Yokana 14:24 - AKITUTUKET NAKITETET (NEPEPEKA ISABULIN KA AWARAGASIA)

²⁴ Nesi ni emam kemina eong' mam kericit akiro kang'; akirot na ipupete osi mam kerait nakang' konye naka Papa kalo kejukuni eong'.”

Ebaibuli

²⁴ Ŋin yenimam kamina eoŋ, mam erici akakiro; akirot da naiirarete mam erai nakaŋ dimarai naka Papa lokejukuni.

Yokana 14:24 Iomraidhean Croise

Matayo 19:21

Kobong'okini Yesu nesi, “Kikote ijo ajokus cut, kolot, kogwela ng'ini ibore ni ejaasi ka ijo, koinak lukapalapak ikabel, ijaikinosi ijo ka abara kokuju; kobuu konye kotup eong'.”

Yokana 14:10

Mam ijo kiyuut ebe ajii eong' toma ka Papa, Papa de ejii toma kang'? Akiro nu alimonokini eong' osi, mam eong' kenera kapedor kang'”; konye Papa lo iboe kotoma kang', isomae asomisio keng'.

Yokana 14:15

“Kiminasi osi eong', iricakinete osi ikisila kang'.

Yokana 14:25

“Alimoki eong' osi akiro nu aring'a eong' ajaasi ka osi.

Yokana 3:11

Abeit, abeite kalimokini eong' ijo ebe inerasi siong' nu ijenete siong' ka akitejenuun kuju kanu anyutu siong'. Konye mam osi kicamuuto akitejenun kosi.

Yokana 3:34

Nesi ni ijukuut Akuju inera akiro nuka Akuju, naarai einakini Akuju itwan ng'ini Emoyo Lokalaunan emam akitemeteme etyae.

Yokana 5:19

Kolimokini Yesu kesi ebala ebe, “Teni, teni kalimokini eong' osi ebe, emam ibore ipede ebeikini Okoku asoma kwape ekotore nesi elopet emam kerait ng'unu bon nu itee nesi Papa keng' isomae, naarai ibore kere ni isomae Papa nes isomae Okoku de.

Yokana 5:38

bobo mam osi kiricakiito akirot keng' kotoma otawon kus naarai mam osi kiyuuto nesi ng'oli lo ejukuni nesi.

Yokana 7:16

Kosodi Yesu akinyakakin kesi ebe, “Akisisianakin kang' mam kerait nakang' konye erait naka ng'oli kalo kejukuni eong'.

Yokana 7:28

Na esisianakina Yesu ko Otogo ka Akuju kolimuni nesi koporoto kaloko kuju ebala ebe, “Teni ijeni ijo eong' kiton nama alomuutere eong'? Mam eong' kabuuti kapedor kang' kelopet. Konye nesi lokejukuni eong', erait loka abeite. Mam osi kijenete nesi.

Yokana 8:26

Ajaasi eong' ka akiro kanu ipu nu limuna kuju kon bobo kanu tubonokina. Konye nesi lokejukuni eong' erait abeite. Alimonokini eong' akwap nu eira eong' alomun kama keng'.”

Yokana 8:28

Kanuka ng'un kolimokini Yesu kesi ebe, “Na ikiarata osi Okoku ka Etwan nes ijenunata osi ebe arait eong' nesi, bobo ebe mam eong' kesomae ibore ipede kapedor kang' bon. Konye enera eong' kwape kesisianakina Papa eong'.

Yokana 8:38

Enera eong' nu anyu eong' ejaasi ka Papa kang', bobo isomaete osi nu iirasi osi kamaka papa kus.”

Yokana 8:42

Kolimokini Yesu kesi ebe, “Kere keraiti Akuju Papa kus, tin osi iminasi eong', naarai alomuni eong' kamaka Akuju. Amam eong' abuni kapedor kang' konye nesi elope kejukuuni eong'.