Igalatian 2:2 - AKITUTUKET NAKITETET (NEPEPEKA ISABULIN KA AWARAGASIA)

² Abu eong' kaloto naarai abu Akuju kitodik eong' ebe ejii eong' alosite. Kakiriamakin kang' nepepe ka ikapolok emam itwan ejeni, abu eong' kalimok kesi akiro nukajokak kanu esisianikini eong' Ilong'au. Amam eong' akote asoma kang' nuka sek kere de nukipokona komunaunosi.

Ebaibuli

² Konye abu kadoka kanuka apukokinio; ido abu kapesik kes Akiro Nukajokak nualimonokinit Imo, konye kaiyeiyea kakonyen nuka ŋul kaluecamunitai, kenyek asubit bala akeri, arai bo abu kaker atitai.

Igalatian 2:2 Iomraidhean Croise

Igalatian 2:6

Konye ng'ulu lu atakanete kama kang' bala lukayaitok — abala eong' nu naarai mam agelakinete apede kama kang' ati keraito kesi kes kang'ai. Mam Akuju ketubonokini atupa ka ekipone lo etakania itwan koking'a. Abala eong' ebe mam lukayaitok ng'ulu abutu kiyatakisi acoa apede nakitetet nama kang'.

Ipilipin 2:16

inanikinete osi kesi akirot naka akijar. Kisomata osi kong'in, ajaikinosi eong' ka atenikina naka epog kanu kus apaaran ka Kristo, naarai itodiari ebe auta kang' kere ka asoma kang' mam araito along'u.

1 Itesalonikan 3:5

Ng'ini nes atenikina na ejukuna eong' Timoti. Mam eong' apedor akitolosite akikanya. Kanuka ng'unu kasodi eong' akijukun nesi ajenun kuju ka akiyuun kus. Abeite, amam abeikinosi ebe kebu Asatanit kotama osi bobo ka atwaniar asoma kosi kere!

Igalatian 2:9

Kosodete Yakobo, ka Petero kiton Yoana lu araito bala lukayaitok anyun ebe kebu Akuju koinaki eong' asoma nu nukajokak. Kanuka ng'un, kosodete kesi akimalakin ka Barnabas kiton eong' kakanin akitoodikin ebe kisomaete siong' kere nenipe. Abutu siong' keirarosi ebe kesomata eong' kiton Barnabas kamaka Ilong'au, kisomata kesi kamaka Iyaudin.

1 Ikorinton 9:26

Mam eong' kakeri along'u, mam eong' kajiosi keuria;

1 Ikorinton 1:23

konye siong' kilimonorete kuju ka Kristo lo ibubukiite, ibore ni iguinikini kamaka Iyaudin kiton ni erait abang'aanut kamaka itung'a kaluka Akwap,

1 Ikorinton 9:24

Mam osi kijenete kotoma akeriti lukakerak ilaagakina, konye epe bon nes edumuni idutat? Kanuka ng'unu kokere tetere idumuni ainakinete.

1 Ikorinton 2:2

Naarai aring'a eong' ajaasi ka osi, abu eong' katiaku akimuruokin iboro kere adepar Yesu Kristo kiton kacut atwanare keng' komusalaba.

Aswamisio 15:12

Kosodi atuket kere ataun ti; kopupokinete kesi Barnabas ka Paulo inerasi kuju ka aumosio kiton nuka akitim nu king'arakini Akuju Barnabas ka Paulo kamaka Ilong'au.

Aswamisio 15:4

Na kedoliata kesi Yerusalem, kidiauni ekanisa kesi bobo ikiyakia nenipe ka imojong', Kosodete kesi alimokin kesi ng'unu kere nu kisomat Akuju akitor nama kes.

Ipilipin 2:29

Kanuka ng'unu, kidiautu nesi kalakara bala onac kotoma ka Lokapolon. Koyong'itete itung'a kere kwape keng',

Igalatian 1:16

akitoduun Okoku keng' kama kang', tetere abeikini eong' akisiarasiara Akiro keng' Nukajokak kamaka Ilong'au. Amam eong' abu kaloto namaka itwan kipede kicoraki eong',

Aswamisio 23:11

Akware naketupakini, kogwoi Lokapolon kowai ka Paulo, kotemari, “Mam akurianu, naarai ekipone lo itodiara ijo kuju kang' ko Yerusalem, nes itemokinar ijo akitodiar ko Roma de.”

Aswamisio 18:9

Kolimokini Lokapolon Paulo kware ko oruja ebe, “Mam akurianu, konye kiner bobo mam ataus ti;

Aswamisio 5:34

Konye kogwoi efarisayot epe kama kes lokenyarite Gamalieli, lokesisianakinan Ikisila lo keyong'ito itung'a kere noi kosodi akicorakini ikiyakia kolomasi king'a nedio,

Matayo 10:16

“Kiirasi! Eyakit eong' osi king'a kwape ka amerekikin ko kiding' ka ipeene. Kocoikinasi bala imunwo ka akinapara bala aleur.

Aswamisio 15:2

Na kitepegata kesi Paulo ka Barnabas kuju ka akirot kana, koseunete Paulo ka Barnabas ka ice kamaka lukemunokiito Akuju kolototo Yerusalem nama ki ikiyakia ka imojong' kuju ka Akirot kana.

Iromayon 9:16

Kanuka ng'unu, ng'in iboro mam ketupasi kanu ekote etung'anan asoma adepar asianut ka Akuju bon.

2 Ikorinton 12:1

Tar kepoga eong', atikere kemam kejokuna. Konye ejii eong' ejori kuju ka irujasinio kiton apukoreta nu ainaki eong' Lokapolon.

Igalatian 1:6

Ketimit eong' osi ebe nedio along'u inyekisi osi nesi lokinyarauni osi atupa ka asianut ka Kristo, kosodete osi acamun akiro ace nu egelakina.

Igalatian 1:12

Amam eong' adumuni kamaka itwan, bobo amam itwan ipede nikesisianakini eong' akiro nu. Konye abunete akitor apukokinio ka Yesu Kristo.

Igalatian 5:7

Ikerete osi sek kotenan. Ng'ai kirebokini osi ayong'ite abeite?

2 Timoti 4:7

Adau eong' ejie kojokan, adau eong' akerite, aricaki eong' akiyuun.

Iburayon 12:1

Ikamuti oni, ijaasi oni ka akwapa kalukajenak irimo kiito oni. Kanuka ng'un kenyekisi ng'ini iboro ni irebokini oni koroto nepepe ka aronus nakirumit oni cut. Kakerata katitinyu akerite na ejii king'aren wok.