Yokana 11:52 - AKITUTUKET NAKITETET (NEPEPEKA ISABULIN KA AWARAGASIA)

⁵² bobo mere kanuka ateker kang'ini bon, konye tetere etukokini nesi nenipe idwe luka Akuju lu esiarakina.

Ebaibuli

⁵² kwabo mere kanuka ateker kaŋin bon, konye tetere etukokini nepepe idwe luka Edeke lukisiarakinos araut ipe,

Yokana 11:52 Iomraidhean Croise

Isabulin 22:15

Ewonit eporoto kang' bala apua, bobo ang'ajep kang' ikamakina kuju ka akituk kang'. Inyeki ijo eong' eridi ka apua.

Isabulin 22:27

Ebunete akwapin kere akiitun Lokapolon. Alomun kang'in alaro ka akwap, ebunete itung'a abong'okin nesi; ebunete itung'a luka itekerin kere akimaa nesi.

Isabulin 72:19

Keturwoto ekiror keng' loka akibusesu ikaru kere! Kinyek kilelebun akibusesu keng' akwap kere. Ikote nepeneni! Ikote nepeneni!

Luka 15:8

“Kere de kitowoliki aberu ang'otol keng' ape kamaka ang'otolei keng' katomon nuka epuesa, inyena isomakini nesi? Inokokini nesi atara, epiari etogo keng', ka akote ng'olo wai akitodolo nama edumuna nesi.

Luka 2:32

Acaus naa apukokin itung'a luka akwap, ka ayaun akibusesu nama ka itung'a kon Israel.”

Yokana 1:12

Konye ng'ulu kere lu abuutu kidiautu nesi, lu abuutu kiyuutu kokiror keng', abu nesi koinaki kesi apedor naka araun idwe ka Akuju,

Yokana 1:29

Apaaran na atupakini, koanyuni Yoana Yesu ebuuti nama keng', kosodi nesi atemar, “Koanyutu Imerekek nika Akuju ni elemari aronus naka akwap.

Yokana 10:16

Bobo ajaasi eong' ka amerekekin kace kanu mam keraito nukesipan kalo. Ibusakinit eong' ayaun ng'unu de, kosodete kesi akiirar eporoto kang'. Kanuka ng'un, ejaikin esipan epe ka lokejokon epe.”

Yokana 12:32

Konye eong', kikiar eong' kuju alomun kokwap, eriuni eong' itung'a kere nama kang'.”

Aswamisio 18:10

naarai ajaasi eong' ka ijo, bobo mam itwan nikilomikini ijo akikang'as ijo; naarai ajaasi eong' ka itung'a lu ipu kore kalo.”

Iromayon 3:29

Kere erait Akuju loka Iyaudin bon? Mam nesi kerait Akuju loka Ilong'au de? Eebo, erait.

Iromayon 4:17

Kwape ebalatatar Agirasia Nukalaunak ebe, “Etarau eong' ijo papa loka akwapin kanu ipu.” Kanuka ng'unu ejokuna asumunet kakonyen ka Akuju, kalo abu Aburaam kiyu, Akuju lo itajaruni lukatwak bobo lo einakini akicorasit keng' ibore ng'ini ni amam kejii etakanuuni.

Ipeson 1:5

Kedauti Akuju atyakun akitaraun siong' idwe keng' itorit nama ka Yesu, nu kes kitalakarito nesi kiton kitemokiit nesi.

Ipeson 3:11

Kisomakinosi nu atupa katiakunet na mam esial, na adumu nesi kokipone kaloka ainakin Yesu Kristo, Lokapolon wok apedor naka asoma nu,

Yakobo 1:1

Alomuni kamaka Yakobo, ekejaanakinan ka Akuju nepepe ka Lokapolon Yesu Kristo. Emalan namaka itung'a kere ka Akuju lu isiarakina akwap kere.

1 Petero 1:1

Alomun kama kang' Petero, ekiyakia ka Yesu Kristo, egirakin eong' itung'a lu eseut Akuju lu iboyete bala ikerai lu isiarakina akwap nako Ponto, Galatia, Kapadokia, Asia, nepepe ka Bitunia.

1 Yoana 2:2

Kristo elope nes eroto lokarumakino karokusio wok, mere arokusio wok bon, konye arokusio kang'in itung'anan.

1 Yoana 3:1

Kong'olekisi kwape aminuna Papa oni! Epolo noi amina keng' akitodolo na anyaraunere oni idwe ka Akuju. Kanuka ng'un iraito oni idwe keng'. Na nes atenikina na emamar akwap kejenia oni - ebe kemam kejeni nesi.

1 Yoana 3:10

Na nes agelakina na ejii kiding' ka idwe ka Akuju kiton idwe ka Asatanit: Ng'ulu kere lu emam kisomaete nu edolito kere lu mam keminasi luce, mam keraito idwe ka Akuju.

1 Yoana 3:2

Luminat kang', iraito oni idwe ka Akuju kipokona. Konye ering'a kejenuna ejautene wok lo ebuut. Konye ijenete oni ebe nape etakanuuna nesi iputokinosi oni ka nesi, naarai anyunete oni nesi kwape ejaare nesi.

Apukokinio 5:9

Kirukokinete kesi ekiruke lokitetet ebalasi: “Ilesikina ijo akirum ekitabo ka apukor ikung'eta keng'. Naarai abuni kwarai ijo, bobo kanuka atwanare kon ibu ijo kogwelak Akuju itung'a alomun kamaka ng'olo ekitekere, ang'ajep, akwap kiton luka amunyo kana egelegela.