Yokana 14:3 - AKITUTUKET NAKITETET (NEPEPEKA ISABULIN KA AWARAGASIA)

³ Kadau eong' alosite akitemonokin osi alaro, abuni eong' bobo kayang'aar osi nama kang' tetere ijaikinosi osi de nama ajaikin eong'.

Ebaibuli

³ Arai kalot eoŋ aitemokin yes aibois, aboŋuni bobo kesukunyu yes mamakaŋ, tetere neajai eoŋ ijaikinos yesi da nen.

Yokana 14:3 Iomraidhean Croise

Yokana 12:26

Kijaanakini itwan kere eong', tar nesi akigwapa eong'. Nama ajii eong' ejaikin lokejaanakinan kang' de ng'ina. Kijaanaki itwan kere eong', eyong'i Papa nesi.”

Yokana 14:28

Ibuutu osi kiirasi eong' alimokini osi ebe, ‘Aikari eong', konye abong'uni eong' nama kus.’ Kere kominutete osi eong', tin osi ilakara kanu alosia eong' nama ka Papa, naarai epolo Papa akitelekaar eong'.

Yokana 14:4

Ijenete osi eroto lo idirarit nama alosi eong'.”

Yokana 17:24

“Papa! Iinaki ijo eong' kesi. Akote eong' kesi kojaasi ka eong' nama ajii eong' tetere ebeikinete kesi anyun akibusesu kang', akibusesu nakiinaki ijo eong'; naarai ibu ijo kominu eong' sek eroko kisubuna akwap.

Aswamisio 1:11

kotemarete, “Itung'a luko Galilaya, inyo igwoete osi iteete kuju? Yesu lo, lo ayang'ario kuju alomar kama kus, ebuni kokipone kalope kang'oli kwape kanyunata osi nesi elosi kuju.”

Iromayon 8:17

Kanu iraiteter oni idwe keng', idumunete oni asulwany na igwaikiit nesi itung'a keng'. Bobo idumunete oni nenipe ka Kristo nu igwaikiit Akuju nesi. Naarai kimorata oni icani ka Kristo, imorete oni akibusesu keng' de.

Ipilipin 1:23

Eridakito eong' akiro aare. Nu akote eong' erait alomar kajaikin nepepe ka Kristo, naarai ejokuna na cut.

2 Itesalonikan 1:12

Kokipone kalo edumuni ekiror ka Lokapolon wok Yeus Kristo akibusesu kama kus, bobo osi de kama keng', kasianut ka Akuju wok nepepe ka Lokapolon Yesu Kristo.

2 Timoti 2:12

Kitolototo oni atitinyu, ibuniete oni de akipuga ka nesi. King'erokisi oni nesi, nesi de king'erokini oni.

Iburayon 9:28

Kokipone kalope kang'olo, abuni kolemune Kristo de korau isubanit katipe bon kanuka alemar arokusio kalu ipu. Etakanuni nesi nakiyareit, mere bobo kanuka ayuuni itung'a karokusio kes, konye kanuka ayuuni ng'ulu lu iderito nesi.

Apukokinio 3:21

Ainakini eong' nesi ni ilanyi adolite naka akiboi ka eong' kokicolong' kang', kwape elanyia eong' kakiboikin nenipe ka Papa kang' okicolong' keng'.