2 Petero 2:3 - AKITUTUKET NAKITETET (NEPEPEKA ISABULIN KA AWARAGASIA)

³ Komwane kes, ebunete lukesisianakinak luka aliokonu luka ameda kama kus kanuka alimonokin osi akapolok nu ejeute. Kapak kana euja kipokona alokokin lokatubonokinan kes, bobo ekenyi loka mudiaran kes.

Ebaibuli

³ Kotoma airaŋaanut da itudumunos ameda naepol kamakus kakiro nuepwakunete; atubokiniokec ageun apeŋo mam itiloro, amudiariokec da mam iluranari,

2 Petero 2:3 Iomraidhean Croise

Isabulin 18:44

Kaluronokinete eong' ilong'au; kiirasi kesi eong', kayong'ito eong'.

Isabulin 66:3

Kolimokisi Akuju, “Eraito asomisio kon nuka akitim koni! Epolo apedor kon noi akitodolo nama ekuriakitotore ipading'atin kon.

Isabulin 81:15

Tia ng'ulu lu ereito eong' ebeikiito akukumikin eong' ka akurianu; bobo tia akisicanio kes erauni naka ikaru kere.

Matayo 23:14

Ikoni eronaar ai kama kus ka lukesisianakinak Ikisila ka Ifarisayon! Osi luka esoswai! Itosomaete osi ejautene loka apuser ka akideme kesi ko oreria kes. Ilipiete osi alipasia nukaujak nu esoswai; kanuka ng'unu, idumunete osi akitisilaaro nakapolon noi.”

Luka 18:8

Kalimokini eong' osi, igang'i nesi kesi atipet. Konye edumuni Okoku ka Etwan akiyuun kotoma akwap na ebong'una nesi?”

Luka 20:20

Kosodete kesi akote apak. Kogwelete kesi itung'a ice akimolekin ebe ejoka kesi, kosodete akijukiyar kesi akilok Yesu ka ang'itasia, tetere ebeikenete kesi ayaar Yesu namaka egavana.

Luka 22:47

Ering'a nesi inera, kobuni akwap ka itung'a ka etwan lokenyarite Yuda, epe kamaka ikiyakia, eyait kesi. Kolosi namaka Yesu anuikin nesi;

Yokana 2:16

Kolimokini nesi lukegwelanarete ikaburukukun, “Kolemasi iboro lu kane. Siri kitarautu etogo ka Papa kang' alaro na egwelere ka agwelanara.”

Iromayon 16:18

Naarai itung'a ng'ulu mam kijaanakinete Lokapolon wok Kristo, konye nu ekotosi kesi. Kotoma akiro kes nukajokak kiton ejori loka aijodo ing'alaete kesi itung'a lu ewolito.

2 Ikorinton 2:17

Mam siong' kiputosi kang'ul lu ipu lu ekotosi adumunete kamaka akiro ka Akuju, konye kwape ejukuna Akuju siong', eneras siong' abeite koking'aren keng', kwape ka ikejaanakinak ka Kristo.

1 Itesalonikan 2:5

Ijenete osi kojokan ebe mam siong' abunete nama kus kejori kaloka akwenare, kere de kabutu siong' ketosomata akiro arapakiite emwane — Akuju nesi ekajenan kosi!

1 Itesalonikan 5:3

Na etemarata itung'a ebe, “Ng'in ibore etaati bobo ejoka akiro,” nes edolokina kesi amudiaro atipet! Ebuni amudiaro atipet bala arieba naka aberu na ekote akidoun. Mam itung'a kekuyete.

1 Timoti 3:3

lo mam kemerana, lo mam kededeng', lo epatana kojaasi ka aipuc, lo mam kemina ikabel.

1 Timoti 3:8

Ejii lu ing'arakiito kotoma okanisa ajaus ka iponesio lukajokak bobo kinerasi abeite. Mam kitemokina kesi akimata ebino lo epolo noi kere ajaus ka aminanari naka adumun abara kopone kalo mam kideere.

