Yokana 10:27 - AKITUTUKET NAKITETET (NEPEPEKA ISABULIN KA AWARAGASIA)

²⁷ Amerekekin kang' epupete eporoto kang', ajeni eong' kesi, kesi de katupito eong'.

Ebaibuli

²⁷ Iirarete akamerekekin ekaporoto, ajeni kes, kes da katupito eoŋ;

Yokana 10:27 Iomraidhean Croise

Matayo 16:24

Kosodi Yesu alimokin ikiyakia keng' ebe, “Kekote itwan kere abunore nama kang', ejii nesi akimurwokin nukeng' bere, kakiriong' emusalab keng' kakigwap eong'.

Matayo 17:5

Ering'a nesi inera, kosodi edou lokakwang'an noi arapakin kesi, kolomuni eporoto kodou ebala, “Lo nesi okoku kang' lo amina eong'; lo itiminarit eong'. Kopupoto nesi!”

Matayo 25:12

Konye kinyakuni, ‘kalimokini eong' osi abeite, mam eong' kajeni osi.’”

Matayo 7:23

Neni nesi alimokina eong' kesi, ‘Mam eong' kajeni osi cut. Koikasi kama kang', osi lukarokok!’

Mariko 10:21

Kong'olekini Yesu etwan, kominuni nesi kosodi Yesu alimokin nesi ebe, “Ejii ibore ipe ni mam kejaasi ka ijo. Koloto, kogwela ng'in ibore ni ejaasi ka ijo, koinak lukapalapalak ikabel. Ijaikinosi ijo ka abara kuju. Kobuni, kigwap eong'.”

Mariko 8:34

Konyarauni Yesu akwap ka itung'a kiton ikiyakia keng' nama keng'. Kolimokini nesi kesi ebe, “Kekote itwan kere akitupu eong', ejii nesi aking'ere nesi ilope ka akidaka emusalaba keng' ka akitupu eong'.

Luka 13:27

Konye etemari nesi, ‘Mam eong' kajeni nama ilomutetere osi. Koikasi kama kang', osi kere lukarokok.’

Luka 9:23

Kosodi alimokin kesi kere, “Ng'in kere ni ekote akitup eong' ejii nesi akimuruokin nesi ilepe, kadakite emusalaba keng' ng'in paaran, ka akitup eong'.

Yokana 10:14

Eong' nes lokejokon lokajokan. Ajeni eong' lukang' kelope, lukang' de ejenete eong'.

Yokana 10:16

Bobo ajaasi eong' ka amerekekin kace kanu mam keraito nukesipan kalo. Ibusakinit eong' ayaun ng'unu de, kosodete kesi akiirar eporoto kang'. Kanuka ng'un, ejaikin esipan epe ka lokejokon epe.”

Yokana 10:8

Eraasi ikokolak ka ikademak ng'ulu kere lukepotu kogeata kama kang' abunore. Konye mam amerekekin abutu kiirasi kesi.

Yokana 12:26

Kijaanakini itwan kere eong', tar nesi akigwapa eong'. Nama ajii eong' ejaikin lokejaanakinan kang' de ng'ina. Kijaanaki itwan kere eong', eyong'i Papa nesi.”

Yokana 21:22

Kinyakakini Yesu nesi ebe, “Kerait akote kang' ebe kojar nesi akitodol apak na abunia eong', kikamuuto ng'unu ijo koni? Kotup eong'!”

Yokana 5:25

Teni, teni kalimokini eong' osi ebe ebuut akolong'o, adolu de, na iirarata lukatwak eporoto loka Okoku ka Akuju. Ng'ulu lu iirarete nesi ebunete akijar.

Yokana 8:12

Kolimokini Yesu kesi bobo ebala ebe, “Araiti eong' acaus naka akwap. Nesi nikatupi eong', mam cut kebuni alosite kakirionus, konye ejaikinosi ka acaus naka akijar.”

Yokana 8:43

Inyo imam osi kikamuuteter nu abala eong'? Erait kanu imamare osi kibeikinata atitinyu akiirar akirot kang'?

Aswamisio 3:23

Itwan kere ni mam keyong'i ekadwaran ng'oli egitaro kotung'a ka Akuju ka akiar.’

1 Ikorinton 8:3

Konye kemina itwan Akuju, ejenuna itwan ng'ini kama keng'.

Igalatian 4:9

Konye, kanu ijenunata osi kipokona Akuju, bobo kanu ejenia Akuju osi, ikote osi ibong'orete bobo ayi namaka ipara kang'ulu kalu mam kejaatatare ka apedor, ka akote araun ijoloi kes bobo?

2 Timoti 2:19

Konye apetetait na icasit na adau Akuju adukokin mam kijang'ajang'akino. Kuju keng' igirakiite akiro nu: “Ejeni Akuju ng'ulu lu eraito lukeng'.” Bobo “Ng'ulu kere lu ebalasi ebe kesi luka Lokapolon itemokina akibeleun ka arokusio.”

Iburayon 3:7

Kanuka ng'unu kwape ebalare Emoyo Lokalaunan, “Lolo, na iirara ijo eporoto keng',

Apukokinio 14:4

Eraito kesi ikiliok lu edarata awate kes kolaete mam kisomato kedurakina ka aberu; eraito kesi ibekon. Etupito kesi imerekek ng'ini laro ni elosi nesi. Alakun kesi alomun kamaka etung'anane kere bobo eraito kesi lu sodit lu edusio Akuju kiton Imerekek.

Apukokinio 3:20

Kitee! Agwoi eong' ka okeki ekong'ikong'i. Kiira itwan kere eporoto kang' kosodi ang'ar ekeki, alomi eong' toma kakinyam ka nesi, nesi ka eong'.