Yokana 1:34 - AKITUTUKET NAKITETET (NEPEPEKA ISABULIN KA AWARAGASIA)

³⁴ Anyu eong', bobo etejenu eong' ebe, lo nes Okoku ka Akuju.”

Ebaibuli

³⁴ Aany eoŋ, etejen da ebe erai ŋol Okoku loka Edeke.”

Yokana 1:34 Iomraidhean Croise

Isabulin 2:7

“Alimori eong' nu atema Lokapolon: Abu nesi kolimok eong', ‘Irait ijo okoku kang'; lolo araun eong' papa kon.

Matayo 11:27

“Ainaki Papa kang' eong' iboro lu kere. Emam itwan ni ejeni Okoku adepar Papa, emam itwan ni ejeni Papa adepar Okoku ka ng'ulu lu eseuni Okoku apukokin nesi.”

Matayo 16:16

Kinyakak Simon Petero, “Irait ijo Kristo, Okoku ka Akuju kalo ejari.”

Matayo 17:5

Ering'a nesi inera, kosodi edou lokakwang'an noi arapakin kesi, kolomuni eporoto kodou ebala, “Lo nesi okoku kang' lo amina eong'; lo itiminarit eong'. Kopupoto nesi!”

Matayo 26:63

Konye kotauni Yesu tii. Bobo kosodi esaseredootit alimokin nesi, “Ko okiror ka Akuju kalo ejari kesiapoe eong' ijo kipokona; kolimok siong' kirait ijo nes Emesaya, Okoku ka Akuju.”

Matayo 27:40

ebalasi, “Ijo lo ibeikiit atijaar Etogo ka Akuju, kadukun ka aparasia kauni, koyuun! Kirait ijo Okoku ka Akuju, kodoku kwap ka emusalaba”

Matayo 27:43

Emunokiit nesi Akuju bobo kobala nesi Okoku ka Akuju. Kaanyutu caat kekote Akuju ayuuni nesi kipokona!”

Matayo 27:54

Nape kaanyuna lokepolokiit ajore ka lukajore lukidariete Yesu, akijang'akin ka akwap kang'unu kere nu kebutu kisomakinosi, abutu kokuriakarosi noi. Kotemarete, “Teni kerait nesi Okoku ka Akuju!”

Matayo 3:17

Kosodi eporoto alomun kokuju ebala, “Lo nes Okoku kang' lo ominat, alakara eong' kanu keng'.”

Matayo 4:3

Kosodi ajokit abunore nama keng' kalimokin nesi ebe, “Kirait ijo Okoku ka Akuju, kolimok amor nu korautu emugati.”

Matayo 4:6

kosodi alimokini Yesu, “Kirait ijo Okoku ka Akuju, kodacun ijo elope kwap” naarai igirite, “Icorakini nesi imalaikan keng' akidara ijo; ikamunete kesi ijo ka akanin kes, tetere mam akejen kon de bon kikang'asikinosi ka amoru.”

Matayo 8:29

Atipet, kilulukinete, “Anyeka nukon ka siong', Okwai Okoku ka Akuju? Ibu ijo ne akisican siong' ering'a akolong' kedolo?”

Mariko 1:1

Nu nes Akiro Nukajokak kuju ka Yesu Kristo, Okoku ka Akuju.

Mariko 1:11

Kobuni eporoto alomun kokuju ebala, “Irait ijo Okoku kang' lo ominat, italakarit ijo eong' noi.”

Luka 1:35

Kosodi emalaikat alimokin nesi ebe, “Ebuni Emoyo Lokalaunan nama kon, agogong'u ka Akuju ejaikin nama kon. Kanuka nu ikoku nikalaunan enyarauno Okoku ka Akuju.

Luka 3:22

kosodi Emoyo Lokalaunan akijesakin nama keng' kokipone kaloka ajele. Kolomuni eporoto kokuju ebala ebe, “Irai ijo Okoku kang' lominat. Alakara eong' ka ijo.”

