Igalatian 1:10 - AKITUTUKET NAKITETET (NEPEPEKA ISABULIN KA AWARAGASIA)

¹⁰ Itodikiito nu ebe atamakiit eong' akote kitojokonata itung'a eong' kere kitojokon Akuju eong'? Kere atamakiit eong' akitalakaarite itung'a? Kere ketolosit eong' akitalakaarite itung'a, tia eong' amam karait ekejaanakinan ka Kristo.

Ebaibuli

¹⁰ Naarai ejodouni kereka eoŋ ituŋa, arai bo Edeke? Arai bo amoot kereka eoŋ aisiyalamikin ituŋa? Arai ariŋa esiyalamikinit ituŋa timam karau ebulesit loka Kristo.

Igalatian 1:10 Iomraidhean Croise

Matayo 22:16

Kosodete akijukiari ikiyakia kes ka itung'a lu kigang'ito Erode nama keng', ebalasi, “Lokesisianakinan, kijeni siong' ebe ijo loka abeite, isisianakini ijo eroto ka Akuju ka abeite. Mam ijo kikuriana itwan ipede; naarai apolou ka etwan mam kerait ibore kama kon.

Matayo 28:14

Bobo kedoloto nu akii ka egavana, esimonikinete siong' nesi kakitukuu osi ko ocan.”

Matayo 6:24

“Emam itwan ni ebeikiit akijaanakin ijakaa iare. Eminuni ipe kosodi akadakin nice; eyong'i ipe kakimwaar nice. Mam ijo kibeikiit akijaanakin Akuju ka abara.”

Aswamisio 12:20

Konyunyurikin Erode noi ka itung'a kaluko Taya kiton Sidoni. Kolosete nama keng' imorikikina. Kogete akimaima etwan lokenyarite Blastus lokepolokiit ere ka ejakait king'arak kesi. Kosodete alosite nama ka Erode ka akilipi nesi kojaikin aipuc naarai kedumunene akwap kes inyamat alomun ka akwap ka ejakait.

Aswamisio 5:29

Kosodi Petero nenipe ka ikiyakia luce abong'okin ebe, “Ejii siong' akiyong' Akuju, konye mere itung'a.

Iromayon 1:1

Alomun kamaka Paulo, lokejaanakinan ka Yesu Kristo kiton ekiyakia lo eseut Akuju ka anyaraun akisiarasiara Akiro keng' Nukajokak.

Iromayon 2:29

Eyaudit loka abeite erait itwan ni erait Eyaudit kotoma otau, itwan ni ekepite etau keng'. Eraito nu asoma nuka Emoyo ka Akuju, mere nuka Ekisil kalo igirite. Itwan bala ng'ini edumuni akitur alomun kamaka Akuju, mere kamaka etung'anan.

Iromayon 2:8

Itung'a ice eminasi awate kes bon, ka ang'erite nu ideerete kanuka akigwapite nukarokok. Ebuni Akuju akijukun kuju kes anyunyura keng' kiton apipilu keng'.

1 Ikorinton 10:33

Kisomata kwape esoma eong'; atamakit eong' akitalakar ng'in itwan, mam keitunene ajokun kang' konye ajokun ka itung'a kere tetere kesi eyuuno.

2 Ikorinton 12:19

Kimunito osi ebe apak na kere itataete siong' ejenunet kosi kama kus? Mam! Ineras siong' kwape ekotor Kristo siong' ejori koking'aren ka Akuju, ka iboro kere lu isomaete siong'. Luminan, isomasi nu aking'a'arakin osi.

Ipeson 6:6

Kisomata nu ng'ini pak, mere iteete itung'a osi bon, kanuka akote akitojokanara kama kes; konye kisomata kitawon kus kere nu ekote Akuju bala ibulesun ka Kristo.

Ipilipin 1:1

Eong' Paulo kiton Timoti lukejaanakinak ka Yesu Kristo, nama ka itung'a ka Akuju ko Pilipi lu imorikikina ka Yesu Kristo, ikamut lukapolok luka ekanisa kiton lu ing'arakito kesi.

Ikolosain 3:22

Ibulesun, koyong'itete ijakaa kus luka akwap kang'in ibore, mere bon na itaata kesi osi kanuka akote akitojokonaara koking'aren kes; konye kisomata ketau kalo elae kanuka ayong'ite kus Lokapolon.

1 Itesalonikan 2:4

Konye inerasi siong' ng'in pak kwape ekotore Akuju siong' ejori, naarai anyu nesi ebe ilesikina siong' ainakin Akiro Nukajokak. Mam siong' kitamakiito akitalakar itung'a, konye akitalakar Akuju lo etami nu ikotosi oni.

Yakobo 4:4

Itung'a lu mam kemunokina! Mam osi kijenete ebe araus ipaupatin ka akwap erait araun ipading'a ka Akuju? Itung'a lu ekotosi araus ipaupatin ka akwap eraunete ikulopek ipading'atin ka Akuju.

1 Yoana 3:9

Emam ipede kamaka ng'ulu kalu eraito idwe ka Akuju itolosito asoma arokusio, naarai ejautene elope loka Akuju ejii toma kes. Bobo mam kesi kitolosito asoma arokusio kanu eraitere Akuju Papa kes.