Yokana 15:8 - AKITUTUKET NAKITETET (NEPEPEKA ISABULIN KA AWARAGASIA)

⁸ Kokipone kalo itopoloro Papa kang' kanuka akira kus araito nu ipu kakitodiar kokipone kalo ebe iraito osi lukesisiak kang'.

Ebaibuli

⁸ Itopolooritai Papaka kotoma nu arai iraete yesi araito nuipu, iraunos da ikakesisiak,

Yokana 15:8 Iomraidhean Croise

Matayo 5:16

Kokipone kalope kalo, ekotokina acaus kus acaikite itung'a, tetere aanyunete kesi asoma kus nukajokak, koinakisi akibusesu Papa kus lo ejii kuju.

Matayo 5:44

Konye alimokini eong' osi, kominasi ipading'atin kus ka ailipanakin lu isicanete osi,

Matayo 9:8

Na aanyunata itung'a ng'unu, kokuriakaarosi kesi, kosodete akituru Akuju kanuka ainakini itung'a apedor kwape kang'in.

Luka 6:35

Mam! Kominasi ipading'atin kus ka akisomanakin kesi nukajokak; kikopakisi komam akidarite kinyakakisi kesi osi ibore ipede. Idumunete osi aropetait na epolo noi, kosodete osi araun idwe ka Akuju lo eliliara. Naarai ejokuna nesi kamaka ng'ulu lu mam kiyalamasi kiton lukarokusio.

Yokana 13:35

Ekipone lo nes ejenunata itung'a kere ebe iraasi osi lukesisiak kang', kiminasi osi.”

Yokana 15:5

Arait eong' emusabibu, iraasi osi ateniek. Ng'ini ni ideun kotoma kang', eong' de kotoma keng', ng'ini nes ni irai araito nu ipu, naarai kemam eong', mam osi kipedorete asoma ibore ipede.

Yokana 8:31

Kolimokini Yesu Iyaudin lukiyuuto nesi ebe, “Kitupata osi akirot kang', iraito osi teni ikesisiak kang' luka abeite,

1 Ikorinton 10:31

Kanuka ng'unu, ng'un kere nu isomae ijo, atikere kerait akinyama kere akimata, kisoma kere kanuka akibusesu ka Akuju.

1 Ikorinton 6:20

kiguelite ijo ka ikabele kalu ipu. Kanuka ng'unu kitur Akuju kotoma akwana kon.

Ipilipin 1:11

ileleba araito nuka adolite nu ebunete akitoro namaka Yesu Kristo, kanuka akibusesu ka akitur Akuju.

Tito 2:10

kere akoko kama kes. Konye, ejii kesi akitodun ebe ejoka kesi ng'in pak bobo emunokina kesi, kanuka ayaun ajokun akisisianakino kuju ka Akuju lokeketajaran wok kotoma ng'in bore ni isomaete kesi.

Tito 2:5

koraasi nu eyaitosi akulopek bobo kolaete, bobo koraitete aberu nuko otogo nu ejoka nu eyong'ito ikilioko kes, tetere mam itwan ni inera nukarokok kuju ka akirot na elomuni kamaka Akuju.

1 Petero 2:12

Iponosio kus kokiding' kaluka akwap, ekotokina kojoka cut na kiwosata kesi osi ebe iraito osi lukesomak arokusio, ebeikinete kesi anyun asomisio kus nukajokak kosodete akitur Akuju apaaran naka abunore keng'.

1 Petero 4:11

Ng'ini kere ni elimonori ejii alimor akiro ka Akuju; ng'in kere ni ijanakini ejii akijaanakin ka agogong' kana einakini Akuju, tetere kotoma oboro kere akitur einakino Akuju kotoma Yesu Kristo, lo erait akibusesu kere na keng' nepepe ka agogong' ikaru kere. Ikote nepeneni.