Yokana 10:16 - AKITUTUKET NAKITETET (NEPEPEKA ISABULIN KA AWARAGASIA)

¹⁶ Bobo ajaasi eong' ka amerekekin kace kanu mam keraito nukesipan kalo. Ibusakinit eong' ayaun ng'unu de, kosodete kesi akiirar eporoto kang'. Kanuka ng'un, ejaikin esipan epe ka lokejokon epe.”

Ebaibuli

¹⁶ Ido ejaas eoŋ amerekekin ace, numam eraas nuka anuk kana; kebusakinit ayaun ŋun da, iirarete ekaporoto; kosodete araun esipan ediopet, ka ekecokon ediopet.

Yokana 10:16 Iomraidhean Croise

Isabulin 86:9

Ebunete akwapin kere nu isubu ijo aluronokin ijo Okwai Lokapolon; ebunete akiturite apolou kon.

Matayo 17:5

Ering'a nesi inera, kosodi edou lokakwang'an noi arapakin kesi, kolomuni eporoto kodou ebala, “Lo nesi okoku kang' lo amina eong'; lo itiminarit eong'. Kopupoto nesi!”

Luka 15:8

“Kere de kitowoliki aberu ang'otol keng' ape kamaka ang'otolei keng' katomon nuka epuesa, inyena isomakini nesi? Inokokini nesi atara, epiari etogo keng', ka akote ng'olo wai akitodolo nama edumuna nesi.

Yokana 10:11

“Eong' nes lokejokon lokajokan. Lokejokon lokajokan epali akijar keng' kanuka amerekekin keng'.

Yokana 10:2

Konye nesi ni itori orute erait lokejokon loka amerekekin.

Yokana 10:27

Amerekekin kang' epupete eporoto kang', ajeni eong' kesi, kesi de katupito eong'.

Yokana 10:3

Eng'akini lokedaran nesi ekek. Epupete amerekekin eporoto keng'. Iworounene nesi amerekekin keng' kiroria kes kitolomari nesi kesi king'a.

Yokana 10:4

Na emiara nesi amerekekin keng' king'a, ing'areni nesi, kotupakinete amerekekin nesi, naarai ejenete kesi eporoto keng'.

Yokana 10:5

Mam kesi ketupakinete elong'ait, konye eleporosi kama keng' naarai mam kesi kejenete eporoto kelong'ait.”

Yokana 11:52

bobo mere kanuka ateker kang'ini bon, konye tetere etukokini nesi nenipe idwe luka Akuju lu esiarakina.

Yokana 17:20

Mam eong' kelipakiit lu bon, konye ng'ulu de lu iyuuto eong' kanuka akirot kes.

Yokana 6:37

Ng'ini kere ni einakini Papa kang' eong', ebuni nama kang'. Bobo ng'ini ni ebuni nama kang', mam eong' kacakari king'a.

Aswamisio 15:14

Adau Simon alimokin osi ekipone lo kegea Akuju alosikin Ilong'au, kalemun kama kes araun itung'a keng'.

Aswamisio 18:10

naarai ajaasi eong' ka ijo, bobo mam itwan nikilomikini ijo akikang'as ijo; naarai ajaasi eong' ka itung'a lu ipu kore kalo.”

Aswamisio 22:14

Kotemari, ‘Abu Akuju ka papa wok koseu ijo ajenun nu ekote nesi, anyun lo Edolit kiton akiirar akiro alomun ka akituk keng';

Iromayon 11:25

Ikanacan ka akanacan kang', ejii abeite na igwaite, na akote eong' osi kojenutu, naarai kiinakin osi akiitunun ekipone lo ijaatatar osi ka acoa. Erait ebe akicasite kitawon kitung'a kaluko Israel mam kerait ibore ni emam kejaasi ka esial. Konye ebuni akitoloto akitodol nama ebuniata Ilong'au kere namaka Akuju.

2 Itesalonikan 2:13

Ikanacan ka akanacan, ejii siong' akiyalamikin Akuju kanu kus, osi lu emina Lokapolon. Kanu aseuna Akuju osi lu sodit akiyuun ka apedor ka Emoyo akitaraun osi itung'a keng' lukalaunak ka akiyuun kus kotoma abeite.

Iburayon 13:20

Elipit eong' Akuju lo etajaruni Lokapolon Yesu wok alomun kamaka lukatwak, lokapolon lokecokon amerekekin akitoro abukorio ka aokot nuka akitutuket naka ikaru kere,

1 Petero 2:10

Kapak kape imam osi iraito itung'a ka Akuju, konye kipokona iraito osi itung'a keng'; apak ape imam osi kijenete akitimio ka Akuju, konye kipokona idumutu osi akitimio keng'.

1 Petero 2:25

Isito osi bala amerekekin nu awolikisi eroto, konye enyakun osi akitupu lokejokon bobo lokedaran ka imoyoi kus.

1 Petero 5:4

Apak na etakanunere Lokejokon Lokapolon, idumunete osi eropit loka akibusesu lo ecae mam kewolie.

Apukokinio 3:20

Kitee! Agwoi eong' ka okeki ekong'ikong'i. Kiira itwan kere eporoto kang' kosodi ang'ar ekeki, alomi eong' toma kakinyam ka nesi, nesi ka eong'.