1 Timoti 6:5

kiton ang'olopa ng'in paki alomun kamaka itung'a kalu mam adama kes kisomaete, bobo komam kejaatatar ka abeite. Itunenete kesi ebe edini erait eroto loka adumuni abara.

Tito 1:11

Ejii akirebokin ejori kes, naarai isialete kesi ireria kere ka akisisianakin nu mam kekotokina kesi akisisianakin, isomaete kanuka asilutu kanuka adumun ameda naka ikabel.

Tito 1:7

Naarai lokapolon ka ekanisa epolokit asoma ka Akuju, nesi amamus ka aronus. Mam nesi ajaus ka epogi kere de lo edodor etau anyunyurari kere de emerana kere akutukanut kere ajaus ka emuwane loka ikabel,

1 Petero 2:8

Bobo ebalasi agirasia ace be, “Erauni amoru na amoru na iguwanakini itung'a, ataba na einakini kesi akibirori.” Kigukiit kesi naarai mam kesi kiyuuto akirot; arait ng'ini nu akote Akuju kanu kes.

1 Petero 5:2

Kijokoto esipan ka Akuju, esipan lo ejii akanin, emam kikurakiite osi konye kamina, mere kadumunete kanaka asilutu konye ka akote ka etau kon,

2 Petero 1:16

Apak na itodiarata siong' kama kus apedor kiton abunore ka Lokapolon wok Yesu mam siong' atupito akapolok nu ejeite ka acoa, konye araito siong' lu anyuto acaus keng' na acae noi.

2 Petero 2:1

Kotakanutu ikadwarak lukaliokonu de kotung'a, kwape ejaikinototor lukesisianakinak luka aliokonu kokiding' kus, lu eyaunete akisisianakino nukamunaunak, nukaliokonu, atikere aking'ere Ejakait lo agweli kesi, ayaun nama kes ka ikulopek amudiaro naka atipet.

2 Petero 2:9

Kanuka ng'unu ejeni Akuju ekipone loka akitukuu itung'a lu isomaete nu itiminarito nesi alomun kamaka atamisio kes ka ekipone loka akitolosite akisican lukarokusio ering'a apaaran nakatubokino kedolo,

Yuda 1:11

Ikoni eronaari kama kes ai! Atupata kesi eroto lo abu Kain kotup. Kanuka amina ikabel alomata kesi aronus na esomate Balaam. Ang'eroto kesi kwape keng'eria Korah, bobo kwape keng' emudiaro kesi.

Yuda 1:15

ayaun atubokino namaka ka itung'a kere, akitisilar kesi kere ka asoma nu mam keraito nuka Akuju nepepe ka akiro kere nukarokok nu inerito kesi luka arokusio nuka aking'ere nesi!”

Yuda 1:16

Ing'urung'urasi itung'a lu ng'in pak ka amonya luce, isomaete kesi nukarokok nu ekotosi kesi; ipogasi kesi ikulopek, ka akitamaa luce naka esoswai kanuka adumun nu ekotosi kesi.

Yuda 1:4

Naarai itung'a lu mam keyong'ito Akuju alomata kokipone kalo mam kejena kiding' wok, itung'a lu emunauto akirot naka asianut ka Akuju wok kanuka akitolot ka irotin kes lukarokok, bobo ka aking'ere Yesu Kristo lo erait nesi bon Ejakait nepepe ka Lokapolon wok. Kedauto agirasia nukalaunak sek adwarun kuju ka atubokino kana adautu kesi adumun.

Yuda 1:7

Kiitutu Sodoma ka Gomora, nepepe ka ireria lu edunyatatara; lu abutu itung'a kes kisomata kwape ka imalaikan kang'ulu; kisomaete adoteu nepepe ka iboro ice lu mam kecamakina ka ekisili. Icanakinosi kesi ican luka akicweo ka akimi na emam esial, erait akikwenyaret kotung'a kere.