Yokana 1:14 - AKITUTUKET NAKITETET (NEPEPEKA ISABULIN KA AWARAGASIA)

¹⁴ Korauni Akirot etung'anan, kosodi ajaikin kiding' wok, ileleba asianut ka abeite. Anyutu siong' akibusesu keng', akibusesu naka Okoku lotelit alomun kamaka Papa.

Ebaibuli

¹⁴ Koraun akirot akuan, kiboiororoi kamawok, (kaanyut oni da akeibuses, aibuses naka eteluna lokebuni kama ka Papa,) ileleba asianut ka abeit.

Yokana 1:14 Iomraidhean Croise

Isabulin 2:7

“Alimori eong' nu atema Lokapolon: Abu nesi kolimok eong', ‘Irait ijo okoku kang'; lolo araun eong' papa kon.

Isabulin 45:2

Ibonotot ijo noi kokiliok kere; ebukokite asyanut opono kon; kanuka ng'unu esulwanyik Akuju ijo ikaru kere.

Isabulin 85:9

Teni elokokina nesi ayuun ng'ulu lu eyong'ito nesi, bobo ebuni akibusesu keng' na iyuuni akideun kakwap wok.

Matayo 1:16

Kerait Yakobo papa keng' ka Yosef okilen ka Maria nakerait toto keng' ka Yesu lo enyarite Kristo.

Luka 2:11

Aparan nape na kotaun ka Daudi edoun Loketajaran kus Kristo Lokapolon!

Luka 2:7

Kidouni nesi ikoku keng' ni sodit ni sapat, koburakini nesi ikoku kinagai kidwe, kiperikini nesi ikoku atuba, amam alaro na abeikito kesi akiboia ko otogo ka ipejok.

Luka 9:32

Petero kiton ipoupatin keng' atwakito ajo, konye kokwenyunete kesi kanyun akibusesu ka Yesu kiton ikiliok iyaare lu aguoete ka nesi.

Yokana 1:1

Kageunet kejii Akirot. Kejaasi Akirot nepepe ka Akuju. Kerait Akirot Akuju.

Yokana 11:40

Kolimokini Yesu nesi ebe, “Kemam eong' kalimokiit ijo ebe kiyuu ijo, iyanyuni ijo akibusesu naka Akuju?”

Yokana 14:6

Kinyakakini Yesu nesi ebe, “Araiti eong' eroto, kiton abeite, kiton akijar; emam ni ebuni nama ka Papa, emam kitorit nama kang'.

Yokana 14:9

Kinyakakini Yesu nesi ebe, “Ajaikinosi eong' ka ijo ka apak kana euja, konye mam ijo Filipo kijeni eong'? Nesi ni anyu eong', adau anyun Papa; koni ibeikitere ijo atemar ebe, ‘Kitodik siong' Papa?’

Yokana 17:22

Akibusesu na inaki ijo eong', ainaki eong' kesi, tetere eraunete kesi ibore ipe, kwape iraatatare oni ipe,

Yokana 17:24

“Papa! Iinaki ijo eong' kesi. Akote eong' kesi kojaasi ka eong' nama ajii eong' tetere ebeikinete kesi anyun akibusesu kang', akibusesu nakiinaki ijo eong'; naarai ibu ijo kominu eong' sek eroko kisubuna akwap.

Yokana 18:37

King'isi Pilato nesi ebe, “Kanuka ng'un irait ijo Ejakait?” Kinyakuni Yesu ebe, “Ijo nes itema ebe arait eong' Ejakait. Kanuka nu nes kedounere eong', bobo kanuka nu nes abunia eong' toman akwap tetere etejenuuni eong' akwap abeite. Ng'ini kere ni erait nika abeite epupi eporoto kang'.”

Yokana 2:11

Na nes aumosit keng' nasodit na abu Yesu kisoma ko Kana ko Galilaya, kosodi akitodiar akibusesu keng', kosodete ikiyakia keng' akiyuun nesi.

Yokana 3:16

Amina Akuju akwap noi, akitodol nama alemuna nesi Okoku keng' lotelit tetere ng'in itwan kere ni iyuuni nesi emam ketwaani konye kodumu akijar na emam kedaun.

Yokana 3:18

Ng'ini ni iyuut nesi mam ketubokino. Ng'ini ni emam kiyuut nesi adaun atubokin nesi, naarai mam nesi kiyuut ko okiror ka Okoku kaloteluna loka Akuju.

Yokana 6:51

Arait eong' emugati lo ejari lo ejesun alomun kokuju. Kenyam itwan kijokin emugati lo, ejari nesi ikaru kere. Bobo emugati lo alosi eong' alemun kanuka akijar ka akwap erait akwaan kang'.”

Yokana 8:32

ijenunete osi abeite, kosodi abeite alakun osi.”

Aswamisio 13:33

esomak nesi oni idwe keng' kokipone kaloka seun Yesu; bobo de kwape igiritere osabulin lokiareit ebe”: “Irai ijo Okoku kang', araun eong' lolo papa kon.”

