Maatéwu 1:23 - Ɩsɔ́ɔ-dɛ́ɛ Tɔ́m Tákaraɖá

²³ «Aléeré waasɩ abaalʊ́ nɛ́ wɛ́nÿɛɛ́ fuwá ɩlʊ́rʊ bú abaalʊ́ na bafa yɩ yɩ́ɖɛ sɩsɩ Emanʊwɛ́ɛlɩ.» Yɩ́ɖɛ ɖɩḿ ɖugutoluú gɛ sɩsɩ «Ɩsɔ́ɔ wɛ ɖɔ́jɔ́.»

Maatéwu 1:23 Iomraidhean Croise

Maatéwu 1:24

Ísifu weevé nɛ́, waalá ńŋɩnáa Ɖádʊ́ʊ Ɩsɔ́ɔ-dɛ́ɛ malááyɩ́ka waaŋmátɩ yɩ nɛ́ nɔ́ɔ́, ɩkpɔ́ɔ Marɩyáma ɩbɩ́sɩ ɩɖɛɛlʊ́.

Maatéwu 28:20

Ɩwɩ́lɩ wɛ bofu balá wentí tɩrɩ́ŋa máázɩ́ɩ́zɩ mɩ́ɩ nɛ́. Bɩɩga nɛ́, mɔ́ɔ́ mɔ́wɛ mɩ́jɔ́ gɛ báa wɩ́rɛ wenɖé hálɩ ɖúúlínya kʊrʊ́ʊ.»

Lúka 20:44

A bɩlɛ́ gɛ Ɖáwʊɖa waayáa yɩ sɩsɩ Ɩdʊ́ʊ, bɩɩlá nŋɩ́nɩ́ gɛ igúti ɩgɛ́ɛ ibiyaalʊ́ ɖʊɖɔ.»

Yʊháánɩ 1:14

Weení bánÿaá yɩ sɩsɩ Ŋmatɩrɛ nɛ́, waabɩ́sɩ ɩrʊ́ ɩkɔ́nɩ ɩcɔ́ɔ ɖɔ́lɔ́wʊ́táá. Ngɛ ɖááná ɩdɛ́ɛ ásícé. A nyááná yɩ, kʊnyɔnnɩɩrɛ́ na toovonúm riké nbɩlɛ́! Ɩdɛ́ɛ ásícé kɩḿ kɩɩlɩɩná Caáwʊ-jɔ́ gɛ. Ásícé wenkí Caáwʊ weejéle ɩgʊ́ɖʊmɔ́ɔ nɛ́ nbɩlɛ́.

Tɩndɩnáa-dɛ́ɛ Tɩmɛ́ 18:9

Nuvoowú nakɩ́rɩ, Ɖádʊ́ʊ waalɩzɩ́ ɩdɩ ɩwɩ́lɩ Pɔ́ɔlɩ, ngɛ wɔɔdɔ́ yɩ sɩsɩ: «Nkanɩ́ɩ nɩdáárɛ, laaná ŋmatɩrɛ, nkosú tɔ́m.

Róóma ńba 8:31

Wentí gɛ sɩ ɖukúti ɖɩtɔ́. Ɩsɔ́ɔ sɩ́ŋɛ́ɛ ɖɔ́wɔ́rɔ́ nɛ́, weení sɩ ikuti ná ɩbɩ́ɩ́zɩ ɖáa ɖʊɖɔ.

Róóma ńba 9:5

Ɖoo caájaanáa Ɩsɔ́ɔ waada ɩlɩzɩ́ wɛ nɛ́ bebíya‑bíya gɛ bɛgɛ́ɛ. Krísto waabɩ́sɩ ɩrʊ́ nɛ́, bɔlɔwʊtáá gɛ baalʊ́rʊ yɩ, ɩlɛ́ weení waagɩ́lɩ bɩrɩ́ŋa nɛ́, ɩnáábɩ́lɛ́ Ɩsɔ́ɔ weení sám mɔɔ́na yɩ báa ngbeére bɩvɛ́yɩ́na tɛ́m nɛ́. Amí.

2 Korɩ́ntɩ ńba 5:19

Káma, Ɩsɔ́ɔ waabaná na Krísto ɩnyɔ́ɔ́zɩ ɩ́na ɖúúlínya-daá ɩráa bɔlɔwʊtáá. Ɩ́dándafʊʊná wɛ bɛdɛ́ɛ alaháácɩ́wá-rɔɔzɩ́, ngɛ waaɖʊ ɖáa sɩ ɖɩ́ŋmatɩ ɩ́na wɛ bɔlɔwʊtáá nyɔɔzɩ́-dɛ́ɛ tɔ́m.

1 Timotée 3:16

Ɩɩ́n, ɖɛ́dɛ́ɛ toovonúm fáa-dɛ́ɛ ásíírí Ɩsɔ́ɔ waalɩzɩ́ ɩwɩ́lɩ-ɖáa nɛ́ wɔɔɖɔ́ɔ. Krísto, waaɖʊ ɩlɩ́ɩ ɩbɩ́sɩ ɩrʊ́, Kezeŋa Ɖacɩrɩ‑cɩrɩ ńga waalɩzɩ́ kawɩ́lɩ sɩsɩ ɩgɛ́ɛ toovonúm-dʊ́ʊ, ngɛ malááyɩ́kawá waana yɩ. Bɔɔbɔ́ɔ ɩdɛ́ɛ tɔ́m yíriwá-jɔ́, ɩráa ɖabata waava yɩ toovonúm ɖúúlínya-daá. Ngɛ Ɩsɔ́ɔ waagbáázɩ yɩ ɩɖʊ yɩ ɩdɛ́ɛ ásícé-daá.

2 Timotée 4:17

Ɖádʊ́ʊ waazɩná na ma, ɩkpáázɩ ma ɖóni mabá maŋmátɩ ɩdɛ́ɛ tɔ́m, na wenbá bɛdɛkɛ́ɛ Yahúúɖuwá nɛ́, barɩ́ŋa boyuú banɩ́ɩ. Ngɛ waalɩzɩ́ ma gúúní nɔɔ́-daá.

2 Timotée 4:22

Ɖádʊ́ʊ ɩ́cɔ́ɔ́ná nya. Ɩ́ɖʊ́ mɩ́ɩ alɩbáráka.