Igalatian 1:4 - AKITUTUKET NAKITETET (NEPEPEKA ISABULIN KA AWARAGASIA)

⁴ Abu Kristo kolemun kanuka arokusio wok, atupa ka amina ka Akuju Papa wok tetere elakuni nesi oni kakwap kanakaronon kana nakipokona atupa kanu ekote Akuju wok ka Papa wok.

Ebaibuli

⁴ loabu koinakin kanuka adiakanaretawok, tetere kiyuuni oni kama kikar kalu lueroko kwape ejaar akot naka Edekewok ka Papa;

Igalatian 1:4 Iomraidhean Croise

Isabulin 40:8

Akuju kang', amina eong' asoma nu ikote ijo! Egwait eong' akisisianakino kon kotoma otau kang'.”

Matayo 13:22

Ikinyom lukedacakinosi okokwa, eputosi ka ng'ulu lu epupunete akirot ka Akuju; konye akiyalolong' kuju ka akijar kanaka amina abara naka kwap kana, nes aariete akirot ka Akuju, komam kirae araito.

Matayo 20:28

kwape ka Okoku ka Etung'anan kalo amam abu kobuu akijaanakino konye akijaanakin ka alemun akijar keng' kanuka ayuuni itung'a lu ipu.”

Matayo 26:28

“naarai nu kesi aokot kang' nuka akitutuket, nu ebukorio kanuka lu ipu, kanuka arumakino ka arokusio.

Matayo 26:42

Koikari Yesu bobo ka akilip, “Papa kang', kemam ekikopot lokican lo kebeikini alemario mam eong' kamasit, kinyek kisomakinosi kwape ikotore ijo.”

Matayo 6:9

Kanuka ng'unu, kilipata kokipone kalo: “Papa kosi lo ejii toma kuju: Ekiror kon kiturwoi;

Mariko 10:45

Naarai Okoku ka Etwan mam abuni kijaanakine nesi, konye abuni nesi kanuka akijaanakin kitoni alemun akijar keng' kanuka ayuuni itung'a lu ipu.”

Luka 22:19

Kosodi nesi alemun emugati, ka akiyalamikin Akuju, kobili, ka ainakin kesi ebala, “Na nes akwan kang', na elemute kanu kus. Kisomata nu kanuka akiitunana eong'.”

Luka 22:42

“Papa, kikote ijo, kolema ekikopot lo kama kang'; mere kwape akotere eong' konye kisomakinosi nu ikote ijo.”

Yokana 10:11

“Eong' nes lokejokon lokajokan. Lokejokon lokajokan epali akijar keng' kanuka amerekekin keng'.

Yokana 12:31

Kipokona nes apak naka atubonokin akwap na. Kipokona nes ecakarere king'a lo ipugae akwap na.

Yokana 5:30

“Mam eong' kabeikini asoma ibore ipede ka apedori kang' bon. Atubonokini eong' itung'a kwape elimonokina Akuju eong', kanuka ng'un, atubonokin kang' erait naka abeite. Mam eong' kesomae nu akote eong' elopet adepar ng'unu nu ekote nesi lokejuukuni eong'.”

Yokana 6:38

Naarai ejesun eong' kwap alomun kokuju, mere ebe kanuka asoma ng'unu nu akote eong', konye nu ekote nesi lokejukuni eong',

Iromayon 1:7

Kanuka ng'un egirakiit eong' osi kere luko Roma lu emina Akuju, lu anyarau nesi araus itung'a keng': Elipit eong' koinaki Akuju Papa wok ka Lokapolon Yesu Kristo osi asianut nepepe ka aipuc.

Iromayon 12:2

Mam osi akitup nuka akwap kana, konye kinyekisi Akuju kibeloki osi kotoma kopone kaloka akibelokin adama kus. Kosodete osi ajenun nu ekote Akuju, ibore ni elae, ni italakarit kiton kani ejokokuna cut.

Iromayon 4:25

Kanuka arokusio wok, apon kwaarai nesi, kitajarunete nesi tetere imarakino oni lu idolito koking'aren keng'.

Iromayon 8:27

Konye Akuju lo itee itawon wok, ejeni nu itunene Emoyo. Naarai imaimai Emoyo Akuju ikamuut itung'a keng' bobo atupa ka amina keng'.

Iromayon 8:3

Nu ekarikit Ekisil asoma kanuka anonoku ka ejautene ketung'anane, abu Akuju kisoma. Abu nesi kotubok aronus na kejii otung'anane kokipone kaloka akijukun Okoku keng', lo abuni kojautene bala etung'anan loka aronus kanuka adaun aronus.

Iromayon 8:32

Mere Akuju lo amam abu kogwouna Okoku keng' kelope. Konye kolemuni nesi Okoku keng' kanu wok! Koinakini nesi oni Okoku keng'. Teni mam nesi keinakini oni iboro kijokin along'u?

1 Ikorinton 15:3

Abu eong' kainak osi nu abu eong' kadum, nu ejaasi kapolou noi: Ebe abu Kristo kotwana kanuka arokusio wok, kwape igiritere agirasia;

2 Ikorinton 4:4

Etumuduk kesi akuju loka akwapa adama kes kalu mam kiyuuto kinyekisi anyun acaus na ecaikiit kesi, acaus naka Akiro Nukajokak nuka akibusesu ka Kristo, lo erait aputo ka Akuju.

Igalatian 2:20

tetere emam kerait eong' bobo nes ajari, konye Kristo lo ejii toma kang'. Akijar na ajii eong' toma kipokona na, ayait eong' kanuka amunokiite Okoku ka Akuju, lo aminuni eong' ka akidut akijar keng' kanu kang'.

