Yokana 14:26 - AKITUTUKET NAKITETET (NEPEPEKA ISABULIN KA AWARAGASIA)

²⁶ Konye Lokeong'arakinan, Emoyo Lokalaunan, lo ijukuni Papa kokiror kang', ebuni akisisianakin osi iboro kere, kakisiitonokin osi iboro kere lu adau eong' alimonokin osi.”

Ebaibuli

²⁶ Konye Ekayuunan, ŋes Emoyo Lokalaunan, loijukuni Papa kokirorika, kisisianakini ŋol yes akiro kere, kisiituni da kere nukalimokinit yes.

Yokana 14:26 Iomraidhean Croise

Isabulin 51:11

Mam akireng'iar eong' ka akonyen kon; mam alemar Emoyo kon Lokalaunan kama kang'.

Matayo 1:18

Ekoni akidouno ka Yesu Kristo ne. Kisumunikiit Yosef akimany Maria, toto keng' ka Yesu. Ering'a kesi kimorikikina nenipe kwaanyuni Maria epotie ka apedor ka Emoyo Lokalaunan.

Matayo 1:20

Konye ering'a nesi ewomowomoe akinyekin Maria, kotakanikini emalaikat ka Lokapolon koruja kolimokini nesi ebe, “Yosef, okoku ka Daudi, mam akurianaar akimany Maria. Naarai elang'ir nesi ka apedor ka Emoyo Lokalaunan;

Matayo 28:19

Kanuka ng'unu, kolototo kitarautu itung'a luka akwapin kere ikiyakia kang'; kibaatisata kesi kokiror ka Papa, kaloka Okoku kaloka Emoyo Lokalaunan.

Matayo 3:11

Ebatisae eong' osi kakipi akitodiar ebe kibelokinosi osi karokusio, konye lo ebuuti kokau kang', erait loka apedor noi adepar eong'. Mam eong' kilesikina adakite amukan keng'. Ebuni nesi akibatisa osi ka Emoyo Lokalaunan ka akimi.

Mariko 12:36

Abu Daudi elope kotema na ayaitere Emoyo Lokalaunan nesi, “Abu Akuju kolimoki Kristo kang' ebe Kiboikin ne akani kang' nako teten, akitodol nama egwaakina eong' ipading'atin kon kwap akejen kon.”

Mariko 13:11

Kikamuno osi ka ayaar osi nama etubonokinere itung'a, mam apodo kuju kanu itemarete osi. Konye kolimutu nukiinakino osi kakolong' kang'in naarai mere osi kes inerasi adepar Emoyo Lokalaunan

Luka 1:15

naarai epolori nesi koking'aren ka Lokapolon, mam kitemokina nesi akimata ebino kere imatan lu itemerete. Alomun kakook ka toto keng' iselelebikino nesi Emoyo Lokalaunan,

Luka 1:35

Kosodi emalaikat alimokin nesi ebe, “Ebuni Emoyo Lokalaunan nama kon, agogong'u ka Akuju ejaikin nama kon. Kanuka nu ikoku nikalaunan enyarauno Okoku ka Akuju.

Luka 1:41

Na apupuna Elisabet amalan ka Maria kicuruok ikoku kotoma akook keng'; kilelebun Elisabet Emoyo Lokalaunan

Luka 1:67

Kilelebikin Emoyo Lokalaunan papa keng' Sakaria kodwaruni ebala,

Luka 11:13

kijenete osi lu iroko ainanakin idwe kus iboro lu ejoka. Etiae ali einakini papa kus loko kuju Emoyo Lokalaunan ng'ulu lu ilipete nesi!”

Luka 2:25

Kapak kang'in ajii etwan anyarite Simion lo eboe ko Yerusalem. Arait etwan lo ajokuna, etwan lo akurianit Akuju. Edarit nesi kolakune itung'a luko Israel. Ajaasi Emoyo Lokalaunan ka nesi

Luka 24:49

Kitete, ejukuuni eong' nama kus lo isumunikiit Papa kang'; konye kiboto kore ka Lokapolon, akitodolo na idumunata osi agogong'u alomun kokuju.”

Luka 3:22

kosodi Emoyo Lokalaunan akijesakin nama keng' kokipone kaloka ajele. Kolomuni eporoto kokuju ebala ebe, “Irai ijo Okoku kang' lominat. Alakara eong' ka ijo.”

