Igalatian 3:1 - AKITUTUKET NAKITETET (NEPEPEKA ISABULIN KA AWARAGASIA)

¹ Okwai ibang'aisik Igalatian! Ng'ai kisubakini osi? Apon kitodiare kakonyen kus kuju ka akibubukino ka Yesu Kristo omusalaba.

Ebaibuli

¹ Okwe yes Igalatian luemamei acoa! Iŋai bo kilemelem yes, luaponi Yesu Kristo kolimonokinai kaitebeikin kakonyenekus?

Igalatian 3:1 Iomraidhean Croise

Matayo 24:24

Naarai etakanunete Imeseyan ka ikadwarak lukaliokon, ebunete asoma aumokineta kiton akitimosia nukapolok noi tetere itapaete atikere lu eseuti Akuju, kebeikinosi.

Matayo 7:26

“Itwan kere ni iirari akiro kang' kong'eri akitup, eputosi ka etwan lo ebang'ana lo kedukokini etogo keng' asing'e;

Luka 24:25

Kosodi Yesu alimokin kesi ebe, “Inyo ibang'aka osi kong'in kolang'ir itawon kus kong'in amunokin ng'unu kere nu kinerito ikadwarak?

Aswamisio 16:6

Kosodete akitor alaro nako Pirigia ka Galatia na kiteong'eria Emoyo Lokalaunan kesi akisiarasiara akirot ka Akuju ko Asia.

Aswamisio 6:7

Kitolosite akirot ka Akuju akisiarakin. Kiyatakin etae ka ikiyakia ko Yerusalem, kocamunete isaseredotin lu ipu akiyuun.

Iromayon 10:16

Konye mere itung'a kere ediautu Akiro Nukajokak. Abu Isaya elope kotema ebe, “Lokapolon, ing'ai kebu komunok akiro kosi?”

Iromayon 2:8

Itung'a ice eminasi awate kes bon, ka ang'erite nu ideerete kanuka akigwapite nukarokok. Ebuni Akuju akijukun kuju kes anyunyura keng' kiton apipilu keng'.

Iromayon 6:17

Konye keyalamikisi Akuju! Teni ace pak kiraito osi ibulesun luka aronus, konye iyong'ata osi kipokona kitawono kus kere abeite na edumun kotoma akisisianakino kana ipotu osi kidiautu.

1 Ikorinton 11:26

Naarai na inyamata osi emugatit lo ka akimata ekikopot lo, ilimorete osi atwanare ka Lokapolon akitodolo na ebunia.

1 Ikorinton 2:2

Naarai aring'a eong' ajaasi ka osi, abu eong' katiaku akimuruokin iboro kere adepar Yesu Kristo kiton kacut atwanare keng' komusalaba.

2 Ikorinton 10:5

itiyarete oni ibore kere nika epogi ni irebokini akijen ka Akuju, kimudiarete oni awomisio kere akitodol nama eyong'ia Kristo.

2 Ikorinton 11:3

Konye akuriana eong' ebe ebuto amunaun adama kus kosodete osi akinyekin akimaa Kristo kabeite, ekipone ng'openg'ol king'alakina emun Iva kaliokonu nakacoa.

Igalatian 1:2

ka ikanacan ka akanacan kere lu ejaasi nenipe ka eong' imalaete ikanisai luko Galatia.

Igalatian 1:6

Ketimit eong' osi ebe nedio along'u inyekisi osi nesi lokinyarauni osi atupa ka asianut ka Kristo, kosodete osi acamun akiro ace nu egelakina.

Igalatian 2:14

Konye nape anyuna eong' ebe kemam kesi kisomaete nu idereete ikamut agirasia nukalaunak, abu eong' kalimok Petero koking'aren kes kere ebe, “Kirait ijo Eyaudit konye kiboe ijo bala Elong'ait, mere bala Eyaudit, ekipone ali ibeikina ijo akijukakin Ilong'au akiboi bala Iyaudin?”

Igalatian 3:3

Ikote osi ibang'aaka ai? Igeunete osi kotoma Emoyo ka Akuju, ikotosi osi adaun ka apedor kus kikulopek?

Igalatian 4:9

Konye, kanu ijenunata osi kipokona Akuju, bobo kanu ejenia Akuju osi, ikote osi ibong'orete bobo ayi namaka ipara kang'ulu kalu mam kejaatatare ka apedor, ka akote araun ijoloi kes bobo?

Igalatian 5:11

Konye, ikanacan ka akanacan, ketolosit eong' akisiarasiara kuju ka akepio inyo konye itolositere akisicana eong'? Kere koraite kong'in, tia akisiarasiara kuju ka emusalaba ka Kristo mam keyauni ican.

Ipeson 3:8

Adit eong' adepar itung'a kere luka Akuju; konye adutaki nesi eong' asianut keng', tetere esiarasiarakini eong' itung'a luka akwap kuju ka abara ka Kristo na epolo noi,

Ipeson 4:14

Kanuka ng'un, mam bobo oni kijaikinosi bala idwe, ibukanari oni ekuwam loka akisisianakino kanu egelegela nu irebokito itung'a lu liokoisik tetere itabang'anete luce kaliokonu.

Ipeson 5:15

Kiteete kotenan ekipone lo iboyata osi, mere bala itung'a lu mam kejaasi ka acoa konye bala luka acoa,

2 Itesalonikan 1:8

ka akimi na enoki, akitisilar ng'ulu lu eng'erete Akuju kalu mam keyong'ito Akiro nukalaunak nuka Lokapolon Yesu.

1 Timoti 6:4

ileleba epogi, bobo mam kejeni ibore ipede. Ejaasi nesi ka aminanari nakaronon ka ang'olopa ikamuut akiro nu eyaunete eding', araton, awomowomosia nukarokok,

Iburayon 11:8

Arait akiyuuno nes ainakini Aburaam epupuni na anyarauna Akuju nesi kalimokin nesi kolot akwapa na kisumunikiit Akuju ainakin nesi. Abu nesi koloma kakwap keng' kelope mam kejeni nama elosi nesi.

Iburayon 5:9

Nakitalaunere nesi, abu korau nama edumunata itung'a kere lu eyong'ito nesi akiyuuno,

1 Petero 1:22

Kwape idaunata osi akiyong' abeite, idautu osi ikulopek akitalauno ka abunore adumun amina naka abeite kamaka lukeyuunak luce, kominasi luce kitauon kus kere.

1 Petero 4:17

Adolu akolong' na egeuna atubonokin, bobo itung'a ka Akuju nesi lu sodit atubokino. Kegeuni kama wok, ikoni eng'etakini ai kamaka ng'ulu lu mam kiyuuto Akiro Nukajokak alomuni kamaka Akuju?

2 Petero 2:18

Inerasi kesi akiro nuka epogi kiton nuka abang'anut, kakitosoma akiro nuka akwana nuka emwane alokia ng'ulu lu egeuto usa akikuu kotung'a kalu iboete kawolite.

Apukokinio 18:3

Naarai akwapin kere amatata ebino keng' — ebino lo icasit loka adoteu keng'. Abutu ijakaa luka akwap kisomata adoteu ka nesi, kosodete luka ebele luka akwap ajakaanar kanuka aminanar keng' kana emam kejong'a.

Apukokinio 2:20

Konye ajaasi eong' kanu nuka akitepege ijo: ebe ikanyi ijo aberu ng'ini Yesebeli, na ebala alope ebe erait nesi akadwaran bobo isisianakini bobo itapait lukejaanakinak kang' asoma arokusio nuka adoteu ka akinyama inyamen lu edusite akujun.