Apukokinio 8:2 - AKITUTUKET NAKITETET (NEPEPEKA ISABULIN KA AWARAGASIA)

² Kasodi eong' anyun imalaikan ikanykaare lu egwoenenete koking'aren ka Akuju, kosodete ainakin kesi arupepen akanykaare.

Ebaibuli

² Kasodi kaany imalaikan ikanykaarei luebwoenenete kakonyen nuka Edeke, koinakinai kes arupepen akanykaarei.

Apukokinio 8:2 Iomraidhean Croise

Matayo 18:10

“Kocoikina! Mam akinuang' ikoku ipede kamaka lucik kalu. Kalimokini eong' osi ebe imalaikan kes ejaasi king'aren ka Papa kang' loko kuju.

Matayo 24:31

Erwokini arupepe nakapolon, ijukiari nesi imalaikan keng' owaitin iwong'on luka akwap, etukokinete kesi itung'a keng' luseuna, alomun kosial kakwap ka ape akitodol loce.”

Luka 1:19

Kinyakuni emalaikat ebe, “Arait eong' Gabriel, agwoi eong' koking'aren ka Akuju, lo ejukuni eong' ejori ka ijo, ka alimokin ijo akiro nukajokak nu.

Luka 21:36

Kocoikinasi ka akilip ng'in pak tetere idumunete osi agogong'u naka akilanya iboro ng'ulu kere lu isomakinosi ka akigwo koking'aren ka Okoku ka Etung'anan.”

1 Ikorinton 15:52

apaaran na eruokina arupepe nakesial, kakimwaramwara ka kong'u. Naarai na eruwokina arupepe nakesiali, itajaruno lukatwaka kokipone kalo mam kesi ketwakata bobo, aso oni kibelokino.

1 Itesalonikan 4:16

Naarai ebuni Lokapolon elope kwap alomun kokuju iworoe koporoto kaloka akicorasia, nepepe ka eworo loka emalaikat ka Lokapolon, kacela naka arupepe ka Akuju. Kosodete ng'ulu luketwakito kotoma Kristo akige ajarun;

Apukokinio 1:4

Eong' Yoana nes egirakiit ikanisai ikanykaare lu ejaasi oprovinsi loko Asia ebe Asianut ka aipuc kojaasi nepepe ka osi alomun kamaka Akuju kalo ejii, kalo ajii, kiton kalo ebuni, bobo alomun kamaka imoyoi ikanykaare koking'aren ka ekicolong' keng'

Apukokinio 11:15

Kosodi emalaikat lokikanyetkaare akutakin arupepe keng', kajaikin iporotoi luko kuju ebalasi ebe, “Apedor naka akipuga akwap erait kipokona naka Lokapolon wok kiton Kristo keng', ebuni nesi akipuga ikaru kere!”

Apukokinio 15:1

Kanyuni eong' aumosit ace nakapolon kiton naka akitim ejii kuju, imalaikan ikanykaare nepepe ka ikaupulin ikanykaare, lu eraito lukosial, naarai ka kesi eng'etakin anyunyura ka Akuju.

Apukokinio 16:1

Keirari eong' eporoto lokapolon inera alomun kotogo ka Akuju elimonokini imalaikan ikanykaare ebala ebe: “Kolototo kobukokisi kwap anyunyura ka Akuju na ejii acuraka akanykaare!”

Apukokinio 8:13

Kang'oliari eong' keirari eong' ekuruk erwo koporoto kaloko kuju, eporitoi kokiding' kuju ebala, “Tukui, tukui, tukui ng'ulu lu iboete kakwap, na eruokinata arupepen nuce nu aput imalaikan iuni akutakin!”

Apukokinio 8:6

Kosodete imalaikan ikanykaare lu ajaasi karupepen akanykaare alokokin akutakin kesi.

Apukokinio 9:1

Kosodi emalaikat lokikanyet akutakin arupepe keng'. Kanyuni eong' akanyeret na adacuna kwap, kosodete ainakin nesi ilaceta luka adwi kana mam esial.