Yokana 1:33

Eong' elope amam ajeni nesi. Konye nesi lo ejukuuni eong' akibatisa kakipi abu kolimok eong' ebe, ‘Nesi lo iyanyuni ijo Emoyo ijesakini kakideun kama keng', nesi ng'olo nes lo ibatisae ka Emoyo Lokalaunan.’

Yokana 12:16

Apak ng'ini amam ikesisiak keng' abutu kojenutu nu, konye kedaun ainakin Yesu aibuses, kiitunete kesi ebe kigirite nu kanu keng' bobo kisomakino nu kanu keng'.

Yokana 14:16

Bobo abuni eong' akilip Papa kosodi nesi ainakin osi Lokeng'arakinan ece, kojaasi ka osi ikaru kere,

Yokana 14:25

“Alimoki eong' osi akiro nu aring'a eong' ajaasi ka osi.

Yokana 15:26

“Konye nape ebunia Lokeng'arakinan, lo alosi eong' akiyakuun alomun kamaka Papa, atikere Emoyo loka abeite, lo elomuni kamaka Papa, elosi nesi akitejenuun nukang';

Yokana 16:7

Konye kalimonokini eong' osi abeite: Aikar kang' erait adumunet kama kus, naarai kemam eong' kaikari, mam Lokeng'aranakinan kebuni nama kus. Konye kaika eong', alosi eong' akijukuun nesi nama kus.

Yokana 2:22

Kanuka ng'un, nakitajarunere nesi kamaka lukatwak, abutu ikesisiak keng' kiitutu ebe ketemarit nesi nu. Kosodete kesi akiyuun agirasia nukalaunak kiton akirot nakinerit Yesu.

Yokana 20:22

Kedau nesi ejori nu, kosodi nesi, akutakin kesi ewuria kosodi alimokin kesi ebe, “Kidiautu Emoyo Lokalaunan.

Yokana 6:45

Igirito lukadwarak ebe, ‘Ebuni Akuju akisisianakin kesi kere.’ Ng'ini kere ni eira ka akisisiaun kamaka Papa ebuni nama kang'.

Yokana 7:39

Alimuni nesi nu kuju ka Emoyo, lo akotokina ng'ulu lu iyuuto nesi adumun. Apak ng'ini aring'a Emoyo kedoluna naarai aring'a Yesu kedumuna akibusesu.

Aswamisio 1:2

akitodol apaaran na keyarere nesi kuju, kedau nesi ainakin ikiyakia lu keseut nesi akicorasia ka apedor naka Emoyo Lokalaunan.

Aswamisio 1:4

Ketukokinosi nenipe, koinakini nesi kesi akicorasia nu: “Mam alomar ko Yerusalem, konye kidereutu edutat lo alimokiit eong' osi kuju keng', edutat lo isumunikiit Papa kang'.

Aswamisio 1:8

Konye idumunete osi apedor kebu Emoyo Lokalaunan nama kus; bobo iraunete osi luketodiarak kang' ko Yerusalem kiton Yudea kere kiton Samaria ka esial ka akwap kere.”

Aswamisio 11:16

Keituni eong' akirot na atemari Lokapolon ebe, ‘Yoana ebatise ka akipi konye osi ibatisao ka Emoyo Lokalaunan.’

Aswamisio 13:2

Itolosito akimaa Lokapolon nenipe ka akilip ikanyete eteng'e kosodi Emoyo Lokalaunan atemar, “Kosekisi eong' Barnabas kiton Saulo kisomata asoma nu anyaraki eong' kesi.”

Aswamisio 13:4

Kedau Emoyo Lokalaunan akijukiar kesi, koikarete Barnabas kiton Saulo akwap nako Seleucia; kelomasi kang'ina, koikarete akwap nako Saipras itosomaete ataker.

Aswamisio 15:28

Naarai asit bala ajakuna kamaka Emoyo Lokalaunan nepepe ka siong' mam akiyatakin osi alang'iru ace adepar iboro lu itemokina:

Aswamisio 15:8

Konye Akuju lo ejeni etau, abu kitodia kama kes, ka ainakin kesi Emoyo Lokalaunan kwape kisomakitere oni';

Aswamisio 16:6

Kosodete akitor alaro nako Pirigia ka Galatia na kiteong'eria Emoyo Lokalaunan kesi akisiarasiara akirot ka Akuju ko Asia.

