Yokana 10:36 - AKITUTUKET NAKITETET (NEPEPEKA ISABULIN KA AWARAGASIA)

³⁶ Ng'oli lo etalau Papa ka akijukun akwap nesi ibalasi osi ebe ‘Ikeni ijo’ kanu atemara eong' ebe, ‘Araiti eong' Okoku ka Akuju’?

Ebaibuli

³⁶ ibalasi kereka yesi lokitalauni Papa kijuk akwapin ebe, ‘Iinyanakini Edeke’; kanu abalar ebe, ‘Arai eoŋ Okoku loka Edeke’?

Yokana 10:36 Iomraidhean Croise

Isabulin 2:2

Ijakaa luka akwap itemonokinosi; lukepugak irara nenipe aking'ere Lokapolon nepepe kalo inyonyoikit nesi.

Matayo 27:43

Emunokiit nesi Akuju bobo kobala nesi Okoku ka Akuju. Kaanyutu caat kekote Akuju ayuuni nesi kipokona!”

Matayo 27:54

Nape kaanyuna lokepolokiit ajore ka lukajore lukidariete Yesu, akijang'akin ka akwap kang'unu kere nu kebutu kisomakinosi, abutu kokuriakarosi noi. Kotemarete, “Teni kerait nesi Okoku ka Akuju!”

Luka 1:35

Kosodi emalaikat alimokin nesi ebe, “Ebuni Emoyo Lokalaunan nama kon, agogong'u ka Akuju ejaikin nama kon. Kanuka nu ikoku nikalaunan enyarauno Okoku ka Akuju.

Yokana 10:35

Ng'ulu lu apon koinakine akirot keng' abu konyaraune kesi ikujusinei. Kijenete siong' de ebe eraasi abeite ng'ini pak agirasia nukalaunak.

Yokana 17:18

Ekipone lo kijukuna ijo eong' toma akwap, nes ejukaria eong' de kesi toma akwap.

Yokana 17:21

Elipit eong' korautu kesi kere ibore ipe. Kojaasi kesi toma wok kwape ijaare ijo toma kang', tetere emunokini akwap ebe kijaasi ijo kijukuni eong'.

Yokana 17:8

naarai ainaki eong' kesi akiro nu ibu ijo koinak eong', ediasi kesi, ajenutu kabeite ebe alomuni eong' kama kon, eyuutu ebe, ijo nes kijukuni eong'.

Yokana 19:7

Kinyakakinete Iyaudin nesi ebe, “Ijaasi siong' ka ekisil, bobo kwape ebalar ekisil ng'oli nes ibusakiniter nesi atwanare, naarai abu nesi kitaraun elopet Okoku ka Akuju.”

Yokana 20:28

Kinyakakini Tomas nesi ebe, “Lokapolon kang', Akuju kang'!”

Yokana 20:31

konye igirite nu tetere iyuunete osi ebe Yesu nes erait Kristo, Okoku ka Akuju; bobo ebe kanuka akiyuun kus, kodumutu osi akijar.

Yokana 3:17

Naarai mam Akuju ejukuni Okoku keng' akwap kanuka atubonokin akwap, konye tetere elakuno akwap akitoro nama keng'.

Yokana 3:34

Nesi ni ijukuut Akuju inera akiro nuka Akuju, naarai einakini Akuju itwan ng'ini Emoyo Lokalaunan emam akitemeteme etyae.

Yokana 5:30

“Mam eong' kabeikini asoma ibore ipede ka apedori kang' bon. Atubonokini eong' itung'a kwape elimonokina Akuju eong', kanuka ng'un, atubonokin kang' erait naka abeite. Mam eong' kesomae nu akote eong' elopet adepar ng'unu nu ekote nesi lokejuukuni eong'.”

Yokana 6:27

Mam apodo kanuka inyamata kalu emunaunosi, konye kopodosi kanuka inyamata kalu emam kemunaunosi ka akijar kana emam kedaun, na einakini osi Okoku ka Etwan; naarai nama keng' nes adau Akuju, Papa akigwaakin acamakinet keng'.”

Yokana 6:38

Naarai ejesun eong' kwap alomun kokuju, mere ebe kanuka asoma ng'unu nu akote eong', konye nu ekote nesi lokejukuni eong',

Yokana 6:57

Kwape kijukuna eong' Papa lo ejari, bobo kajari eong' kanuka Papa, nes ekipone ejaria nesi ng'ini ni enyemi akwaan kang'.

Yokana 6:69

Iyuutu siong', bobo ajenutu siong' ebe irait ijo Lokalaunan loka Akuju.”

Yokana 8:42

Kolimokini Yesu kesi ebe, “Kere keraiti Akuju Papa kus, tin osi iminasi eong', naarai alomuni eong' kamaka Akuju. Amam eong' abuni kapedor kang' konye nesi elope kejukuuni eong'.

Iromayon 1:4

Ikamuut alaus keng' alomun kamaka Akuju, abu kitoduune nesi ejaasi ka apedor nakapolon noi naka araus Okoku ka Akuju kopone kaloka akitajaruno alomun katwanare.

Iromayon 8:3

Nu ekarikit Ekisil asoma kanuka anonoku ka ejautene ketung'anane, abu Akuju kisoma. Abu nesi kotubok aronus na kejii otung'anane kokipone kaloka akijukun Okoku keng', lo abuni kojautene bala etung'anan loka aronus kanuka adaun aronus.

Iromayon 9:5

elomuuto kesi kauri ka luka asonya ka Iburayon lu ejenuna. Bobo ejii Kristo ojautene loka etung'anane, erait nesi epe kama kes. Kituruoi Akuju lo ipugae iboro kere ikaru kere! Ikote nepeneni.

Igalatian 4:4

Konye nakedolia apak nakitemokina, abu Akuju kijuku Okoku keng' elope, okoku ka aberu, lo abu kiboi atupa ka Ekisil loka Iyaudin,