Yokana 15:5 - AKITUTUKET NAKITETET (NEPEPEKA ISABULIN KA AWARAGASIA)

⁵ Arait eong' emusabibu, iraasi osi ateniek. Ng'ini ni ideun kotoma kang', eong' de kotoma keng', ng'ini nes ni irai araito nu ipu, naarai kemam eong', mam osi kipedorete asoma ibore ipede.

Ebaibuli

⁵ Arai eoŋ emusabibu, iraas yesi atenun. Yenesalit tomakaŋ, eoŋ da tomakeŋ, erai ŋin araito nuipu, naarai neamamea eoŋ mam ipedorete ibore.

Yokana 15:5 Iomraidhean Croise

Awaragasia 11:30

Adolite einakini akijar, konye adedeng'u elemari akijar.

Matayo 13:21

Konye mam kelomi kotenan toma kes, komam kitolosito ka apaarasia kanu ipu. Kanuka ng'unu kebutu ican kanuka akirot ka Akuju epasete atipet.

Yokana 12:24

Abeite, abeite kalimokini eong' osi ebe, kemam ekinyomot loka engano kedacakina kwap, katwanare, ideuni ikoni nepeneni. Konye ketwana, iraikini araito nu ipuaka.

Yokana 15:16

Mere osi kiseunete eong', konye eong' kaseuni osi ka ainakin osi asoma, alosite osi akira araito, bobo kideunosi araito kus; tetere kiinakini Papa osi ibore kere ni ilipete osi kokiror kang'.

Yokana 5:19

Kolimokini Yesu kesi ebala ebe, “Teni, teni kalimokini eong' osi ebe, emam ibore ipede ebeikini Okoku asoma kwape ekotore nesi elopet emam kerait ng'unu bon nu itee nesi Papa keng' isomae, naarai ibore kere ni isomae Papa nes isomae Okoku de.

Yokana 9:33

Kere kemam etwan lo kelomuut kamaka Akuju, tin emam kepedori asoma ibore ipede.”

Aswamisio 4:12

“Ejii adumun ayuno akitor nama keng' bon; ka akwapa kere emam bobo itwan ice ni ainak Akuju ayuuni oni.”

Iromayon 12:5

Kokipone kalope kang'oli, atikere kipuaka oni, iraito oni akwana ape kotoma Kristo. Bobo irucokina oni kijokin namaka nice iraito oni atutubesia nu egelegela nuka akwana kape.

Iromayon 6:22

Konye kilakakiite osi kipokona karonus, karaun osi ibulesun ka Akuju, araitoit na idumunete osi erait akijar naka alemuna akijaanakin Akuju cut cut. Esial keng' erait akijar na emam kedaun.

Iromayon 7:4

Ng'oli nes ekipone ijaatatar osi, ikinacan ka akanacan kang'. Ikamuut Ekisil, itwakata osi de naarai iraito osi atutubet ka akwana ka Kristo. Aso kipokona irautu osi lukeng' kalo etajaruno kamaka lukatwak tetere ijaikinosi oni de ka adumunet naka akijaanakin Akuju.

1 Ikorinton 10:16

Ekikopot loka asuluany lo isuluanyikini nesi, mam kerait akimoro aokot ka Kristo? Emugati lo kibili nesi mam kerait akimor akwana ka Kristo?

1 Ikorinton 12:12

Kwape eraitere akwana ape kojaasi katutupesia nu ipu, ering'a erait akwana ape, ikoni kong'in ka Kristo.

1 Ikorinton 12:27

Kipokona iraito osi akwan ka Kristo. Ng'in itwan erait atutubet kakwan kang'in.

2 Ikorinton 13:8

Naarai mam siong' apedor asomaikin ibore akitepeg abeite, konye abeite bon.

2 Ikorinton 9:10

Konye Akuju lo einakini ikonyom koyekine kiton emugati lonyamata, einakini ijo ikinyom kere lu ikote ijo kosodi nesi akitopoloun kosodete osi akidwenye nu ipu alomun kodutane kus.

Igalatian 5:22

Konye araito nuka Emoyo Lokalaunan erait: Amina, ailel, aipuc, atitinyu, asianut, ajokus, amunokina,

Ipeson 5:9

(naarai edumuno araito ka acaus kamaka ng'un kere kanukajokak, kanu ideerete kiton nuka abeite),

Ipilipin 1:11

ileleba araito nuka adolite nu ebunete akitoro namaka Yesu Kristo, kanuka akibusesu ka akitur Akuju.

Ipilipin 4:13

Abeikini eong' asoma iboro kere kanu keng' kalo einakiit eong' apedor.

Ipilipin 4:17

Mere ebe akote eong' idutat; konye akote eong' araitoit na iyatakin kanu kus.

Ikolosain 1:10

Kosodete osi abeikin akijar kwape ekotore Lokapolon ka asoma ng'ini pak nu italakarito nesi. Ebuni akijar kus asoma nukajokak nu egegelegela, bobo ipolounete osi kakijen kus Akuju.

Ikolosain 1:6

Itolosito Akiro Nukajokak ayaun arereng'usio bobo itolosit akisiarakina akwap kere, kwape kisiarakiner kokiding' kus ageun apaaran nasodit nakiirarata osi kuju ka asianut ka Akuju.

Yakobo 1:17

Edutat kere lokajokan kiton edutat kere lo edolit elomuni kokuju; ebuni kwap alomun kamaka Akuju, lokasuban acaus nako kuju, lo mam kibelokin kere lo eyauni akirionus ka akibelonokin.

1 Petero 2:4

Kobutu namaka Lokapolon, amoru na ejari, na ang'erete itung'a ebe emam adumunet, konye aseut Akuju bala na epolo adumunet.

2 Petero 3:18

Konye kitolositete apolou kama kasianut kiton ajenus naka Lokapolon wok, Ekeyuunan Yesu Kristo. Kojei akibusesu ka nesi, lolo ka ikaru kere! Ikote nepeneni.