Aswamisio 2:33

Kedaun akikiari Yesu ka akigwakin nesi akan na teten ka Akuju, Papa keng', kodumuni Emoyo Lokalaunan kwape kitumunikiitere nesi. Nukipokona iteete osi ka akipup erait idutat keng' ni abukoki nesi kuju wok.

Aswamisio 2:4

Kilelebai kesi kere ka Emoyo Lokalaunan kogeunete kesi ejori ka ang'ajepa ka ace kwape keinakina Akuju kesi apedor naka ejor.

Aswamisio 20:28

Kanuka ng'un kocoikinasi osi ikulopek bobo kocoikitete amerekekin nu einakini Emoyo Lokalaunan osi apolokite, kidarata ekanisa ka Akuju lo adumuni nesi kanuka abukor aokot ka Okoku keng'.

Aswamisio 20:35

Koboro kere etodiki eong' osi ebe asoma ka akinyinyira ejii itwan nice aking'arakin ni enonok, eitunene akiro ka Lokapolon Yesu ebe, ekipone lo abu nesi kotema, ‘Epolo arereng'u ainakin akilanya akidiaun.’ ”

Aswamisio 28:25

Na ang'eriata ikulopek akiirar, koikarete, kedau Paulo alimun akirot ape ebe: “Kidere Emoyo Lokalaunan na kelimokina kes ka tapaa kus itorit nama ke ekadwaran Isaya”, ebe:

Aswamisio 5:3

Konye kotemari Petero, “Anania, inyo alomia Asatanit otau kon aking'alakin Emoyo Lokalaunan kosodi ijo aking'adakin ikabel ice lu kidumuni ijo kagwelaria amana?

Aswamisio 7:51

“Osi itung'a luka epali lu, itung'a luka akirionus, lu ang'eroto apupun akirot ka Akuju. Ng'ini pak ing'erito osi Emoyo Lokalaunan. Nu kisomaete kes ka papa kus, nes isomaete osi de.

Aswamisio 7:55

Konye nesi, eleleba Emoyo Lokalaunan kong'oliari kuju kosodi anyun akibusesu naka Akuju kiton Yesu egwoi ka akan kanakoteten ka Akuju;

Iromayon 14:17

Naarai ajakaanut ka Akuju mam kerait akiro nuka akinyama ka akimata, konye erait naka adolit, aipuc, kiton alakara kamaka Emoyo Lokalaunan.

Iromayon 15:13

Kinyeki Akuju, nama egeuna amuno kilelebik osi ailel kiton aipuc kotoma akiyuun kus kotoma keng', tetere ebuni amuno kus akitoloto akiyata akitoro apedor naka Emoyo Lokalaunan.

Iromayon 15:16

naka araus lokejaanakinan ka Yesu Kristo isomakiit Ilong'au. Esomae eong' bala esaseredotit kalimonor Akiro Nukajokak alomun kamaka Akuju tetere Ilong'au eraunete idutan lu idiauti Akuju, lu egitakiit Emoyo Lokalaunan.

Iromayon 5:5

Amunokina na mam kitakadakini oni, naarai abuku Akuju amina keng' otawon wok akitoro Emoyo Lokalaunan, lo erait edutat ka Akuju kama wok.

1 Ikorinton 12:3

Kanuka ng'unu akote eong' osi ajenun emam itwan inera ka Emoyo ka Akuju ebeikini atemar “Kilamitete Yesu!” Bobo emam ipede ebeikini atemar “Erait Yesu Lokapolon” adepar Emoyo Lokalaunan.

1 Ikorinton 6:19

Mam ijo kijeni ebe akwana kon erait etogo ka Emoyo ka Lokalaunan kotoma kon, lo ainakini Akuju ijo? Mam ijo kijii bon;

2 Ikorinton 13:14

Elipit eong' ebe, asianut ka Lokapolon Yesu Kristo, amina ka Akuju, ka eidicane loka Emoyo Lokalaunan kojaasi ka osi kere.

