Yokana 15:22 - AKITUTUKET NAKITETET (NEPEPEKA ISABULIN KA AWARAGASIA)

²² Kere kemam eong' kabuut ejori ka kesi, tin kesi emam kejaasi karonus; konye kipokona emam kesi akitimio kanuka aronus kes.

Ebaibuli

²² Arai kemam abunit einer kakes, timam ejaas karonis; konye kwana mam eiyaros karonisikec.

Yokana 15:22 Iomraidhean Croise

Luka 12:46

ebuni lokapolon keng' apaaran na mam nesi kidaritere nesi kiton kakolong' na mam nesi kejeni. Ebuni lokapolon akitisilar nesi ka akimorikikin nesi ka ng'ulu lu mam akiyuun.”

Yokana 12:48

Ng'ini nikang'eri eong', kong'eri acamun akiro kang', ejaatatar nesi ka lokatubonokinan; akirot na alimu eong' nes ebuni atubonokin nesi ka apaaran kanakesial.

Yokana 15:23

Nesi nikareit eong', ereit nesi Papa kang' de.

Yokana 15:24

Kere kemam eong' kesomate kama kes asomisio nu emam itwan ice isomate, tin emam kesi kejaasi karokusio; konye kipokona anyutu kesi kareite eong' nepepe ka Papa kang'.

Yokana 16:9

Epacarito kesi ikamuut arokusio naarai mam kesi kiyuuto eong';

Yokana 19:11

Kinyakakini Yesu nesi ebe, “Ti mam ijo ijaasi kapedor kokuju kang' kere kemam kiinakiite ijo alomun kokuju; kanuka ng'un nesi lokayauni eong' akanin kon nes ejaasi ka aronus kana epolo noi adepar kere.”

Yokana 9:41

Kinyakakini Yesu kesi ebe, “Kere kimudukaka osi, ti osi emam arokusio. Konye kanu ibalatatare osi ebe, ‘Kikwenyete siong',’ ideunosi arokusio kus.”

Aswamisio 17:30

Apaarasia nuka awolit mam Akuju akitere, konye kipokona ecorak nesi itung'a kere ka alarosinoi kere kibelokinosi.

Iromayon 1:20

Ape kesubuna Akuju akwap, ejautene keng' lo etakani, apedor keng' kere na emam kedaun kiton ejautene keng' loka araus Akuju, atakanu kotenan. Etakanete koboro kalu asubu Akuju. Kanuka ng'unu emam itung'a ng'ulu atenikina naka akigang'ite agwoetait kes!

Iromayon 2:1

Kanuka ng'un opaupa kang', itubonokini ijo luce? Mam cut kitimio ijo, atikere kirait ijo ng'ai. Naarai kituboki ijo luce konye kisomae ijo nupe isomaete kesi, itubokin ijo ilope.

Yakobo 4:17

Kanuka ng'un, ng'in kere ni ejeni nu ideerete nu itemokina asoma konye komam kisomakini, esoma aronus.

1 Petero 2:16

Kiboete bala itung'a lu elakakina, mam kong'in de, akitosoma alakakina kus arapakin aronus apede, konye kojarete bala ibulesun ka Akuju.