Yokana 10:4 - AKITUTUKET NAKITETET (NEPEPEKA ISABULIN KA AWARAGASIA)

⁴ Na emiara nesi amerekekin keng' king'a, ing'areni nesi, kotupakinete amerekekin nesi, naarai ejenete kesi eporoto keng'.

Ebaibuli

⁴ Kedau aitolomar nukeŋ kere, iŋarenikini kes, etupakinete amerekekin, naarai ejenete ekeporoto.

Yokana 10:4 Iomraidhean Croise

Matayo 16:24

Kosodi Yesu alimokin ikiyakia keng' ebe, “Kekote itwan kere abunore nama kang', ejii nesi akimurwokin nukeng' bere, kakiriong' emusalab keng' kakigwap eong'.

Yokana 10:16

Bobo ajaasi eong' ka amerekekin kace kanu mam keraito nukesipan kalo. Ibusakinit eong' ayaun ng'unu de, kosodete kesi akiirar eporoto kang'. Kanuka ng'un, ejaikin esipan epe ka lokejokon epe.”

Yokana 10:27

Amerekekin kang' epupete eporoto kang', ajeni eong' kesi, kesi de katupito eong'.

Yokana 10:3

Eng'akini lokedaran nesi ekek. Epupete amerekekin eporoto keng'. Iworounene nesi amerekekin keng' kiroria kes kitolomari nesi kesi king'a.

Yokana 10:5

Mam kesi ketupakinete elong'ait, konye eleporosi kama keng' naarai mam kesi kejenete eporoto kelong'ait.”

Yokana 10:8

Eraasi ikokolak ka ikademak ng'ulu kere lukepotu kogeata kama kang' abunore. Konye mam amerekekin abutu kiirasi kesi.

Yokana 12:26

Kijaanakini itwan kere eong', tar nesi akigwapa eong'. Nama ajii eong' ejaikin lokejaanakinan kang' de ng'ina. Kijaanaki itwan kere eong', eyong'i Papa nesi.”

Yokana 13:15

Naarai ainaki eong' osi aputo, kisomata osi de kwape esoma eong'.

Yokana 18:37

King'isi Pilato nesi ebe, “Kanuka ng'un irait ijo Ejakait?” Kinyakuni Yesu ebe, “Ijo nes itema ebe arait eong' Ejakait. Kanuka nu nes kedounere eong', bobo kanuka nu nes abunia eong' toman akwap tetere etejenuuni eong' akwap abeite. Ng'ini kere ni erait nika abeite epupi eporoto kang'.”

Yokana 3:29

Nesi lo ejaasi ka ateran erait eteran. Epoupa keteran kalo egwoi ka akipup nesi elelakini noi kiira eporoto loka eteran. Kanuka ng'un, ailel kang' ileleba.

1 Ikorinton 11:1

Kisomata kwape esomanana eong', ekipone lo egwapitere eong' nu isomaenene Kristo.

Ipeson 5:1

Kanuka ng'un kisomata kwape isoma Akuju kanu iraitetere osi idwe lu minan.

Iburayon 12:2

Kadupakisi akonyen wok namaka Yesu, nama egong'akina akiyuun wok amieun kageunet akitodolo osial. Mam nesi abu kopasa kanuka emusalaba! Konye kanuka ailel kana kidarit nesi, mam nesi abu koanyu atwanare komusalaba erait asilut. Bobo iboye nesi kipokona kakani kanakoteten kekicolong' ka Akuju.

Iburayon 6:20

Kanuka ajokus wok, agee Yesu kama wok akilomo toma ng'ina, bobo araun nesi esaserdotit lokapolon ikaru kere kwape eraitere Melkisedek esaserdotit.

1 Petero 2:21

Arait nu nes kenyarakiit Akuju osi, naarai Kristo de elope abu kicanakin kanu kus, kosodi akinyekina osi ekipone lo itupiata osi nesi.

1 Petero 4:1

Kwape kicanakinere Kristo ka akwana, ejii osi de ikulopek kopone kalope kang'olo loka akiitunun lokejaasi ka nesi; naarai ng'ini kere ni enyemi icanakin luka akwana mam bobo kisomae aronus.

1 Petero 5:3

Mam akipuga ka amaraga lu ejaasi kwapa kus konye karaitete lu ebeikinete luce akitup.