Iromayon 8:3

Nu ekarikit Ekisil asoma kanuka anonoku ka ejautene ketung'anane, abu Akuju kisoma. Abu nesi kotubok aronus na kejii otung'anane kokipone kaloka akijukun Okoku keng', lo abuni kojautene bala etung'anan loka aronus kanuka adaun aronus.

Iromayon 9:5

elomuuto kesi kauri ka luka asonya ka Iburayon lu ejenuna. Bobo ejii Kristo ojautene loka etung'anane, erait nesi epe kama kes. Kituruoi Akuju lo ipugae iboro kere ikaru kere! Ikote nepeneni.

1 Ikorinton 15:47

Adam losodit asubuno kadwata, alomuni kakwap; etwan lokiyareit alomuni kokuju.

2 Ikorinton 12:9

Konye kinyakuni ebala ne, “Asianut kang' nesi itemokina ijo, kanu epolor agogong' kang' akolong' naeditar agogong' kon.” Alakar eong' noi, akipoga kaditeu ka agogong' kang', tetere adumun akigang'io kamaka agogong' ka Kristo kokuju kang'.

Igalatian 4:4

Konye nakedolia apak nakitemokina, abu Akuju kijuku Okoku keng' elope, okoku ka aberu, lo abu kiboi atupa ka Ekisil loka Iyaudin,

Ipeson 3:8

Adit eong' adepar itung'a kere luka Akuju; konye adutaki nesi eong' asianut keng', tetere esiarasiarakini eong' itung'a luka akwap kuju ka abara ka Kristo na epolo noi,

Ikolosain 1:19

Naarai arait atupa ka ekipone lo atiakuna Akuju elope nes ejaatatar Okoku elope ka ejautene kere loka Akuju.

Ikolosain 2:3

Nesi nes elacet lo eng'ae iboro kere lukajokak lu igwaite luka acoa ka Akuju kiton akijen.

Ikolosain 2:9

Naarai ejii toma nama ka Kristo ejautene kere loka araus Akuju, kojautene keng' kaloka etung'anane,

1 Timoti 3:16

Emam itwan ebeikini ang'erokin ekipone lo epolokototore nu eng'opito ko odini wok: Kotakanuuni nesi kaputo ketung'anan, kitodiari Emoyo Lokalaunan ebe edolit nesi, koanyunete imalaikan nesi, apon kisiarisiari kakwapin kuju keng', apon komunokine nesi kakwap kijokin, koyaarete nesi kuju.

Iburayon 1:3

Itoduuti nesi acaus naka akibusesu ka Akuju bobo erait nesi aputo naka Akuju kelope, idari nesi akwapa kere ka agogong'u ka akiroto keng'. Nakedauna nesi ayaun arimakino naka arokusio ka etung'anan, kosodi nesi akiboikin akan nakoteten ka Akuju kokuju, loka apedor kere.

Iburayon 1:5

Naarai mam Akuju abu kolimok emalaikat keng' epede: “Irait ijo Okoku kang'; lolo araun eong' Papa kon.” Bobo mam Akuju abu kotema kuju ka emalaikat kepede, “Arauni eong' Papa keng', kosodi nesi araun Okoku keng'.”

Iburayon 10:5

Kanuka atenikina kana, aaput Kristo abunore akwapa, abu nesi kolimok Akuju: “Mam ijo kikote isuban kiton idutan, konye itenaki ijo akwana kanu kang'.

Iburayon 2:11

Naarai nesi lo italauni nepepe ka ng'ulu lu italauno elomuuto kalaro kape. Ng'in nes atenikina mam nesi kesilikiit anyaraun kesi ikanacan ka akanacan,

Iburayon 5:5

Kokipone kalope kang'olo, mam Kristo elope abu kitopolori araun esaserdotit lokapolon. Konye Akuju nes alimokini nesi: “Irait ijo Okoku kang'; lolo araun eong' Papa kon.”

1 Yoana 4:14

Ianyutu oni bobo ilimoerete oni ebe abu Papa kijuku Okoku keng' korau Lokeyuunan akwap

1 Yoana 4:9

Abu Akuju kitodia amina keng' kama wok kopone kaloka akijukun Okoku keng' epe bon akwap tetere ibeikenete oni akijar akitor nama keng'.

2 Yoana 1:7

Naarai alomasi luka aliokonu ipu akwap, itung'a lu mam kecamunete abunore ka Yesu Kristo bala etung'anan. Itwan bala ng'ini erait iliokoi bobo erait ipading'a ka Kristo.

Apukokinio 19:13

Enaga lo anapit nesi ang'urakina aokot ng'olo wai. Ekiror keng' erait, “Akirot ka Akuju.”

Apukokinio 21:3

Keirari eong' eporoto lokapolon inera alomun kokicolong' kaloka ang'osibib ebala ebe: “Kipokona ere ka Akuju ejii otung'a! Ebuni nesi akiboi ka kesi, bobo eraunete kesi itung'a keng'. Ejaikinosi Akuju elope ka kesi, bobo erauni nesi Akuju kes.