Yokana 15:16 - AKITUTUKET NAKITETET (NEPEPEKA ISABULIN KA AWARAGASIA)

¹⁶ Mere osi kiseunete eong', konye eong' kaseuni osi ka ainakin osi asoma, alosite osi akira araito, bobo kideunosi araito kus; tetere kiinakini Papa osi ibore kere ni ilipete osi kokiror kang'.

Ebaibuli

¹⁶ Mere yes kiseunete eoŋ, dimarai eoŋ kaseu yes, kadakak yes tetere ilosete koraata araito, araitokus da kosalito; tetere nuilipete Papa kere kokirorika, kiinakini.

Yokana 15:16 Iomraidhean Croise

Isabulin 145:4

Ebuni aturi ape adolore aturi ace akitolosite akiturite akiro nu isoma ijo; ebunete kesi alimonor kuju ka asoma kon nukapolok.

Isabulin 71:18

Mam akinyekin eong', Okwai Akuju! Arait eong' emojong'it loka akoruo, kalimonoki eong' auri na ebuuti kuju ka apedor kon.

Awaragasia 11:30

Adolite einakini akijar, konye adedeng'u elemari akijar.

Matayo 21:22

Kijaasi osi ka akiyuun, idumunete osi ng'ini ibore ni ing'isete osi kotoma alipasia.”

Matayo 7:7

“Kilip, kiinakino ijo; komoo, kosodi ijo adumuni; kikong'ok, king'akino ijo.

Luka 6:13

Kiwala akwap, konyarauni nesi lukesisiak nama keng' kaseun itomonkaare kama kes, lu anyarauni nes ikiyakia:

Yokana 13:18

Mam eong' kenera kuju kus kere; ajeni eong' lu aseu eong'; erait ebe tetere itodolokinosi agirasia nukalaunak ebe, “Nesi lo abu konyam inyamen kang', araun epading'a kang'.

Yokana 15:19

Kere kiraasi osi luka akwap, tin akwap emina osi bala itung'a keng'; konye kanu emamare osi kiraatatar luka akwap, bobo kanu aseuna eong' osi alomun kakwap, nes atenikina kireitere osi akwap.

Yokana 15:5

Arait eong' emusabibu, iraasi osi ateniek. Ng'ini ni ideun kotoma kang', eong' de kotoma keng', ng'ini nes ni irai araito nu ipu, naarai kemam eong', mam osi kipedorete asoma ibore ipede.

Yokana 6:70

King'isi Yesu kesi ebe, “Kemam eong' kaseut osi, itomonkaare, konye ipe kama kus arau Asatanit?”

Aswamisio 1:24

Kosodete kesi akilip, “Lokapolon, lo ijeni itawon ka itung'a, kitodik siong' ng'ai kama kiare kalu iseu ijo

Aswamisio 1:8

Konye idumunete osi apedor kebu Emoyo Lokalaunan nama kus; bobo iraunete osi luketodiarak kang' ko Yerusalem kiton Yudea kere kiton Samaria ka esial ka akwap kere.”

Aswamisio 10:41

mere otung'a kere konye siong' lu aseun Akuju araus luketodiarak, siong' lu inyemete ka akimata ka nesi kedau anyoun kamaka lukatwak.

Aswamisio 22:14

Kotemari, ‘Abu Akuju ka papa wok koseu ijo ajenun nu ekote nesi, anyun lo Edolit kiton akiirar akiro alomun ka akituk keng';

Aswamisio 9:15

Konye kolimokini Lokapolon nesi, “Kolot, naarai erait nesi ibore ni aseu eong' ayar ekiror kang' nama kalu mam keraito Iyaudin kiton ijakaa kitoni idwe luko Israel;

Iromayon 1:13

Ejii osi ikanacan ka akanacan kang' akiitute ebe, kapakio kanu ipu etemeteme eong' akipejokin osi, konye kerebonokini eong' ng'ini pak ibore. Akote eong' akibeleun ice kama kus namaka Kristo, kwape ebeleuna eong' ilong'au ice.

Iromayon 1:5

Akitoro nama keng' abu Akuju koinaki eong' asianut naka araus ekiyakia kanuka Kristo, kanuka ayaite itung'a luka akwapin kere akiyuun ka akiyong'.

