1 Petero 1:3 - AKITUTUKET NAKITETET (NEPEPEKA ISABULIN KA AWARAGASIA)

³ Keyalamikisi Akuju ka Papa keng' ka Lokapolon wok Yesu Kristo! Kanuka asiaunt keng' na epolo na abu nesi koinak oni akijar nakitetet kotoma akitajarun Yesu Kristo ka atwanare. Nu kilelebete oni ka amuno na ejari,

Ebaibuli

³ Kituritete Edeke ka Papa loka Ejakaitiwok Yesu Kristo! Kwape ejaar akeitim naepol abu kouri oni irwan nakiareit, tetere kija kamun naejari, kanuka ajarun naka Yesu Kristo kokatwak,

1 Petero 1:3 Iomraidhean Croise

Isabulin 41:13

Kiturwoto Lokapolon, Akuju ka itung'a kaluko Israel! Kiturwoto nesi kipokona ka ikaru kere! Ikote nepeneni! Ikote nepeneni!

Isabulin 86:15

Konye ijo, Okwai Lokapolon irait Akuju lo ijaasi ka akisoni ka asianut; mam ijo kinyunyuranar atipet, ng'ini pak ijaasi ijo ka amina kiton amunokina.

Isabulin 86:5

Ijokuna ijo, Okwai Lokapolon bobo irimana ijo, ileleba toma kon amina na emam esial kamaka ng'ulu kere kalu ilipete ijo.

Yokana 1:13

lu edouno, mere ka awokot kere de ka akote kakwaan kere de ka akote kitwaan, konye ka akote ka Akuju.

Iromayon 12:12

Kinyeki akiyuun kon koinaki ijo alakara. Kotitiny kocan kon, bobo kilipi ng'ini pak.

Iromayon 15:13

Kinyeki Akuju, nama egeuna amuno kilelebik osi ailel kiton aipuc kotoma akiyuun kus kotoma keng', tetere ebuni amuno kus akitoloto akiyata akitoro apedor naka Emoyo Lokalaunan.

Iromayon 4:25

Kanuka arokusio wok, apon kwaarai nesi, kitajarunete nesi tetere imarakino oni lu idolito koking'aren keng'.

Iromayon 5:10

Iraito oni sek ipading'atin ka Akuju. Konye abu nesi kitarau oni ipoupatin keng' akitoro atwanare ka Okoku keng'. Kanu konye iraitotor oni kipokona ipoupatin ka Akuju, ekipone ali cut kiyuunere oni akitoro akijar ka Kristo!

Iromayon 8:11

Kejii Emoyo ka Akuju, lokitajaruni Yesu kamaka lukatwaka toma kus, ebuni nesi lokitajaruni Kristo kamaka lukatwak ainakin awate kus nu etwakete akijar kopone kaloka ajalakin Emoyo keng' kama kus.

Iromayon 8:24

Arait kanuka amunokina nes kiyuunere oni. Konye kianyutu oni nu imunokiito oni, mam kerait amunokina naka abeit. Naarai ng'ai kama wok emunokiit ibore ni iteete oni?

1 Ikorinton 13:13

Kanuka ng'unu akiyuun, amuno, kamina ideunos konye na epolo kamaka nu erait amina.

1 Ikorinton 15:20

Konye abeite adaun akitajarun Kristo kamaka lukatwaka, bala akitejenikinete ebe ng'ulu lu ajotorosi katwanare itajaruno kesi de.

2 Ikorinton 1:3

Keyalamikis Akuju Papa keng ka Lokapolon wok Yesu Kristo, Papa lokasianut, Akuju lo elomutere aking'arasit kere!

Igalatian 6:16

Aipuc ka akitimio kojaasi ka ng'ulu kere lu etupito ekisil lo, ka Israel ka Akuju.

Ipeson 1:17

ka akilipite Akuju ka Lokapolon wok Yesu Kristo, Papa lo iturite koinaki osi Emoyo lo einakini osi acoa ka akitodiar Akuju kama kus tetere ijenunete osi nesi.

Ipeson 1:3

Keyalamikisi Akuju, Papa keng' ka Lokapolon wok Yesu Kristo, lo esirereng' oni ka arereng'usio kere nuka Emoyo nuko kuju kanuka akimorikikina wok ka Yesu Kristo.

Ipeson 1:7

Akitoro awokot ka Kristo nes kilakakinere oni nes arimakinere arokusio wok. Ikoni asianut ka Akuju epolo ai,

Ipeson 2:4

Konye Akuju lo epolo asianut, kanuka amina kana keminare oni,

Ipeson 3:20

Koinakine nesi akibusesu, nesi lo einakiit Emoyo keng' apedor naka asoma nu ipu noi adepar nu ibekiito oni akilipiti kere de akiitun:

Ikolosain 1:23

Kanuka ng'un ejii osi akitoloto ka akiyuun kus igwoete osi kapetatait kanaka abeite kana icasit, bobo mam kilesikina osi akurianu ka alemaro kotoma amuno na abutu osi kwanyutu na ipupunata osi Akiro Nukalaunak kuju ka Kristo. Erait kanuka Akiro Nukalaunak nu kuju ka Kristo nes abu eong' Paulo karau lokejaanakinan, Akiro Nukalaunak nu, nu alimonokin ng'in itwan ka akwap.

