Yokana 15:4 - AKITUTUKET NAKITETET (NEPEPEKA ISABULIN KA AWARAGASIA)

⁴ Kideunosi kotoma kang', eong' de kotoma kus. Kwape emamare ateni kepedori akiraikin araito kanu keng' bon kemam kideun kotoma omusabibu, nes ekipone lo emamare osi kipedorete akidoun araito kemam osi kideunosi kotoma kang'.”

Ebaibuli

⁴ Kosalakis tomakaŋ, eoŋ da tomakus. Kwape mam epedoria atenu aira araito alopet bon, arai mam esalit toma omusabibu, kwape kwaŋin yes da mam ipedorete, arai mam isalito tomakaŋ.

Yokana 15:4 Iomraidhean Croise

Matayo 12:33

Adumuni araito nukajokak, tar ijo ajaus ka ekitoi lo eng'alee; kijaasi ijo ka ekitoi lokaronon, idumuni ijo araito nukarokok. Ekitoi ejenuno ka araito keng'.

Luka 8:15

Ikinyom lukedacakinosi alipo nu ejoka eraito ng'ulu lu iirarete akirot kosodete akirum ka atipete kopone kalo eyong'ara bobo ka etau kalo ejokuna, kosodete kesi ayaun araito katitinyu.

Yokana 14:20

Kapaaran kang'ini ijenunete osi ebe ajii eong' toma ka Papa kang', osi de toma kang', eong' de toma kus.

Yokana 17:23

ajii eong' toma kes, kojii ijo toma kang', tetere eraunete kesi ibore ipe kotenan, tetere ejenuni akwap ebe ijuku ijo eong', bobo ebe imina ijo kesi kwape kiminuna ijo eong'.

Yokana 6:56

Nesi ni enyemi akwana kang' ka akimata awokot kang' ejii toma kang', eong' de ajii toma keng'.

Yokana 8:31

Kolimokini Yesu Iyaudin lukiyuuto nesi ebe, “Kitupata osi akirot kang', iraito osi teni ikesisiak kang' luka abeite,

Aswamisio 11:23

Nape kebunia nesi kosodi anyun asianut ka Akuju kolakar nesi; kosodi nesi akimaima kesi kere akideun emunokito Lokapolon ka itawon kes kere;

Aswamisio 14:22

itogogong'orito itawon ka ikiyakia, ka akimaima kesi kitolositete ka a akiyuun, bobo ebalalsi ebe akitoro toma ocani ejii oni akilom toma ajakanut ka Akuju.

2 Ikorinton 13:5

Kong'icakinos kakitemokin osi ikulopek, koanyut kijaas osi akiyuun. Mam osi kabeitee kijenete ebe eji Yesu Kristo toma kus? Kerebo ipusara osi!

Igalatian 2:20

tetere emam kerait eong' bobo nes ajari, konye Kristo lo ejii toma kang'. Akijar na ajii eong' toma kipokona na, ayait eong' kanuka amunokiite Okoku ka Akuju, lo aminuni eong' ka akidut akijar keng' kanu kang'.

Ipeson 3:17

bobo elipit eong' ebe itarauni Kristo itawon kus ere keng' kanuka akiyuun kus. Elipit eong' ebe kebeikini, ageunet kang'in ibore koraite amina,

Ipilipin 1:11

ileleba araito nuka adolite nu ebunete akitoro namaka Yesu Kristo, kanuka akibusesu ka akitur Akuju.

Ikolosain 1:23

Kanuka ng'un ejii osi akitoloto ka akiyuun kus igwoete osi kapetatait kanaka abeite kana icasit, bobo mam kilesikina osi akurianu ka alemaro kotoma amuno na abutu osi kwanyutu na ipupunata osi Akiro Nukalaunak kuju ka Kristo. Erait kanuka Akiro Nukalaunak nu kuju ka Kristo nes abu eong' Paulo karau lokejaanakinan, Akiro Nukalaunak nu, nu alimonokin ng'in itwan ka akwap.

Ikolosain 1:27

Akitemeteme ka Akuju erait akitejenuun kotung'a keng' nu igwait nesi, nu igwait nesi nu koraitete nuka akibusesu ejaasi ka nesi kanuka itung'a kere. Bobo akirot na igwaite erait ebe ejii Kristo toma kus, apolou keng' erait ebe ibunete oni akimor nenipe kotoma akibusesu ka Akuju.

Ikolosain 2:6

Kanu icamunata osi Yesu Kristo araus Lokapolon, kojaikinosi imorikikina osi ka nesi.

1 Itesalonikan 3:5

Ng'ini nes atenikina na ejukuna eong' Timoti. Mam eong' apedor akitolosite akikanya. Kanuka ng'unu kasodi eong' akijukun nesi ajenun kuju ka akiyuun kus. Abeite, amam abeikinosi ebe kebu Asatanit kotama osi bobo ka atwaniar asoma kosi kere!

Iburayon 10:39

Konye mam oni kiraito bala ng'ulu lu ebong'ete kau kosodete amudiar, konye iraito ng'ulu lu ejaasi ka akiyuun bobo kidarete imoyoi kes.

1 Yoana 2:6

Ng'ulu lu ebalasi ebe ideuna kesi emorete ka Akuju itemokina ajaus kwape kejaare Yesu Kristo.

2 Yoana 1:9

Ng'in kere ni mam kiboye kotoma akisisianakino ka Kristo, konye kopaite, mam kejaasi ka Akuju. Ng'in kere ni iboye kotoma akisisianakino, ejaasi ka Papa nepepe ka Okoku.