Yokana 10:14 - AKITUTUKET NAKITETET (NEPEPEKA ISABULIN KA AWARAGASIA)

¹⁴ Eong' nes lokejokon lokajokan. Ajeni eong' lukang' kelope, lukang' de ejenete eong'.

Ebaibuli

¹⁴ Arai eoŋ ekecokon lokajokan; ajeni ŋun nueraas nukaŋ, nukaŋ da kajenete eoŋ,

Yokana 10:14 Iomraidhean Croise

Isabulin 1:6

Igang'it Lokapolon ka akidar itung'a lu edolito, konye luka arokusio ejaasi oroto idirarito amudiaro kes.

Yokana 10:11

“Eong' nes lokejokon lokajokan. Lokejokon lokajokan epali akijar keng' kanuka amerekekin keng'.

Yokana 10:13

Elepor nesi naarai erait nesi lo eropio, mam nesi kepodo kuju ka amerekekin.

Yokana 10:27

Amerekekin kang' epupete eporoto kang', ajeni eong' kesi, kesi de katupito eong'.

Yokana 17:3

Apolou ka akijar kana emam kedaun erait ajenus ijo, Akuju epe bon loka abeite, kiton ajenus Yesu Kristo, lo ibu ijo kijuku.

Yokana 17:8

naarai ainaki eong' kesi akiro nu ibu ijo koinak eong', ediasi kesi, ajenutu kabeite ebe alomuni eong' kama kon, eyuutu ebe, ijo nes kijukuni eong'.

2 Ikorinton 4:6

Akuju lo alimun, “Kinyek acaus kocau kamuton!” Erai Akuju ng'openg'ol nesi etacauni acaus keng' kotauon wok, ayaun oni akijene naka akibusesu ka Akuju ecae kakonyen ka Kristo.

Ipeson 1:17

ka akilipite Akuju ka Lokapolon wok Yesu Kristo, Papa lo iturite koinaki osi Emoyo lo einakini osi acoa ka akitodiar Akuju kama kus tetere ijenunete osi nesi.

Ipeson 3:19

Kojenutu amina keng' — konye mam kebeikite ajenun kotenan — kanuka ng'un kojatatare ka ejautene bala loka Akuju.

Ipilipin 3:8

Teni emari eong' ng'ini ibore bala atwaniaret kanuka ajokus kana epolo noi naka ajenun Lokapolon kang', Yesu Kristo. Atwania eong' iboro kere kanu keng', kakimara kesi bala iboro lu ibosito tetere adumuni eong' Kristo

2 Timoti 1:12

Kanuka ng'un, na nes atenikina ecanare eong' kona. Konye aring'a eong' ajaasi ka amunokina naarai ajeni eong' nesi lo amunoki eong'. Bobo amunokiit eong' ebe ejaasi nesi ka apedor naka akidar kotenan ibore ni ainaki nesi eong' akitodol apaaran ng'ini.

2 Timoti 2:19

Konye apetetait na icasit na adau Akuju adukokin mam kijang'ajang'akino. Kuju keng' igirakiite akiro nu: “Ejeni Akuju ng'ulu lu eraito lukeng'.” Bobo “Ng'ulu kere lu ebalasi ebe kesi luka Lokapolon itemokina akibeleun ka arokusio.”

1 Yoana 5:20

Ijenete oni ebe abu Okoku ka Akuju bobo ainaki nesi oni akijen, tetere ijenete oni Akuju loka abeite. Ijaasi oni oidicane nenipe ka Akuju loka abeite, oidicane nenipe ka Yesu Kristo, Okoku keng'. Lo nes Akuju loka abeite, bobo na nes akijar na emam esial.

Apukokinio 2:13

Ajeni eong' nama iboya ijo, ng'ina nama ejaatatare Asatanit ka ekicolong' keng'. Konye ideunosi osi imunokiito ekiror kang'. Mam osi akinyekin akiyuun kus kama kang' atikere aparasia nuka Antipas, eketodiaran kang' lo emunokina, lo ario ko ore kus ka lokapolon kama iboya Asatanit.

Apukokinio 2:19

Ajeni eong' asomisio kon, amina kon kiton akiyuun kon ka akijaanakin kon, ka atitinyu kon, bobo asomisio kon nu kokau ilanyito nu sodit.

Apukokinio 2:2

Ajeni eong' asomisio kus, akukunyanut kus kiton atitinyu kus. Ajeni eong' ebe mam osi kibeikinete akikany ka itung'a lukarokusio, imoata osi ng'ulu lu ebalasi ebe kesi ikiyakia konye mam keraito, bobo ianyutu osi ebe eraito kesi lukaliokon.

Apukokinio 2:9

Ajeni eong' ican kus; ajeni eong' ipalipalito osi konye abeite ijakaaka osi! Ajeni eong' iboro lukarokok lu etemarite kuju kus ng'ulu lu ebalasi eraito kesi Iyaudin konye mam keraito, konye eraito kesi akatong'tong'it ka Asatanit.

Apukokinio 3:1

Kigiraki emalaikat loko okanisa kaloko Sadis ebe: Nu nes akiro keng' kalo irumit imoyoi ikanykaare luka Akuju kiton akanyer akanykaare. Ajeni eong' asomisio kus; ijenuna ijo bala ni ejaari, konye itwanit ijo.

Apukokinio 3:15

Ajeni eong' asomisio kon, ebe mam ijo kitaci kere de kimwana. Kejokuna kere bere kitajo jo ci kere kimwana!

Apukokinio 3:8

Ajeni eong' asomisio kon. Kitee, ipiaki eong' king'aren kon ekeki lo eng'ara lo emam itwan ni ebeikini agolokin. Ajeni eong' ebe ijaasi ijo ka agogong' na edit, konye iricaki ijo akirot kang' bobo mam ijo king'erokiit ekiror kang'.”