Yokana 1:18

Emam itwan apelem ni anyuut Akuju. Okoku keng' loteluna bon, lo ejii cut otau ka Papa, ng'oli nes etodia nesi.

Yokana 1:49

Kinyakakini Nataniel nesi ebala ebe, “Rabi, irait ijo Okoku ka Akuju! Irait ijo Ejakait loko Israel.”

Yokana 10:30

Eong' ka Papa kiraito ipe.”

Yokana 10:36

Ng'oli lo etalau Papa ka akijukun akwap nesi ibalasi osi ebe ‘Ikeni ijo’ kanu atemara eong' ebe, ‘Araiti eong' Okoku ka Akuju’?

Yokana 11:27

Kinyakakini Marita nesi ebe, “Eebo, Lokapolon, eyuuti eong' ebe iraiti ijo Kristo, Okoku ka Akuju lo ebuuti toma akwap.”

Yokana 19:7

Kinyakakinete Iyaudin nesi ebe, “Ijaasi siong' ka ekisil, bobo kwape ebalar ekisil ng'oli nes ibusakiniter nesi atwanare, naarai abu nesi kitaraun elopet Okoku ka Akuju.”

Yokana 20:28

Kinyakakini Tomas nesi ebe, “Lokapolon kang', Akuju kang'!”

Yokana 20:31

konye igirite nu tetere iyuunete osi ebe Yesu nes erait Kristo, Okoku ka Akuju; bobo ebe kanuka akiyuun kus, kodumutu osi akijar.

Yokana 6:69

Iyuutu siong', bobo ajenutu siong' ebe irait ijo Lokalaunan loka Akuju.”

Iromayon 1:4

Ikamuut alaus keng' alomun kamaka Akuju, abu kitoduune nesi ejaasi ka apedor nakapolon noi naka araus Okoku ka Akuju kopone kaloka akitajaruno alomun katwanare.

2 Ikorinton 1:19

Naarai Yesu Kristo, Okoku ka Akuju lo esiarasiarakino osi kes ka Silivano, Timoti, ka eong', mam kerait “Eebo” ka “Mam”. Erai nesi “Eebo” ka Akuju.

Iburayon 7:3

Mam kelimorite papa keng' kere de toto keng', atikere ipede kamaka ajena keng'; mam ketemarite ibore ipede kuju ka akidouno keng'. Eputosi nesi ka Okoku ka Akuju; ideuni nesi erait esaserdotit ikaru kere.

1 Yoana 2:23

Emam ipede ni eng'erito Okoku ejaasi ka Papa. Ng'ini ni ecamuut Okoku ecamuut Papa de.

1 Yoana 3:8

Ng'ini kere ni itolosit asoma arokusio erait nika Asatanit, naarai esoma Asatanit arokusio ape kageun. Atakanuuni Okoku ka Akuju kanuka nu, amunaun nukisomat Asatanit.

1 Yoana 4:9

Abu Akuju kitodia amina keng' kama wok kopone kaloka akijukun Okoku keng' epe bon akwap tetere ibeikenete oni akijar akitor nama keng'.

1 Yoana 5:20

Ijenete oni ebe abu Okoku ka Akuju bobo ainaki nesi oni akijen, tetere ijenete oni Akuju loka abeite. Ijaasi oni oidicane nenipe ka Akuju loka abeite, oidicane nenipe ka Yesu Kristo, Okoku keng'. Lo nes Akuju loka abeite, bobo na nes akijar na emam esial.

2 Yoana 1:9

Ng'in kere ni mam kiboye kotoma akisisianakino ka Kristo, konye kopaite, mam kejaasi ka Akuju. Ng'in kere ni iboye kotoma akisisianakino, ejaasi ka Papa nepepe ka Okoku.

Apukokinio 2:18

Namaka emalaikat loko okanisa kaloko Tiatra kigirak ebe: Nu nes akiro alomun kamaka Okoku ka Akuju, lo ecaete akonyen keng' bala akimi, bobo lo acaete akejen keng' bala aisinit,