2 Ikorinton 6:6

Kalaus naka etau, akijen, akikany, asianut na itodikit siong' ikulopek ebe irai siong' lukejaanakinak ka Akuju ing'arakiit Emoyo Lokalaunan, bobo kamina kosi naka abeite,

Ipeson 1:13

Ibutu osi de korautu itung'a ka Akuju na irarata osi akiro nuka abeit, Akiro Nukajokak nu ainunete osi akiyuun. Ibutu osi komunokisi Kristo, kosodi Akuju akipiakin akan keng' nama kus naka akitaraun osi lukeng' kokipone kaloka ainakin osi Emoyo Lokalaunan lokitumunikiit nesi.

Ipeson 1:17

ka akilipite Akuju ka Lokapolon wok Yesu Kristo, Papa lo iturite koinaki osi Emoyo lo einakini osi acoa ka akitodiar Akuju kama kus tetere ijenunete osi nesi.

Ipeson 4:30

Mam akitadakar Emoyo Lokalaunan loka Akuju, naarai erait Emoyo ejenunet ka Akuju kama kus ebe iraito osi itung'a keng', kakitodiaret ebe ebut apaaran na eyuuna Akuju osi.

1 Itesalonikan 4:8

Kanuka ng'unu, ng'ini kere ni eng'eri akisisianakino na, mam keng'erit etung'anan, konye eng'erit Akuju lo einakini osi Emoyo keng' Lokalaunan.

2 Timoti 1:14

Koricakiitete abeite na ainaki Emoyo Lokalaunan lo iboe kotoma wok ijo.

Tito 3:5

abu nesi kolaku oni. Mere kanuka ajokusio apede kanu kisomato oni ikulopek, konye kanuka asianut keng' ka elope nes kelakuna nesi oni, kotoma Omoyo Lokalaunan, lo einanakini oni akidouno nakitetet kiton akijar nakitetet ka kilong' oni.

Iburayon 10:15

Emoyo Lokalaunan de itodianari kama wok. Na sodit ebala nesi:

Iburayon 2:4

Abu Akuju bobo kiyataki akijene keng' nama kes kokipone kaloka asoma aumosia nu egelegela nepepe kanuka akiuka bobo kokipone kaloka akikoro idutan luka Emoyo Lokalaunan atupa kakote keng'.

Iburayon 3:7

Kanuka ng'unu kwape ebalare Emoyo Lokalaunan, “Lolo, na iirara ijo eporoto keng',

Iburayon 9:8

Alomun kakitemitemisio kanu kere isisianakini Emoyo Lokalaunan ebe eroto lo elomere Alaro Nakalaunan cut ering'a keng'ara kitolosit Ayema Nako king'a akigwo.

1 Petero 1:12

Abu Akuju kopukok ikadwarak lu ebe asoma kes mam arait kanuka adumunete kes ka ikulopek, konye kanu kus osi mere kesi ikulopek, akitor namaka iboro lu adaut ng'ulu lu isiarisiarete akiro nukajokak alimokin osi akitor namaka Emoyo Lokalaunan alomun kokuju, iboro lu imuito imalaikan ajenun.

2 Petero 1:21

naarai mam apelem adwarunet na elomuut atupa ka akote ka etwan, konye itung'a lu ayait emoyo lokalaunan enerasi alomun kamaka Akuju.

1 Yoana 2:20

Konye ainaki Kristo osi Emoyo Lokalaunan. Kanuka ng'un ijenete osi kere abeite.

1 Yoana 2:27

Konye akinyonyoikino na ibuutu osi kodumutu ideuna kama kus. Kanuka ng'un emam atenikina ikototore osi ebe kisisianak itwan kere osi. Naarai akinyonyoikino keng' kisisianakini osi ng'ini ibore, koraite abeite, emam aliokonu. Kideun kama keng' kwape esisianakina akinyonyoikino keng' ijo.

1 Yoana 5:7

Ejaasi luketodiarak iuni:

Yuda 1:20

Konye osi ipoupatin kang' kitolositete akigang'anari kotoma akiyuuni kus nakalaunan cut. Kilipete kotoma apedor naka Emoyo Lokalaunan;

Apukokinio 2:11

Nesi ni ejaasi ka akit, kinyek nesi kiira nu elimonokini Emoyo ikanisai. Ng'ini ni ilanyi mam nesi kikang'asi atwanare na kiareit.