Igalatian 1:5 - AKITUTUKET NAKITETET (NEPEPEKA ISABULIN KA AWARAGASIA)

⁵ Akibusesu kojaasi ka nesi ikaru kere! Ikote nepeneni.

Ebaibuli

⁵ kojai aibuses mama ejai ikar ka ikar, Amen.

Igalatian 1:5 Iomraidhean Croise

Isabulin 41:13

Kiturwoto Lokapolon, Akuju ka itung'a kaluko Israel! Kiturwoto nesi kipokona ka ikaru kere! Ikote nepeneni! Ikote nepeneni!

Isabulin 72:19

Keturwoto ekiror keng' loka akibusesu ikaru kere! Kinyek kilelebun akibusesu keng' akwap kere. Ikote nepeneni! Ikote nepeneni!

Matayo 28:20

Kisisianakisi kesi akiyong' ng'ini ibore ni ecoraki eong' osi. Bobo kiitutete ajaasi eong' ka osi ng'ini pak, akitodol osial ka akwap.”

Matayo 6:13

Siri kiyaa siong' toma atamisio, Konye koyuu siong' kamaka loka asurup.”

Luka 2:14

“Akibusesu kojai namaka Akuju lo eliliara, ka aipuc ka akwap kamaka ng'ulu kalu italakarito nesi!”

Iromayon 11:36

Naarai nesi asubuni iboro kere, bobo iboro kere ejaasi akitoro nama keng' bobo kanu keng'. Kojii akibusesu namaka Akuju ikaru kere! Ikote nepeneni.

Iromayon 16:27

Kamaka Akuju ka epe bon, lo ejaasi ka acoa, kojai akibusesu akitor namaka Yesu Kristo ikaru ka ikaru! Ikote nepeneni.

1 Ikorinton 8:13

Kanuka ng'unu kerait inyamen einakinete onac kang' ka kinaci kang' akisoma aronus, mam eong' kanyemi akiring' bobo, tetere emam kainakini onac kere kinaci kang' akibirokin aronus.

Ipeson 1:12

Oni lu ageete amunokin Kristo keturoto akibusesu ka Akuju!

Ipilipin 4:20

Akibusesu kojaasi ka Akuju wok ka Papa wok ikaru ka ikaru. Kikote nepeneni.

1 Timoti 1:17

Namaka Ejakait kalo ejii ikaru kere, lo emam ketwani komam ketakani, Akuju epe bon. Kitopoloore nesi, kodumu nesi akibusesu ikaru ka ikaru! Ikote nepeneni.

2 Timoti 4:18

Ebuni Lokapolon ayuun eong' ka arokusio kere ka ayaari eong' kotenan Ajakaanut keng' nako kuju. Akibusesu kojei nepepe ka nesi ikaru kere! Ikote nepeneni.

Iburayon 13:21

koinaki osi ng'in ibore nikajokan tetere isomaete osi nu ekote nesi; isomae nesi kama kus nu italakarito kakonyen keng' akitoro nama ka Yesu Kristo; lo ejaasi ka akibusesu ikaru kere. Ikote nepeneni.

1 Petero 5:11

Kojii apedor nama keng' ikaru kere! Ikote nepeneni.

2 Petero 3:18

Konye kitolositete apolou kama kasianut kiton ajenus naka Lokapolon wok, Ekeyuunan Yesu Kristo. Kojei akibusesu ka nesi, lolo ka ikaru kere! Ikote nepeneni.

Yuda 1:25

nama ka Akuju lo bon loketajaran wok, kotoma Yesu Kristo Lokapolon wok, kojii akibusesu, agogong' nepepe ka apedor, alomuni ikaru kere lu atuborosi, bobo kipokona, kiton ikaru kere! Ikote nepeneni.

Apukokinio 14:7

Kotemari nesi keporoto kaloko kuju, “Koyong'itete Akuju, koinakisi nesi akibusesu naarai adolu apak naka atubonokin keng'; kimaata nesi lo asubi akuju, akwap, akare nakapolon nepepe ka icorin luka akipi.”

Apukokinio 5:12

ka ekiruke koporoto kaloko kuju ebe: “Imerekek ni ario itemokina adumun apolou, ajakaanut, acoa kiton agogong', akibusesu, akimaa kiton akitur!”

Apukokinio 7:12

ebalasi, “Ikote nepeneni!” Asulwany, akibusesu, acoa, akiyalama nepepe ka ang'osibib, apedor, agogong'u, eraito nuka Akuju wok ikaru kere! Ikote nepeneni.