Ikolosain 1:27

Akitemeteme ka Akuju erait akitejenuun kotung'a keng' nu igwait nesi, nu igwait nesi nu koraitete nuka akibusesu ejaasi ka nesi kanuka itung'a kere. Bobo akirot na igwaite erait ebe ejii Kristo toma kus, apolou keng' erait ebe ibunete oni akimor nenipe kotoma akibusesu ka Akuju.

1 Itesalonikan 1:3

Naarai ituto siong' koking'aren ka Akuju Papa wok ekipone lo itosomata osi akiyuun kus, ekipone lo keinakina amina kus osi asoma kagogong'u kiton ekipone lo icasitere amuno kus kamaka Lokapolon wok Yesu Kristo.

1 Itesalonikan 4:13

Ikanacan ka akanacan kosi, ikotosi siong' osi ajenun abeite ikamuti ng'ulu lu atwakata, tetere mam osi kituriete bala ng'ulu lu mam amuno.

2 Itesalonikan 2:16

Lokapolon wok Yesu Kristo kiton Papa wok Akuju, lo amina oni kotoma asianut keng' koinak oni etau kiton amuno na icasit,

1 Timoti 1:14

Kobukokini Lokapolon wok eong' asianut keng' na epolo, kosodi ainakin eong' akiyuun ka amina, nu eraito nuok kalu ijaasi toma ka Yesu Kristo.

Tito 2:13

iring'a oni idarito apaaran naka asuluwany na imunokito oni, na etakanunere akibusesu ka Akuju wok kiton loketajaran Yesu Kristo.

Iburayon 3:6

Konye emunokina Kristo erait Okoku lo epolokiit Etogo ka Akuju. Iraito oni etogo keng' kimam oni kikuriaka bobo kijaasi oni kepogi kanuka ng'un kanu imunokiito oni.

Yakobo 1:18

Ka amina keng' ka elope koyaun oni ajaus kotoma akirot naka abeite, tetere idumunete oni alaro nako king'aren kamaka kalu kesub nesi kere.

1 Petero 1:13

Kanuka ng'unu, kolokokisi adama kus asoma. Kokwenyete bobo kipiakisi amuno kus kere namaka asianut na ebuuti nama kosi ka apaaran kana epukorere Yesu Kristo.

1 Petero 1:21

Kotoma keng' ibutu osi kiyutu Akuju, lo etajaruni nesi kotoma atwanare, ka ainakin nesi akibusesu; kanuka ng'unu akiyuun nepepe ka amuno kus kojaasi nama ka Akuju.

1 Petero 1:23

Akitor akirot ka Akuju na ejari ikaru kere edoun osi bobo bala idwe ka ekaurian lo ejii ikaru kere, mam ketwani.

1 Petero 2:2

Koputosi ka idwe lukitetiak lu idouno arit akure naka akimata akile nuka emoyo, kosodi ka akimata ibeikinete osi apoloun ka adumun alakuno.

1 Petero 3:15

konye kocoitete Lokapolon Kristo kotauon kus. Kolokokina akolong' kere abong'okin itwan kere ni king'isit osi kuju ka amuno na ejii toma kus,

1 Petero 3:21

na arait akitupusete naka akibatisauno na itukuyi osi kipokona. Mam batisim kelemari akirionus naka akwan, konye bala akimaima Akuju ainakin adama nu elaete. Kilakuni osi kotoma ajarun ka Yesu Kristo,

1 Petero 3:5

Naarai aberu nu amunokina nuka sek nu epiakito amuno kes nama ka Akuju, anaikito akiten awate kes kitemelel kayong'ite ikiliok kes.

1 Yoana 2:29

Ijenete osi ebe edolit Kristo. Itemokina osi ajenus ebe itwan kere ni isomae nu edolito erait ikoku ka Akuju.

1 Yoana 3:3

Ng'ini itwan ni ejaasi kamuno kana kotoma ka Kristo idari akwana keng' elae, kwape elaare Kristo.

1 Yoana 3:9

Emam ipede kamaka ng'ulu kalu eraito idwe ka Akuju itolosito asoma arokusio, naarai ejautene elope loka Akuju ejii toma kes. Bobo mam kesi kitolosito asoma arokusio kanu eraitere Akuju Papa kes.

1 Yoana 4:7

Luminan, kaminasi luce, naarai amina elomuut kamaka Akuju. Ng'ini kere ni emina erait ikoku ka Akuju, bobo ejeni nesi Akuju.

1 Yoana 5:1

Ng'ini kere ni emunokiit ebe Yesu erait Kristo erait nesi ikoku ka Akuju. Ng'ini kere ni emina papa emina ikoku keng' de.

1 Yoana 5:18

Ijenete oni ebe emam ikoku ka Akuju ipede ni itolosit asoma arokusio, naarai idari Okoku ka Akuju kesi kotenan, bobo mam Lokaronon kebeikiit akikang'as kesi.

1 Yoana 5:4

naarai ng'ini ikoku ka Akuju ebeikiit akilanya akwap. Ilanyete oni akwap akitor akiyuun wok.