Yokana 14:17 - AKITUTUKET NAKITETET (NEPEPEKA ISABULIN KA AWARAGASIA)

¹⁷ atikere Emoyo loka abeite, lo emam akwap kepedori akidiaun, naarai mam akwap kitee nesi karaide kejeni nesi; ijenete osi nesi, naarai iboyete nesi ka osi, bobo de elosi nesi ajaikin toma kus.”

Ebaibuli

¹⁷ ŋes Emoyo lokabeit, lomam epedorete akwapin adumun; naarai mam eanyunete ŋes karaida ajenun; ijenete yesi ŋes; naarai esalit mamakus, ejaenena da tomakus.

Yokana 14:17 Iomraidhean Croise

Awaragasia 14:10

Alakara kon erait nakon; apipilu kon naka etau erait nakon. Emam itwan emorete ka ijo.

Matayo 10:20

naarai mere osi inerasi, konye Emoyo ka Papa kus nes inera itorit nama kus.”

Yokana 14:16

Bobo abuni eong' akilip Papa kosodi nesi ainakin osi Lokeng'arakinan ece, kojaasi ka osi ikaru kere,

Yokana 14:23

Kinyakakini Yesu nesi ebala ebe, “Kemina itwan eong', erici nesi akirot kang', bobo Papa kang' eminuni nesi, kabunete eong' nepepe ka Papa kang' akiboi ka nesi.

Yokana 15:26

“Konye nape ebunia Lokeng'arakinan, lo alosi eong' akiyakuun alomun kamaka Papa, atikere Emoyo loka abeite, lo elomuni kamaka Papa, elosi nesi akitejenuun nukang';

Yokana 16:13

Na ebunia Emoyo loka abeite, ebuni nesi ayaite osi toma abeite kere; naarai mam nesi kebuni ejori kanu keng' bon, konye ng'ini ibore ni iirari nesi ebuni nesi ejori, bobo de kitejenikini nesi osi iboro lu ebuuto koking'aren.

Yokana 6:40

Naarai nu nes nu ekote Papa kang', ebe itemokina ng'ini kere ni anyuni Okoku kosodi akiyuun nesi ajaus ka akakijar na emam kedaun. Bobo etajaruni eong' nesi kaparaan kanaka esial.”

1 Ikorinton 14:15

Inyena konye ekotokina eong' akisoma? Elipi eong' kemoyo kang', konye elipi eong' ka adama kang' de; alosi eong' ekiruke kemoyo kang', konye alosi eong' ekiruke ka adama kang' de.

1 Ikorinton 2:14

Itwan ni mam kejaatatar ka Emoyo mam kedumuni idutan luka Emoyo ka Akuju, naarai eraito kama keng' abang'anut, bobo mam nesi kebeikini ajenun kesi naarai ejenunosi kesi kemoyo.

1 Ikorinton 3:16

Mam osi kijenete ebe iraito osi Etogo ka Akuju, bobo Emoyo ka Akuju iboe kama kus?

1 Ikorinton 6:19

Mam ijo kijeni ebe akwana kon erait etogo ka Emoyo ka Lokalaunan kotoma kon, lo ainakini Akuju ijo? Mam ijo kijii bon;

2 Ikorinton 13:5

Kong'icakinos kakitemokin osi ikulopek, koanyut kijaas osi akiyuun. Mam osi kabeitee kijenete ebe eji Yesu Kristo toma kus? Kerebo ipusara osi!

2 Ikorinton 6:16

Anyena akiirara ejaasi ka Etogo ka Akuju ka aputon? Naarai iraito oni Etogo ka Akuju kalo ejari! Kwape ketemaritere Akuju elope, “Abuni eong' adukun ere kang' ka akiboi kokiding' kes. Arauni eong' Akuju kes, bobo eraunete kesi itung'a kang'.”

Igalatian 4:6

Kanu iraitetere oni idwe ka Akuju, ejuku Akuju Emoyo ka Okoku keng' otawon wok, ebala, “Papa, Papa kang'!”

Ipeson 2:22

Kakimorikikina ka nesi, kidukio osi de nenipe kaluce de kere akitaraun alaro na iboya Emoyo ka Akuju.

Ipeson 3:17

bobo elipit eong' ebe itarauni Kristo itawon kus ere keng' kanuka akiyuun kus. Elipit eong' ebe kebeikini, ageunet kang'in ibore koraite amina,

Ikolosain 1:27

Akitemeteme ka Akuju erait akitejenuun kotung'a keng' nu igwait nesi, nu igwait nesi nu koraitete nuka akibusesu ejaasi ka nesi kanuka itung'a kere. Bobo akirot na igwaite erait ebe ejii Kristo toma kus, apolou keng' erait ebe ibunete oni akimor nenipe kotoma akibusesu ka Akuju.

2 Timoti 1:14

Koricakiitete abeite na ainaki Emoyo Lokalaunan lo iboe kotoma wok ijo.

1 Yoana 2:27

Konye akinyonyoikino na ibuutu osi kodumutu ideuna kama kus. Kanuka ng'un emam atenikina ikototore osi ebe kisisianak itwan kere osi. Naarai akinyonyoikino keng' kisisianakini osi ng'ini ibore, koraite abeite, emam aliokonu. Kideun kama keng' kwape esisianakina akinyonyoikino keng' ijo.

1 Yoana 3:24

Ng'ulu kere lu eyong'ito ikisila keng' ejaasi toma keng', nesi de ejii toma kes. Kanuka Emoyo kalo ainaki Akuju oni ijenete oni ebe iboe Akuju kotoma wok.

1 Yoana 4:4

Konye iraito osi luka Akuju, idwe kang', ilanyata osi ikadwarak luka aliokonu. Naarai Emoyo lo ejii toma kus ejaasi ka agogong' noi akilanya emoyo lo ejii toma kang'ulu luka akwap.

1 Yoana 4:6

Konye iraito oni luka Akuju. Ng'ini kere ni ejeni Akuju epupi siong'. Ng'ini kere ni emam kerait nika Akuju mam kepupi siong'. Kanuka ng'un, ekipone lo nes ibeikiteter oni ajenun agelakina na ejii kiding' ka Emoyo kaloka abeite kiton loka aliokonu.

1 Yoana 5:7

Ejaasi luketodiarak iuni:

Apukokinio 2:17

Ng'ini ni ejaasi ka akii, kopup nu elimonokini Emoyo ikanisai. Ainakini eong' nesi ni ilanyi emana lo igwaite. Bobo ainakini eong' nesi amoru nakakwang'an na igirakiite ekiror lokitetet, ejenuna kamaka ng'in bon kani idiauni amoru na.