LUCAS 8:48 - Tepehua Huehuetla

⁴⁸ Pus ju Jesús junich: ―Quintsi' ni q'uilhilac'ap'inch pus yuchi palaich xalhi'un. A'inchich. Cak'achanach ju mi'alhunut.

LUCAS 8:48 Iomraidhean Croise

MATEO 12:20

Ju yuchi jantu lana camuc'aniya' ixtalak'alhin tam xamati' ju na xcai macajun ju amacxcai. Chai ju yuchi jantu casamak'ana' xamati' mas va lacats'unin ju lhilaksi ju Dios. Chunch ju canaviya' tus acsni ca'alina' ju ixpu'ucxtin junta si soknic'a cajuna'.

MATEO 8:13

Astan chani ju juni ju capitán: ―A'inch'ok'ochich laminchaka'. Tachi ju xaq'uilhilaksich ni laich ac'ac'uch'unulh va laquinchivinti pus chunchach ju icnavilh. ―Chunch ju xajuni ju anu' capitán. Chai vasalh lana palaich va ju ixlapanac ju acs pants'iquis.

MATEO 9:2

Chai lhicha'anicalh pumatam lapanac ju va ixlacalhtuculunta. Pulhicha'ancalh ju lona. Chai ju Jesús acsni alakts'ilh ni na ixtalhilaksi ju yuchi ju anuch lapanacni pus chani juni ju tak'ank'an: ―Jantu at'alhan ji quints'alh. Ju mi'alactu'unti mac'acxanicanta.

MATEO 9:22

Chai ju Jesús talakasp'itlh. Lakts'ilh chai juni: ―Quintsi' jantu at'alhan. Ni xaquilhilaksi pus yuchi palai xalhi'un. Pus ju anu' chako'ulh palai va ju anu' pants'iquis.

MARCOS 5:34

Chai ju Jesús juni: ―Quintsi' ni xaq'uilhilac'ap'inch pus yuchi palai xalhi'un. Lhik'ach ap'it'i. Jantuch aktam ap'acxana' ju ani mintak'ank'at.

LUCAS 17:19

Pus ju acsnich ju Jesús chani xajuni ju anu' ju palaich xajun: ―At'aich. A'inchich. Palaich xa'un ni vasalh xaq'uilhilaksi.

LUCAS 18:42

Chai ju Jesús junich: ―Alac'avanch. Pus laich alac'avanan va ixlaca'atalh ni xaq'uilhilaksich.

LUCAS 7:50

Para ju Jesús junilh ju chako'ulh: ―Ni xaq'uilhilaksi pus chavai t'ak'alht'axt'ut'ach. Inchich chai lhik'ach ats'uc'u.

LUCAS 8:47

Pus ju anu' chako'ulh acsni c'atsalh ni jantu lai va sek xanavi pus vanin lak'anchokolh ju Jesús. Na ix'axq'uip'ip'itninta. Chai taquilhputanilh ju lacat'un la'ix'ucxlacapu' chai junilh ju stavasalanti la'ix'ucxlacapu'an ju lapanacni tuchi ixlaca'atalh ju lhilakcha'alh chai ni vats'alhti palaich va.

IXTAMALAKACHAN JU JESÚS 14:9

Pus ju yuchi k'asmatnilh ixchivinti ju Pablo chai ju Pablo machakxalh ni ixlaca'i ju anu' lapanac ni lai palaich canavi ju Dios.

2 CORINTO 6:18

Chai ma mimpai'an cajuna'. Chai ju uxijnan ma is'ask'at'an a'una'it'it. Ma chunch ju najun ju Dios ju lai navik'ojui tachi chun ju taxtokni.

JU ISRAELITANIN 4:2

Pus ju quijnan'an vachu' juncantauch ni quintamak'alhtaxtuputunan ju Dios. Vana va chunch juncantauch tachi ju ix'ajuncanta ju mak'aniya quint'a'israelitanin'an. Para ju anu' chivinti ju tak'asmatlh ju yu'unch jantu tu'u' lhitapalalh mas ixtak'asmat'ach ni lana jantu ixtalaca'i.