Yokana 12:43 - AKITUTUKET NAKITETET (NEPEPEKA ISABULIN KA AWARAGASIA)

⁴³ naarai keminasi kesi akiturio naka itung'a akitelekar akiturio naka Akuju.

Ebaibuli

⁴³ naarai keminasi aibuses naka ituŋa aitelekarit aibuses naka Edeke.

Yokana 12:43 Iomraidhean Croise

Isabulin 22:29

Ebunete itung'a kere luka epogi aluruokin nesi; ebunete itung'a kere akilur koking'aren keng'.

Awaragasia 29:25

Erono noi akiitununi kuju kepone lo iitununanata itung'a ice kuju kon, konye kimunokit ijo Lokapolon, ijara ijo.

Matayo 6:2

“Kanuka ng'unu iinakini ijo itwan aking'arasit, mam akitoduun kwape itodiarata luka esoswai ko otogoi luka alipasia ka Iyaudin ka orotin, tetere itamaete itung'a kesi. Kanuka abeite alimokini eong' osi ebe adautu adumun eropit kes.

Luka 16:15

Kolimokini Yesu kesi, “Osi nesi itoduna ebe ijooka osi kakonyen ka itung'a kaluce, konye Akuju ejeni itawon kus. Naarai iboro lu itete itung'a ebe ejoka, emam adumunete ka akonyen ka Akuju.”

Luka 19:17

Kotemari nesi, ‘Isoma ijo ejokuna, irait ijo lokejaanakinan lo ejokuna! Kanu imunokinare ijo koboro kalu edisiaka, kainakini eong' ijo apolokiit ireria lukapolok itomon.’

Yokana 12:26

Kijaanakini itwan kere eong', tar nesi akigwapa eong'. Nama ajii eong' ejaikin lokejaanakinan kang' de ng'ina. Kijaanaki itwan kere eong', eyong'i Papa nesi.”

Yokana 5:41

“Mam eong' kakote akitamao na elomuni kamaka itung'a.

Yokana 5:44

Koni ibeikinata osi akiyuun, osi lu idumuneneete akitamao alomun kotung'a kaluce komam kikotosi akitamao na elomuni kamaka Akuju ka epe bon.

Yokana 7:18

Nesi ni inera kapedor keng' kilopet ekote akibusesu keng' kilopet. Konye nesi ni ekote akibusesu kalo kijukuuni nesi erait nika abeite, bobo kotoma keng' emam aliokonu.

Yokana 8:54

Kinyakuni Yesu ebe, “Kainaki eong' elopet akibusesu, emam akibusesu kang' adumunet apede. Papa kang' lo ibalasi osi erait Akuju kus nes einakini eong' akibusesu.

Iromayon 2:29

Eyaudit loka abeite erait itwan ni erait Eyaudit kotoma otau, itwan ni ekepite etau keng'. Eraito nu asoma nuka Emoyo ka Akuju, mere nuka Ekisil kalo igirite. Itwan bala ng'ini edumuni akitur alomun kamaka Akuju, mere kamaka etung'anan.

Iromayon 2:7

Itung'a ice itolosito asoma nukajokak, ka akote akibusesu ka ayong'ite kesi, ka akijar na emam kedaun. Einakini Akuju kesi akijar na emam kedaun.

1 Ikorinton 4:5

Kanuka ng'un mam alimor atubokino ering'a akolong' kedolo, ering'a Lokapolon kebuna, lo eyauni acaus oboro lu igwaite kakirionus kosodi ang'ari nu ekotosi itawon ka itung'a. Kosodi ng'in itwan adumun atubokino keng' alomun kamaka Akuju.

2 Ikorinton 10:18

Erait itung'a lu iitunene Lokapolon kojokan kuju kes nes teni ecamute, mere itwan ilope ebala ebe acamun nesi.

1 Itesalonikan 2:6

Mam siong' akotosi akitamao alomun kamaka itung'a, mere kama kus kere alomun kamaka itwan kipede. Karaite ikiyakia ka Yesu abeikinete siong' araun alang'iru kama kus,

1 Petero 3:4

Kinyeke alaus kus koraite naka abeite nakotoma kotau ka itwan, temelele na mam kedaun naka emoyo kalo iyapepera bobo kotatii, na kakonyen ka Akuju epolo adumunete.