Yokana 14:10 - AKITUTUKET NAKITETET (NEPEPEKA ISABULIN KA AWARAGASIA)

¹⁰ Mam ijo kiyuut ebe ajii eong' toma ka Papa, Papa de ejii toma kang'? Akiro nu alimonokini eong' osi, mam eong' kenera kapedor kang'”; konye Papa lo iboe kotoma kang', isomae asomisio keng'.

Ebaibuli

¹⁰ Mam kereka jo iyuunit ebe ajai eoŋ toma Papa, Papa da tomakaŋ? Akiro nuabala yes mam enera kanukaŋ bon; konye Papa loiboie tomakaŋ iswamai akeswamisio.

Yokana 14:10 Iomraidhean Croise

Yokana 10:30

Eong' ka Papa kiraito ipe.”

Yokana 10:38

Konye kesomaki eong', atikere kimam osi kiyuuto eong', kocamutu aswamisio tetere ijenunete osi ebe ejii Papa toma kang' bobo eong' de ajii toma ka Papa.”

Yokana 11:26

Ng'ini kere ni ejari kiyuute eong', mam cut ketwani. Iyuuti ijo akiro nu?”

Yokana 12:49

Naarai mam eong' kenerit kapedor kang' kelopet; Papa lokejukuni eong' kainaki eong' elope ekisil ikamuut nu limuna kiton nu temara.

Yokana 14:11

Kiyuutu ebe ajii eong' toma ka Papa, Papa de ejii toma kang', kere de kiyuutu eong' kanuka asomisio akulepek.

Yokana 14:20

Kapaaran kang'ini ijenunete osi ebe ajii eong' toma ka Papa kang', osi de toma kang', eong' de toma kus.

Yokana 14:24

Nesi ni emam kemina eong' mam kericit akiro kang'; akirot na ipupete osi mam kerait nakang' konye naka Papa kalo kejukuni eong'.”

Yokana 17:8

naarai ainaki eong' kesi akiro nu ibu ijo koinak eong', ediasi kesi, ajenutu kabeite ebe alomuni eong' kama kon, eyuutu ebe, ijo nes kijukuni eong'.

Yokana 3:2

Kobuni nesi namaka Yesu kware, kosodi aking'it nesi ebe, “Rabi, kijenete siong' ebe iraiti ijo lokesisianakinan lo elomuut kamaka Akuju. Naarai emam itwan ipede ni epedori asoma aumosia nu isomae ijo nu kemam Akuju kejaasi ka nesi.”

Yokana 5:17

Konye kinyakakini Yesu kesi ebe, “Eroko Papa kang' isomae, eong' de esomae.”

Yokana 5:19

Kolimokini Yesu kesi ebala ebe, “Teni, teni kalimokini eong' osi ebe, emam ibore ipede ebeikini Okoku asoma kwape ekotore nesi elopet emam kerait ng'unu bon nu itee nesi Papa keng' isomae, naarai ibore kere ni isomae Papa nes isomae Okoku de.

Yokana 7:16

Kosodi Yesu akinyakakin kesi ebe, “Akisisianakin kang' mam kerait nakang' konye erait naka ng'oli kalo kejukuni eong'.

Yokana 8:28

Kanuka ng'un kolimokini Yesu kesi ebe, “Na ikiarata osi Okoku ka Etwan nes ijenunata osi ebe arait eong' nesi, bobo ebe mam eong' kesomae ibore ipede kapedor kang' bon. Konye enera eong' kwape kesisianakina Papa eong'.

Yokana 8:38

Enera eong' nu anyu eong' ejaasi ka Papa kang', bobo isomaete osi nu iirasi osi kamaka papa kus.”

Yokana 8:40

konye kipokona ikotosi osi akiyar eong', etwan lokilimoki osi abeite na abu eong' keira kamaka Akuju. Mam nu keraito nu esomate Aburaam.

Aswamisio 10:38

Ekipone lo keseuna Akuju Yesu loko Nasareti kakijukakin nesi Emoyo Lokalaunan kiton apedor; ekipone lo kelosia nesi ng'in laro isomae nukajokak ka akitang'aleunun ng'ulu kere lu kisicani ajokit, naarai kejaasi Akuju ka nesi.

2 Ikorinton 5:19

Akiro kosi eraito ebe, etaraun Akuju etung'anane kere ipoupatin keng' itorit namaka Kristo. Mam Akuju abu kimara arokusio kes. Bobo ainaki nesi oni akiro nu inerasi ekipone lo kisoma nesi akitaraun kesi ipoupatin keng'.

Ikolosain 1:19

Naarai arait atupa ka ekipone lo atiakuna Akuju elope nes ejaatatar Okoku elope ka ejautene kere loka Akuju.

Ikolosain 2:9

Naarai ejii toma nama ka Kristo ejautene kere loka araus Akuju, kojautene keng' kaloka etung'anane,

1 Yoana 5:7

Ejaasi luketodiarak iuni: