Luku 9:7 - Le Nouveau Testament en langue kroumen tépo

⁷ Ti a ‑gbɛ 'yri, Galileblʋgba a ‑gʋlʋnʋma, ‑ɔ kɔ 'dʋ mɔ Helɔdɩ, ɔ 'wɔn ‑tɔplɩ 'bii ꞊nʋ nɩ, ‑Yusu nu, ɔ kɔ 'a ‑naagbopʋ 'hɛɛn. Dɛ bɔ di 'lu ‑wɔn lɛ ‑hie, 'ke 'o ‑Yusu a ‑ta 'mʋ, ɔ 'die yi, ‑ɛ nue, kɛ nahuin ‑yee po: «Saan Batisɩɩ nɩ. ‑Tɛ ɔ 'kʋ la, ɔ 'hrɩ lele 'klɔ.»

Luku 9:7 Iomraidhean Croise

Matie 11:2

Ti a ‑gbɛ 'yri, Saan Batisɩ, ‑ɔɔ la nahuin 'nie 'lu lɛ po, 'ke ɔ nɩ 'le ꞊jɩ 'mʋ, 'ɔ 'wɔn ‑kʋan, ‑Yusuu nu a ‑tɩ. Nɛ‑ nue, 'ɔ le 'a ‑naagbopʋ ‑ye, ɔ nɔ: «Ba mu, ba ꞊gbɔ wlɔn,

Makɩ 8:28

‑Ye ʋ ꞊tuo ꞊wɔn, ʋ nɔ: «꞊Ʋ ‑ye nɔ 'nɩ, ‑mɔ mɔ Saan Batisɩ, ‑ɔɔ o nahuin 'nie 'lu lɛ po. ꞊Ʋ ‑ye nɔ 'nɩ, ‑mɔ mɔ Nyɩsʋa a winwlɔn‑hɛnyɔ Eli. ꞊Ʋ ‑ye nɔ 'nɩ, ‑mɔ mɔ Nyɩsʋa a winwlɔn‑hɛnyɔ ‑yee nɩ, ‑ɔ 'kʋ la, ti ‑hi la a ti 'yri, 'plɩɩ ‑ɔ 'hrɩ lele 'klɔ.»

Luku 13:31

Tii ‑do a ‑gbɛ 'yri, Falisi꞊tumu a nahuin ꞊de, nʋ‑ 'yɩya 'o ‑Yusu 'hʋɩn 'mʋ gbo, 'ʋ lo, ʋ nɔ: «‑Tɛgbi ‑gbo, ‑n nɩ mɔ, ‑hɔn nɔ 'mʋ, ‑bo mu 'le ‑tɛgbi ‑ye, ‑ɛ nue, 'kɩɩn Helɔdɩ, ɔɔ ‑na 'lɩla lɛ 'nɩ ꞊mɔ.»

Luku 21:25

Kɛ ‑Yusuu lele po: «꞊Sʋɛ'yeti a ‑gbɛ 'yri, hʋannʋ‑tɔplɩ di ‑wɔn mue 'lu, 'ke 'le 'yrʋ 'yi 'mʋ, kɔ ‑hɔpɔ, kɔ yahroyɔ. Kɛ nɔ ‑tʋtʋ ke, dakʋ di 'mʋ gbo nɩ hʋannʋkɔ, 'ke 'o 'yru kɔ 'a 'dʋɩ 'hɛɛn a ‑cici a ‑ta 'mʋ. Dɛ bʋ di 'lu ‑wɔn lɛ ‑hie, ʋ 'deɛ bʋ yie.

Luku 23:7

‑Ye ʋ nɔ: «Iin.» ‑Ye 'klɛɛ, 'kɩɩn ‑gbo, ‑ɔ mɔ Helɔdɩ, nɔ‑ kɔɔ Galileblʋgba win ke. ‑Tɛ Pilatɩ 'wɩn 'klɛɛ, ‑ɛ mɔ, 'ke ‑Yusu ‑hɔn 'le Galileblʋgba 'mʋ, 'kɩɩn Helɔdɩ a ‑gbɛ, ɔ kɔɔ win ke, ‑ye ɔ le 'a nahuin nɩ, 'ke bʋ gbɔ 'le ꞊nɔ ye. Ti a ‑gbɛ 'yri, 'ke 'kɩɩn Helɔdɩ a ‑gbɛ, ɔ nɩ 'le Jrusrɛ 'mʋ.

Luku 3:1

‑Tɛ 'dai 'yrɩ ‑hi, 'ke Saan, ‑ɔ mɔ Sakali a 'yu, ɔ 'kɩɛ nɩɛ 'le ‑tɛgbi ꞊nʋ, nahuin ꞊de 'de 'le 'ti, Nyɩsʋa 'ɔ dɔ, 'ke bɔ ꞊tu 'a ‑tɩ, 'ke 'o nahuin ye. Ti a ‑gbɛ 'yri, Romakʋɛ a 'kɩɩn gblaka Tibɛlɩ, 'a 'yrʋ a ‑pu ꞊tu 'o ꞊hun a 'yrʋʋ nɩ, ‑tɛ ɔ bi la gbata ke. Pʋsɩ Pilatɩ, nɔ‑ mɔ Sudeblʋgba a ‑gʋlʋnʋma. Helɔdɩ, nɔ‑ kɔɔ Galileblʋgba win ke. 'A ‑dɩayu Filipʋ, nɔ‑ kɔɔ Yituleblʋgba win ke, kɔ Trakonitɩblʋgba 'hɛɛn. Lisaniasɩ, nɔ‑ kɔɔ Abilɛnɩblʋgba win ke. Hanɩ kɔ Kaifʋ 'hɛɛn, nʋ‑ mɔ Nyɩsʋa a ‑cɔhlʋnpinyʋ a nyɩgblakɩ.

Luku 9:19

‑Ye ʋ ꞊tuo ꞊wɔn, ʋ nɔ: «꞊Ʋ ‑ye nɔ 'nɩ, ‑mɔ mɔ Saan Batisɩ, ‑ɔɔ o nahuin 'nie 'lu lɛ po. ꞊Ʋ ‑ye nɔ 'nɩ, ‑mɔ mɔ Nyɩsʋa a winwlɔn‑hɛnyɔ Eli. ꞊Ʋ ‑ye nɔ 'nɩ, ‑mɔ mɔ Nyɩsʋa a winwlɔn‑hɛnyɔ ‑yee nɩ, ‑ɔ 'kʋ la, ti ‑hi la a ti 'yri, 'plɩɩ ‑ɔ 'hrɩ lele 'klɔ.»