Iromayon 15:4

Ng'in iboro ni igirite toma agirasia nukalaunak kigirio kanuka akisisianakin oni tetere idumunete oni amunokina akitoro atitinyu kiton akisicasite itawon na einakinete Agirasia oni.

Iromayon 9:21

Kong'in de, lokajaan amotio ejaasi ka adolit naka akitosoma elupe kwape itiminanariter nesi, ka ajeun amotio aare kamaka elupe kalope kang'oli, amot ape naka apaki kana eyong'ite noi, nace na itosomao kang'in pak.

1 Ikorinton 10:11

Kepotu iboro lu kisomakinosi kama kes bala akikwenyar, konye kepon kigirai kesi bala akicorasia, naarai kijari oni kapak kana aputere esial adolun.

Igalatian 1:15

Konye, kanuka asianut keng', abu Akuju koseu eong' ering'a bere eong' kidouna de, ka anyaraun eong' akijaanakin nesi. Na atiakuna nesi

Ipeson 2:10

Ijaasi oni kon kanu keng'. Kanuka ajaus wok toma ka Yesu Kristo, kesub Akuju oni ajaus akijar naka asoma asomisio nukajokak, nu kedau nesi atyakun kesomata oni.

Ikolosain 1:23

Kanuka ng'un ejii osi akitoloto ka akiyuun kus igwoete osi kapetatait kanaka abeite kana icasit, bobo mam kilesikina osi akurianu ka alemaro kotoma amuno na abutu osi kwanyutu na ipupunata osi Akiro Nukalaunak kuju ka Kristo. Erait kanuka Akiro Nukalaunak nu kuju ka Kristo nes abu eong' Paulo karau lokejaanakinan, Akiro Nukalaunak nu, nu alimonokin ng'in itwan ka akwap.

Ikolosain 1:6

Itolosito Akiro Nukajokak ayaun arereng'usio bobo itolosit akisiarakina akwap kere, kwape kisiarakiner kokiding' kus ageun apaaran nasodit nakiirarata osi kuju ka asianut ka Akuju.

1 Timoti 2:7

ng'in nes atenikina ejukuunere eong' bala ekiyakia lo eseute kiton lokesisianakinan ka Luka akwap, alimonor akiro nuka akiyuun ka abeite. Mam eong' keng'alae, enera eong' abeite!

2 Timoti 1:11

Aseu Akuju eong' kwape ka ekiyakia kiton lokesisianakinan akisiarasiara Akiro Nukajokak.

2 Timoti 2:2

Koricakiite akisisianakino na ibu ijo kopupu eong' esiarisiari koking'aren ka ikajenak kalu ipu, koinak itung'a lu emunokina lu ebeikiito kesi de akisisianakin itung'a luce.

Tito 1:5

Abu eong' kenyek ijo ko Krete, tetere itenakini ijo iboro lu akotokina asoma bobo ka aseun imojong' luka ekanisa kang'olo tauni. Kitute acorasia kang':

Iburayon 11:4

Arait akiyuun nes ainakini elemikini Abeli Akuju isubanit nikajokan akilanya nika Kain. Kanuka akiyuun keng' nes emarakina Akuju nesi bala etwan lo edolit, naarai abu Akuju elope kocamu idutan keng'. Ering'a Abeli inera akitoro akiyuun keng' atikere ketwanit nesi.

Yakobo 3:18

Erait adolite araitoit na elomuut kamaka icoka kalu iraete lu eyauto aipuc.

1 Petero 3:15

konye kocoitete Lokapolon Kristo kotauon kus. Kolokokina akolong' kere abong'okin itwan kere ni king'isit osi kuju ka amuno na ejii toma kus,

1 Petero 3:2

na anyunata kesi iponosio kus lu eyong'ara bobo kolaete.

1 Yoana 4:10

Na nes erait amina: Mam kerait ebe kiminasi oni Akuju konye ebe abu nesi kominu oni ka akijukun Okoku keng' korau ebe akitor nama keng' nes erumakinere arokusio wok.

1 Yoana 4:19

Iminasi oni naarai abu Akuju kogee sek aminuni oni.