Yokana 10:18 - AKITUTUKET NAKITETET (NEPEPEKA ISABULIN KA AWARAGASIA)

¹⁸ Emam itwan nikademari eong' konye eong' elope nes apali. Ajaasi eong' elope ka apedor naka akipala ka apedor naka adumun bobo. Adumu eong' akicorakinet na kamaka Papa kang'.”

Ebaibuli

¹⁸ Emamei ituŋanan yenikademari, konye ejaikini eoŋ elopet. Ejai eoŋ apedor naka aijaikin, ejai da apedor alemun bobo; adumunit aicorakinet na kama ejai Papaka.”

Yokana 10:18 Iomraidhean Croise

Yokana 10:11

“Eong' nes lokejokon lokajokan. Lokejokon lokajokan epali akijar keng' kanuka amerekekin keng'.

Yokana 10:15

Ekipone lo ejenia Papa kang' eong' nes ekipone ajenia eong' de Papa. Apali eong' akijar kang' kanuka amerekekin.

Yokana 10:17

“Kanuka nu, kamina Papa eong' naarai apalit eong' akijar kang' tetere adumuni eong' bobo.

Yokana 14:31

konye esomae eong' kwape kecorakina Papa eong', tetere ejenuni akwap ebe amina eong' Papa.” “Konyoutu, kaikasi kane.”

Yokana 15:10

Kiricata osi ikisila kang', ideunosi osi kotoma amina kang' kwape aricakina eong' ikisila ka Papa kang' kakideun kotoma amina keng'.

Yokana 19:11

Kinyakakini Yesu nesi ebe, “Ti mam ijo ijaasi kapedor kokuju kang' kere kemam kiinakiite ijo alomun kokuju; kanuka ng'un nesi lokayauni eong' akanin kon nes ejaasi ka aronus kana epolo noi adepar kere.”

Yokana 5:26

Naarai kwape ejaatatar Papa ka akijar kotoma keng' kelopet, nes ekipone lo adauna nesi ainakin Okoku keng' de apedor naka ajaus ka akijar kotoma keng' kelopet,

Yokana 5:30

“Mam eong' kabeikini asoma ibore ipede ka apedori kang' bon. Atubonokini eong' itung'a kwape elimonokina Akuju eong', kanuka ng'un, atubonokin kang' erait naka abeite. Mam eong' kesomae nu akote eong' elopet adepar ng'unu nu ekote nesi lokejuukuni eong'.”

Yokana 6:38

Naarai ejesun eong' kwap alomun kokuju, mere ebe kanuka asoma ng'unu nu akote eong', konye nu ekote nesi lokejukuni eong',

Aswamisio 2:24

Konye kitajaruni Akuju nesi, kolacakini nesi alomun ka apedor keng', naarai amam atwanare abeikiit akiene nesi.

Aswamisio 2:32

Etajaru Akuju Yesu lope lo alomun ka atwanare, iraito oni kere ikajenak kuju kanu.

Aswamisio 3:15

kwarete osi lokegeuni akijar, lo etajaruni Akuju. Iraito siong' lukajenak kanu.

Tito 2:14

Kolemun nesi elope kanu wok, ayuun oni kamaka arokusio kere bobo ka akitaraun oni itung'a lu elaete cut lu eraito lukeng' boni, bobo elokikina asoma nu ejoka.

Iburayon 2:9

Konye iteete oni Yesu, lo apon kitiditeune kamaka imalaikan, itanapite akibusesu kanuka icani luka atwanare, tetere iiri nesi atwanare kanuka ng'in itwan atupa ka asianut ka Akuju.