisio 26:18

kanuka ang'ar akonyen kes, tetere ibellkinosi alomun kotoma akirionus alosite acaus, bobo alomun ka apedor ka Asatanit alosite nama ka Akuju, tetere edumunete arimakino ka arokusio kes kiton alaro kamaka ng'ulu kalu italaute ka akiyuun kama kang'.’”

Iromayon 16:20

Akuju loka aipuc apuut akibirokin Ajokit kwap akejen kon. Kojaasi asianut ka Lokapolon wok Yesu ka osi.

Iromayon 2:16

Kanuka ng'un, atupa ka Akiro Nukajokak nu esiarisiari eong', lo nes ekipone lo ejaikinototor akiro ka Apaaran kana etubokina Akuju awomowowomosia ka itung'a kere nu imunonite kijokin akitoro namaka Yesu Kristo.

1 Ikorinton 4:5

Kanuka ng'un mam alimor atubokino ering'a akolong' kedolo, ering'a Lokapolon kebuna, lo eyauni acaus oboro lu igwaite kakirionus kosodi ang'ari nu ekotosi itawon ka itung'a. Kosodi ng'in itwan adumun atubokino keng' alomun kamaka Akuju.

2 Ikorinton 4:4

Etumuduk kesi akuju loka akwapa adama kes kalu mam kiyuuto kinyekisi anyun acaus na ecaikiit kesi, acaus naka Akiro Nukajokak nuka akibusesu ka Kristo, lo erait aputo ka Akuju.

Ipeson 2:2

Apak ng'in kitupito osi irotin lukarokok luka akwap; kiyong'ito osi lokaronon lo epolokiit ajokin kokuju, eparait lo eyait itung'a lu emam keyong'ito Akuju.

Ikolosain 2:15

Bobo komusalaba kang'olo, abu Kristo kolaku nesi elope kamaka agogong' ka imoyoi lu ipugaete kiton apedor; abu nesi kitodu kesi kokipone kaloka ayaite kesi bala lu eyenite kotoma aidiiya keng' kana itodikiit ebe elanya nesi.

Iburayon 2:14

Kanu eraitetere idwe kwape ka itung'a kalu ejaasi ka akiring' ka aokoto, abu Yesu elope korau bala kesi komori etung'anane kes. Abu nesi kisoma nu tetere emudiari nesi Asatanit kokipone kaloka atwanare keng', Asatanit na ebeikiit ayaun atwanare,

Iburayon 6:2

akisisanakino kuju ka akibatisao nepepe ka akidokokino akanin; ajarun ka lukatwak nepepe ka atubokino na emam esial.

Iburayon 9:27

Etiakute ng'ini itwan atwanare katipe, kau katwanare etubokini Akuju nesi.

2 Petero 3:7

Konye ka akirot kanipe kang'ini nes idaritere akujusinoi kiton akwap nu ejaasi kipokona, tetere emunauno ka akim. Inyekiite kesi akitodol apaaran na etubonokinere ka akiara itung'a lukarokok.

1 Yoana 3:8

Ng'ini kere ni itolosit asoma arokusio erait nika Asatanit, naarai esoma Asatanit arokusio ape kageun. Atakanuuni Okoku ka Akuju kanuka nu, amunaun nukisomat Asatanit.

Apukokinio 1:7

Kiteete, ebuuti nesi kodowon! Ng'in itwan anyuni nesi, imorikikit ng'ulu lu kicumete nesi. Itung'a kere ka akwap ebunete akimony kanu keng'. Ikokinete nepeneni!