Yokana 15:15 - AKITUTUKET NAKITETET (NEPEPEKA ISABULIN KA AWARAGASIA)

¹⁵ Mam bobo eong' kanyarit osi lukejaanakinak, naarai lokejaanakinan mam kejeni nu isomae ejakait keng'; konye anyarau eong' osi ipoupatin naarai alimoki eong' osi ng'un kere nu eira eong' kamaka Papa kang'.

Ebaibuli

¹⁵ Mam kanyarit bobo ibulesin, naarai ebulesit mam ejeni nuiswamai ejakaitike, konye kanyara yes ikapapero, naarai ketejenu yes kere nueirarit kama ejai Papaka.

Yokana 15:15 Iomraidhean Croise

Isabulin 25:14

Erait Lokapolon epoupa ka ng'ulu kalu eyong'ito nesi ebuni nesi akitodiar abeite ka akitutuket keng' kama kes.

Awaragasia 18:24

Aupa ace mam kiboye apak na euja, konye ipoupatin ice emunokina akilanya ikanacan.

Matayo 13:11

Kinyakakini Yesu kesi, “Akijene akiro nu ikamuto Ajakaanut nako kuju einakite osi, konye mere kesi.

Luka 10:23

Kobong'okini Yesu ikiyakia ka alimokin kesi bon, “Ikote osi irereng' ai akitere iboro lu iteete osi!

Yokana 12:26

Kijaanakini itwan kere eong', tar nesi akigwapa eong'. Nama ajii eong' ejaikin lokejaanakinan kang' de ng'ina. Kijaanaki itwan kere eong', eyong'i Papa nesi.”

Yokana 13:16

Abeit, abeite, kalimokini eong' osi, mam ebulesut kitelekarit ejakait keng'; karaida ekiyakia akitelekar lokijukuni nesi.

Yokana 15:20

Kiitutete akirot na abu eong' kalimok osi ebe, ‘Mam lokejaanakinan kepolo akitelekaar lokapolon keng'’ Kisicanito kesi eong', ebunete kesi akisican osi de; kericito kesi akirot kang', ebunete kesi aricite nakus de.

Yokana 16:12

“Aring'a eong' ajaasi ka iboro kalu ipu noi lu limonokina osi, konye mam osi kipedorete atiting'ikin kesi kipokona.

Yokana 17:26

Etejenu eong' ekiror kon kama kes, bobo abuni eong' akitolosit, tetere ekipone lo kiminar ijo eong', kojii toma kes, tetere ajii eong' de toma kes.”

Yokana 20:17

Kolimokini Yesu nesi ebe, “Mam abunakina nama kang', naarai ering'a eong' kadokara nama ka Papa; konye kolot nama ka ikanacan kang', kolimok kesi ebe, adokari eong' nama ejii Papa kang' lo erait Papa kus, nama ka Akuju kang', lo erait Akuju kus.”

Yokana 4:19

Kolimokini aberu nesi ebe, “Ejakait, anyu eong' ebe irait ijo lokadwaran.

Yokana 8:26

Ajaasi eong' ka akiro kanu ipu nu limuna kuju kon bobo kanu tubonokina. Konye nesi lokejukuni eong' erait abeite. Alimonokini eong' akwap nu eira eong' alomun kama keng'.”

Aswamisio 20:27

naarai mam eong' abu kakurianar akitodikin osi akirot ka Akuju kere.

Iromayon 7:15

Mam eong' kajeni nu esomae eong'. Naarai mam eong' kesomae nu akote eong' asoma. Konye esomae eong' nu mam eong' kamina.

1 Ikorinton 2:16

“Naarai ng'ai ajenu awomowomosia ka Lokapolon tetere isisianakini nesi?” Konye oni ijaasi ka awomosia ka Kristo.

Igalatian 4:6

Kanu iraitetere oni idwe ka Akuju, ejuku Akuju Emoyo ka Okoku keng' otawon wok, ebala, “Papa, Papa kang'!”

Ipeson 1:9

abu Akuju kisoma nuketiakuut nesi asoma ka akitejenuuni oni atemetemesio keng' nu mam ketakanete nuketiakuut nesi bon adaun kanuka apedor ka Kristo.

Ipeson 3:5

Sek, amam alimonokino itung'sa aumosia nu, konye kipokona etodiki Emoyo ka Akuju ikiyakia keng' lukalaunak kiton ikadwarak.

Ikolosain 1:26

nu egwait nesi apelem alomun ka ageun ka etung'anan konye etodu nesi kipokona kotung'a keng'.

Filemon 1:16

Aso konye mam nesi kerait kipokona ebulesut, konye akilanya ebulesut: Erait nesi onac lominata kotoma Kristo. Epolo ajokun keng' noi kama kang'! Epolori ajokun keng' noi kama kon, bala ebulesut nepepe ka onac kamaka Lokapolon!

Yakobo 1:1

Alomuni kamaka Yakobo, ekejaanakinan ka Akuju nepepe ka Lokapolon Yesu Kristo. Emalan namaka itung'a kere ka Akuju lu isiarakina akwap kere.

Yakobo 2:23

Kosodete agirasia nukalaunak akisomakin nukigirite ebe, “Kiyuut Aburaam Akuju, kanuka akiyuun keng' kocamuni Akuju nesi bala lo edolit”. Kanuka ng'unu konyaraunete Aburaam opaupa ka Akuju.

1 Petero 1:11

Abutu kesi kotamakisi akouni apak isomakinor kiton ekipone lo elomuna. Na nesi apak na etodiarit Emoyo ka Kristo kotoma kes, kotoma alimor icani lu eng'irikini Kristo ka akibusesu na etupakin.

2 Petero 1:1

Alomuni kamaka Simon Petero, ekejaanakinan kiton ekiyakia ka Yesu Kristo. Namaka ng'ulu kalu kotoma kadolite ka Akuju wok nepepe ka Yesu Kristo Eketajaran wok adauni ainakin akiyuun nakajokan bala na wok.

Yuda 1:1

Alomun kamaka Yuda, ekejaanakinan ka Yesu Kristo, onac keng' ka Yakobo. Namaka ng'ulu kalu kedau Akuju anyaraun, lu iboyete kotoma amina ka Akuju Papa bobo igwaikite kojokan Yesu Kristo.

Apukokinio 1:1

Erait ekitabo lo asomisio nu apukori Yesu Kristo. Keinakini Akuju nesi apukokinio na kanuka akitodikin lukejaanakinak keng' nu itemokina akisomakin kapaarasia kanu apete. Kebu Kristo kitejenik ejaanakinan keng' Yoana iboro lu kokipone kaloka akijukiar emalaikat keng' nama ka Yoana,