Yokana 15:24 - AKITUTUKET NAKITETET (NEPEPEKA ISABULIN KA AWARAGASIA)

²⁴ Kere kemam eong' kesomate kama kes asomisio nu emam itwan ice isomate, tin emam kesi kejaasi karokusio; konye kipokona anyutu kesi kareite eong' nepepe ka Papa kang'.

Ebaibuli

²⁴ Arai mam keswamat kamakec aswamisio numam icetuŋanan iswamat, timam ejaas karonis, konye kwana kaanyut kaŋarut eoŋ ka Papaka da.

Yokana 15:24 Iomraidhean Croise

Isabulin 81:15

Tia ng'ulu lu ereito eong' ebeikiito akukumikin eong' ka akurianu; bobo tia akisicanio kes erauni naka ikaru kere.

Awaragasia 8:36

Ng'ulu lu mam kedumunete eong', ikang'asi ikulopek; ng'in ni eng'erit eong' emina atwanare.”

Matayo 11:5

Adumutu lu emudukaka anyun, ing'walaisik elosete, luka eng'ulo etalaun, ikiming'aisik epupuete, lukatwak etajarun, ikapalipalak alimokin akiro nukajokak.

Matayo 21:32

Naarai abuni Yoana Lokebatisan nama kus itoodikit osi eroto lo ideere akitup, mam osi akiyuun nukeng'; konye abutu lukerarak emusolo kalu edote kiyuutu nukeng'. Atikere na kianyunata osi nu, mam osi akibelokin aomisio kus ka akiyuun nesi.”

Matayo 9:33

Nape kireng'iarere ajokin, kogeuni etwan lo mam abeikiit ejori akinamanama; koumokisi itung'a, ebalasi, “Mam cut kaanyuna ibore ipede kwape ka eni ko Israel!”

Mariko 2:12

Iteete kesi kere, konyouni etwan, kosekuni emukeka keng', koikari. Abuutu itung'a kere koumokisi cut, kiturete Akuju ebalasi, “Mam siong' apelem kaanyuto ibore ipede bala eni!”

Luka 24:19

King'isi nesi kesi, “Iboro lunyena?” Kobong'okini kesi ebe, “Iboro lu kisomakinosi kamaka Yesu loko Nasareti. Arait nesi ekadwaran lo ejaasi ka apedor naka asoma akisisianakin koking'aren ka Akuju kiton itung'a kere.

Yokana 10:32

Kosodi Yesu akinyakakin kesi ebala ebe, “Etodiki eong' osi aswamisio nu ipu nukajokak alomun kamaka Papa. Kanuka nu kamaka nu kibiribiriata osi eong' ka amoru?”

Yokana 10:37

Kemam eong' kesomae asomisio nuka Papa kang', mam akiyuun eong';

Yokana 12:10

Kosodete isaserdotin lukapolok akitemeteme ekipone loka akiyar Lasaro de,

Yokana 12:45

Ng'ini nikaanyuni eong', anyuni lokejukuni eong' de.

Yokana 14:9

Kinyakakini Yesu nesi ebe, “Ajaikinosi eong' ka ijo ka apak kana euja, konye mam ijo Filipo kijeni eong'? Nesi ni anyu eong', adau anyun Papa; koni ibeikitere ijo atemar ebe, ‘Kitodik siong' Papa?’

Yokana 15:21

Konye ebunete kesi akisomakin osi nu kere kanu kang', naarai mam kesi kejenete ng'oli lokejukuni eong'.

Yokana 15:22

Kere kemam eong' kabuut ejori ka kesi, tin kesi emam kejaasi karonus; konye kipokona emam kesi akitimio kanuka aronus kes.

Yokana 15:23

Nesi nikareit eong', ereit nesi Papa kang' de.

Yokana 16:9

Epacarito kesi ikamuut arokusio naarai mam kesi kiyuuto eong';

Yokana 3:2

Kobuni nesi namaka Yesu kware, kosodi aking'it nesi ebe, “Rabi, kijenete siong' ebe iraiti ijo lokesisianakinan lo elomuut kamaka Akuju. Naarai emam itwan ipede ni epedori asoma aumosia nu isomae ijo nu kemam Akuju kejaasi ka nesi.”

Yokana 5:36

Konye akitejenuuno na ejaasi ka eong' epolo noi adepar naka Yoana, naarai asomisio nu esomae eong' nu, nu ainaki Papa eong' asoma, itejenuto ebe Papa nes kejukuut eong'

Yokana 6:36

Konye abu eong' kalimoki osi ebe iyanyutu osi eong' konye mam osi kiyuuto.

Yokana 7:31

Konye abuutu itung'a lu ipu kiyuutu nesi kobalasi ebe, “Na ebunia Kristo, isomauni nesi aumosia nu ipu adepar nu esoma etwan lo?”

Yokana 9:32

Ape kageunet ka akwap, mam kiirarite ebe kebu itwan ipede kong'a akonyen nuka etwan kalokidoute emudukana.

Yokana 9:41

Kinyakakini Yesu kesi ebe, “Kere kimudukaka osi, ti osi emam arokusio. Konye kanu ibalatatare osi ebe, ‘Kikwenyete siong',’ ideunosi arokusio kus.”

Aswamisio 10:38

Ekipone lo keseuna Akuju Yesu loko Nasareti kakijukakin nesi Emoyo Lokalaunan kiton apedor; ekipone lo kelosia nesi ng'in laro isomae nukajokak ka akitang'aleunun ng'ulu kere lu kisicani ajokit, naarai kejaasi Akuju ka nesi.

Aswamisio 2:22

“Itung'a kang' luko Israel, kiirasi akiro nu. Arait Yesu loko Nasareti etwan lo apon kitodune kama kus akitor aumosia kanuka akitim nu abu Akuju kisoma itorit nama keng'. Ijenete osi ikulopek nu, naarai esomakinosi kokiding' kus.

Iromayon 1:30

ka ejori nukarokok kuju kaluce. Mam kesi keminasi Akuju, kipugasi ka edel. Itunenete kuju ka irotin kice luka asoma nukarokok. Mam keyong'ito ikauriak kes,

2 Timoti 3:4

ebunete abilibili ibotei, komam kepodosi, kobuitete ejaasi ka epogi, eminunete nukarokok nu italakaarito kesi konye mere Akuju;

Yakobo 4:4

Itung'a lu mam kemunokina! Mam osi kijenete ebe araus ipaupatin ka akwap erait araun ipading'a ka Akuju? Itung'a lu ekotosi araus ipaupatin ka akwap eraunete ikulopek ipading'atin ka Akuju.