Igalatian 6:14

Konye eong', mam cut kabuni epogi kanuka ibore kice adepar kanuka emusalaba ka Lokapolon wok Yesu Kristo, lo etosomao akibubukin akwap nama kang', eong' de akwap.

Ipeson 1:11

Iboro kere isomao atupa ka ekipone lo itemitemiter Akuju ka atiakuute; bobo keseut Akuju oni araus itung'a keng' imorikikina oni nenipe ka Kristo kanu kekotore nesi elope atupa kanu ketiakuut nesi ape kageunet.

Ipeson 2:2

Apak ng'in kitupito osi irotin lukarokok luka akwap; kiyong'ito osi lokaronon lo epolokiit ajokin kokuju, eparait lo eyait itung'a lu emam keyong'ito Akuju.

Ipeson 5:16

mam amunaute apak, naarai eroko aparasia.

Ipeson 5:2

Itemokina amina ayaite akijar kus, kwape keminuna Kristo oni kalemun akijar keng' kanu wok bala idutan kiton asubanit na itiminarit Akuju.

Ipeson 6:12

Naarai mam oni kitijiete itung'a konye itijiete oni ajore naka imoyoi lukarokok luka akwap kanako kuju, lukepugak, kiton apedor naka akwap kanakirionon kana.

Ipilipin 4:20

Akibusesu kojaasi ka Akuju wok ka Papa wok ikaru ka ikaru. Kikote nepeneni.

1 Itesalonikan 1:3

Naarai ituto siong' koking'aren ka Akuju Papa wok ekipone lo itosomata osi akiyuun kus, ekipone lo keinakina amina kus osi asoma kagogong'u kiton ekipone lo icasitere amuno kus kamaka Lokapolon wok Yesu Kristo.

1 Itesalonikan 3:11

Kitenaki Akuju Papa wok elope kiton Lokapolon wok Yesu eroto lo abuniata siong' nama kus!

1 Itesalonikan 3:13

Kokipone kalo isicasi nesi osi, bobo koraunete osi lu idolito ka lukalaunak koking'aren ka Akuju Papa wok na ebunia Lokapolon wok Yesu nepepe ka lukalaunak keng' kere.

2 Itesalonikan 2:16

Lokapolon wok Yesu Kristo kiton Papa wok Akuju, lo amina oni kotoma asianut keng' koinak oni etau kiton amuno na icasit,

1 Timoti 2:6

lo abu elope kolemun kanuka alakun ng'in itwan. Ng'in nes akitodiaret kakolong' kana ekotokina, ebe ekote Akuju ng'in itwan kolakune,

Tito 2:14

Kolemun nesi elope kanu wok, ayuun oni kamaka arokusio kere bobo ka akitaraun oni itung'a lu elaete cut lu eraito lukeng' boni, bobo elokikina asoma nu ejoka.

Iburayon 2:5

Mam Akuju kipiakiti imalaikan araus lukepitak akwapa nakitetet na ebuti, akwapa na inerasi oni kuju keng'.

Iburayon 6:5

Abutu kesi kojenutu kotoma akijar kes ebe ejokuna akirot ka Akuju, bobo kiirasi apedor naka ikaru kalu ebuto.

Iburayon 9:14

Konye isomasi akiro nukapolok noi kanuka aokot ka Kristo! Kanuka agogong' ka Emoyo kalo mam esial, abu Kristo elope kolemuni araun esubanit lo elae kamaka Akuju. Ebunete aokot keng' akitalaun awomowomisio tetere emam oni kisomaete asoma nu eyaunete atwanare tetere ibeikinete oni akijaanakin Akuju lo ejari.

Yakobo 4:4

Itung'a lu mam kemunokina! Mam osi kijenete ebe araus ipaupatin ka akwap erait araun ipading'a ka Akuju? Itung'a lu ekotosi araus ipaupatin ka akwap eraunete ikulopek ipading'atin ka Akuju.

1 Petero 2:24

Kodak Kristo elope arokusio wok kotoma akwan keng' komusalaba

1 Petero 3:18

Naarai abu Kristo kotwana katipe kanuka arokusio ka itung'a kere, etwan lo ejokuna kanuka lukarokusio, kanuka ayar osi namaka Akuju. Apon kwarai nesi kotoma akwana konye kitajarunete nesi kotoma omoyo;

1 Yoana 2:2

Kristo elope nes eroto lokarumakino karokusio wok, mere arokusio wok bon, konye arokusio kang'in itung'anan.

1 Yoana 3:16

Kokipone kalo ijenete oni amina, ebe kebu nesi kopala akijar keng' kanu wok. Itemokina oni de akipala akijar wok kanuka ikinacan nepepe ka akinacan.

Apukokinio 1:5

bobo alomun kamaka Yesu Kristo, eketodiaran lo emunokina, losodit alomun kamaka lukatwak, bobo lo erait lo ipisi ijakaa luka akwap. Emina nesi oni, bobo kanuka atwanare keng' naka isubanit, nes ayuuna nesi oni karokusio wok

Apukokinio 5:9

Kirukokinete kesi ekiruke lokitetet ebalasi: “Ilesikina ijo akirum ekitabo ka apukor ikung'eta keng'. Naarai abuni kwarai ijo, bobo kanuka atwanare kon ibu ijo kogwelak Akuju itung'a alomun kamaka ng'olo ekitekere, ang'ajep, akwap kiton luka amunyo kana egelegela.

Apukokinio 7:9

Ketuborosi nu kang'oliari eong', kanyuni eong' akwap ka itung'a nakapolon noi. Amam itwan abeikini akimar itung'a kijokin. Alomuuto kesi ko kitekerio kere, kakwapin kere, kiton ang'ajepa kere. Kogwoete koking'aren ka ekicolong' loka ang'osibib nepepe ka Imerekek, enapito inagai lukakwang'ak kiton edakito akwii ka akanin kes.