Yokana 14:21 - AKITUTUKET NAKITETET (NEPEPEKA ISABULIN KA AWARAGASIA)

²¹ “Ng'ini ni ejaasi kikisila kang' koricite, nesi nes kamina eong'; nesi ni kamina eong' eminuni Papa kang' nesi, bobo eong' de aminuni nesi kasodi eong' akitodiar kama keng'.”

Ebaibuli

²¹ Ŋin yenejaas kakaicorakineta, koricite da kes, ŋin ŋes kamina eoŋ: ŋin da yenikamina eoŋ, eminuni Papaka, eoŋ da aminuni ŋes ka aitakanikin mamake.”

Yokana 14:21 Iomraidhean Croise

Isabulin 35:27

Kinyeki ng'ulu kere lu ekotosi kolakakine eong' kikareoto ka ailel bobo kolakarosi bobo kotemasi ng'ini pak, “Ikoni Lokapolon epolo ai! Elakara nesi itolosito lukejaanakinak keng' kojokan!”

Awaragasia 8:17

Amina eong' ng'ulu lu eminasi eong', ng'ini kere ni ekote eong' edumuni eong'.

Luka 11:28

Konye kinyakuni Yesu ebe, “Ikote elakara ai ng'ulu lu epupete ka ayong'ite akiroto ka Akuju!”

Yokana 14:15

“Kiminasi osi eong', iricakinete osi ikisila kang'.

Yokana 14:18

Mam eong' kenyekini osi eraasi bala ikokiok; abuni eong' nama kus.

Yokana 15:14

Iraasi osi ipaupatin kang' kisomata osi nu ecorakini eong' osi.

Yokana 16:14

Einakini nesi eong' akibusesu, naarai idiauni nesi nu atemari eong' kolimokini nesi osi.

Yokana 16:27

naarai Papa elope kimina osi, naarai iminutu osi eong' bobo iyuutu osi ebe alomuni eong' kamaka Papa.

Yokana 17:23

ajii eong' toma kes, kojii ijo toma kang', tetere eraunete kesi ibore ipe kotenan, tetere ejenuni akwap ebe ijuku ijo eong', bobo ebe imina ijo kesi kwape kiminuna ijo eong'.

Aswamisio 22:18

kanyuni eong' Lokapolon elimokini eong', ‘Kisunyak, koloma ko Yerusalem atipet, naarai mam kane kiyunete akitodiaret kon kuju kang'.’

2 Ikorinton 12:8

Kelipi Lokapolon erwana auni kuju kanu, keng'isi eong' nesi kolema kama kang'.

2 Ikorinton 3:18

Kasodete oni kere lu mam kimukuoro, ijaasi ka akibusesu ka Lokapolon, ibelokino araun aputo keng' alomun kadoketait kape naka akibusesu adolore nace; eteosi kwape bala aroet, kitopolosi akibusesu ka Lokapolon, ibelokinosi oni ka aputokin ka nesi alomuni ka apolou kanace adolore nace, narai elomuto nu kamaka Lokapolon lo erait Emoyo.

2 Ikorinton 4:6

Akuju lo alimun, “Kinyek acaus kocau kamuton!” Erai Akuju ng'openg'ol nesi etacauni acaus keng' kotauon wok, ayaun oni akijene naka akibusesu ka Akuju ecae kakonyen ka Kristo.

2 Itesalonikan 2:16

Lokapolon wok Yesu Kristo kiton Papa wok Akuju, lo amina oni kotoma asianut keng' koinak oni etau kiton amuno na icasit,

2 Timoti 4:22

Kojei Lokapolon ka ijo komoyo. Asianut ka Akuju kojaasi ka osi kere.

1 Yoana 2:5

Ng'ulu kere lu eyong'ito akirot ka Akuju nes lu eminasi Akuju naka abeite. Lo nes ekipone ibeikiteter oni ajaus ka abeite ebe imorete oni ka nesi:

1 Yoana 3:1

Kong'olekisi kwape aminuna Papa oni! Epolo noi amina keng' akitodolo na anyaraunere oni idwe ka Akuju. Kanuka ng'un iraito oni idwe keng'. Na nes atenikina na emamar akwap kejenia oni - ebe kemam kejeni nesi.

1 Yoana 5:3

Naarai amina wok Akuju erait aricite ikisila keng'. Ikisila keng' mam kelang'ir,

2 Yoana 1:6

Amina nes na, ebe oni akigwapite acorasia keng'. Na nes akicorasit kwape kiirarata osi ape kageunet ebe, ejii osi kere akiboi kotoma amina.

Apukokinio 2:17

Ng'ini ni ejaasi ka akii, kopup nu elimonokini Emoyo ikanisai. Ainakini eong' nesi ni ilanyi emana lo igwaite. Bobo ainakini eong' nesi amoru nakakwang'an na igirakiite ekiror lokitetet, ejenuna kamaka ng'in bon kani idiauni amoru na.

Apukokinio 22:14

Erereng' ng'ulu lu ilosete inagai kes kocaete kadumun kokipone kang'olo kadumun adolite naka akinyama araito nuka ekitoi kaloka akijar kakitor okekia elomete ore lokapolon.

Apukokinio 3:20

Kitee! Agwoi eong' ka okeki ekong'ikong'i. Kiira itwan kere eporoto kang' kosodi ang'ar ekeki, alomi eong' toma kakinyam ka nesi, nesi ka eong'.