Yokana 1:18 - AKITUTUKET NAKITETET (NEPEPEKA ISABULIN KA AWARAGASIA)

¹⁸ Emam itwan apelem ni anyuut Akuju. Okoku keng' loteluna bon, lo ejii cut otau ka Papa, ng'oli nes etodia nesi.

Ebaibuli

¹⁸ Emamei ituŋanan yeneanyunit Edeke kapakio kere; Okoku loteluna, loejai atorob naka Papa, ŋol ŋes etejenuni.

Yokana 1:18 Iomraidhean Croise

Awaragasia 8:30

Ajii eong' awae keng', bala lokadukon lo epolo; arait eong' lo etalakarit nesi ng'in paaran, alakara eong' ng'in apaaran koking'aren keng',

Matayo 11:27

“Ainaki Papa kang' eong' iboro lu kere. Emam itwan ni ejeni Okoku adepar Papa, emam itwan ni ejeni Papa adepar Okoku ka ng'ulu lu eseuni Okoku apukokin nesi.”

Luka 10:22

“Ainaki Papa kang' eong' iboro kere. Emam itwan ejeni Okoku nes ngai adepar Papa, bobo mam itwan ipede ejeni Papa nesi ng'ai adepar Okoku nepepe ka ng'ulu lu eseuni Okoku apukokin.”

Yokana 1:14

Korauni Akirot etung'anan, kosodi ajaikin kiding' wok, ileleba asianut ka abeite. Anyutu siong' akibusesu keng', akibusesu naka Okoku lotelit alomun kamaka Papa.

Yokana 12:41

Enerit Isaya akiro ng'unu naarai abu nesi koanyu akibusesu keng' kosodi ejori kuju keng'.

Yokana 13:23

Kegong'akina lokesisian epe lo kemina Yesu aturub keng';

Yokana 14:9

Kinyakakini Yesu nesi ebe, “Ajaikinosi eong' ka ijo ka apak kana euja, konye mam ijo Filipo kijeni eong'? Nesi ni anyu eong', adau anyun Papa; koni ibeikitere ijo atemar ebe, ‘Kitodik siong' Papa?’

Yokana 17:26

Etejenu eong' ekiror kon kama kes, bobo abuni eong' akitolosit, tetere ekipone lo kiminar ijo eong', kojii toma kes, tetere ajii eong' de toma kes.”

Yokana 17:6

Etodia eong' ekiror kon kotung'a kalu ibu ijo koinak eong' alomun ka akwap; keraasi kesi lukon, kosodi ijo de ainakin eong' kesi korautu lukang'; kesi de aricakisi akirot kon.

Yokana 3:11

Abeit, abeite kalimokini eong' ijo ebe inerasi siong' nu ijenete siong' ka akitejenuun kuju kanu anyutu siong'. Konye mam osi kicamuuto akitejenun kosi.

Yokana 6:46

Mere ebe anyu itwan ipede Papa adepar nesi lo elomuut kamaka Akuju. Anyu nesi Papa.

2 Ikorinton 4:4

Etumuduk kesi akuju loka akwapa adama kes kalu mam kiyuuto kinyekisi anyun acaus na ecaikiit kesi, acaus naka Akiro Nukajokak nuka akibusesu ka Kristo, lo erait aputo ka Akuju.

Ikolosain 1:15

Erait Kristo aputo na etakani naka Akuju lo mam ketakani. Erait nesi Okoku lokiyai, epolo akilanya iboro kere lu esubite.

1 Timoti 1:17

Namaka Ejakait kalo ejii ikaru kere, lo emam ketwani komam ketakani, Akuju epe bon. Kitopoloore nesi, kodumu nesi akibusesu ikaru ka ikaru! Ikote nepeneni.

1 Timoti 6:16

Nesi bon lo mam ketwani. Iboe nesi kotoma acaus na mam itwan ipede ni ebeikini adolokin. Emam itwan ipede ni anyuuti nesi apelem. Emam itwan ipede ni ebeikini anyun nesi. Akibusesu ka apolou naka ikaru kere kojaasi ka nesi! Ikote nepeneni.

1 Yoana 4:12

Emam itwan apelem ni anyut Akuju. Konye kiminasi oni luce, iboye Akuju kokiding' wok bobo amina keng' etakani kotoma wok kojokan.

1 Yoana 4:20

Kitemasi oni ebe iminasi oni Akuju, konye kading'asi oni ka ikanacan ka akanacan wok, iliokoko oni. Naarai mam itung'a kebeikinete amina Akuju lo ering'a kesi kaanyuna, kemam kesi keminasi ikanacan ka akanacan kes lu aanyutu kesi.

1 Yoana 4:9

Abu Akuju kitodia amina keng' kama wok kopone kaloka akijukun Okoku keng' epe bon akwap tetere ibeikenete oni akijar akitor nama keng'.

1 Yoana 5:20

Ijenete oni ebe abu Okoku ka Akuju bobo ainaki nesi oni akijen, tetere ijenete oni Akuju loka abeite. Ijaasi oni oidicane nenipe ka Akuju loka abeite, oidicane nenipe ka Yesu Kristo, Okoku keng'. Lo nes Akuju loka abeite, bobo na nes akijar na emam esial.