Luku 5:8 - Le Nouveau Testament en langue kroumen tépo

⁸ ‑Tɛ Simɔ, ʋʋ Piɛlɩ daa, ɔ 'ye dɛ a ‑gbɛ, ‑ye ɔ bla ‑Yusu ye gbo kwlɩ, ɔ nɔ: «Kʋkɔnyɔ, hren 'mʋ ‑wɔn, 'mɔ mɔ dɛ'kukununyɔ'ɔ nɩ!»

Luku 5:8 Iomraidhean Croise

Matie 17:6

'Plɩɩ ‑naagbopʋ 'mʋ win a ‑gbɛ mu 'wɔn, ‑ye hʋannʋ biu 'le 'kwli 'mʋ, 'ʋ bla kwlɩ gbo, 'ʋ kɔ yigbaklɩ gblɛ, 'ke 'o Nyɩsʋa a 'o꞊tuulɛ a ‑ta 'mʋ.

Matie 2:11

'ʋ pa kayu gbo, 'ʋ 'ye 'yu a ‑gbɛ, ɔ kɔ 'a 'dii Mari 'hɛɛn. ‑Ye ʋ bla gbo kwlɩ, 'ʋʋ 'yu a ‑gbɛ ‑tɩ a 'yi'bʋaalɛ ‑nyi. ‑Ye ʋ ꞊wlɛɛ 'waa blɛ nɩ, 'ʋ ‑nyi ꞊nɔ ‑gʋlʋ, kɔ hʋnhrʋnpo‑tɔplɩ, ʋʋ 'tɔ po, ‑ɛ die nu, 'a hʋnhrʋn 'mʋ gbo 'sɛɛ, kɔ hʋnhrʋnpo‑tɔplɩ ‑ye, ʋʋ milɩ daa.

Matie 8:8

Kɛɛ ‑ye 'sɔyuo a nyɩgblaka a ‑gbɛ, ɔ ꞊tuo ‑wɔn, ɔ nɔ: «Tɔɔnyɔ o, 'mɔ ‑gbo, ‑ɔ 'de ‑Juukʋɛyu, 'n 'de ye blɛ ‑bo pa 'le 'na kayu gbo. Po wuun ‑do, 'na ‑kʋannunyɔ a 'kʋɛ 'mʋ ‑wɛ.

Luku 5:7

'ʋ po dabʋ, 'ʋ da 'waa 'bienʋ, ‑ʋ nɩ 'le 'blagbe ‑ye wlɔn, 'ke bʋ di ꞊nʋ 'mʋ ‑hɛ, 'ʋ di 'le, 'ʋ 'yie 'le 'blagbeii 'hɔn ‑wɛ a ‑gbɛ, 'ke 'o ‑hrin ‑wɔn. ‑Hrin a kwakukue a ‑tɩ, 'blagbei a ‑gbɛ, ɩɩ ‑hʋa bɩ pa.

Luku 5:9

Kɛ'ɛ nɩ Simɔ po, ‑ɛ nue, ɔ 'ta 'mʋ gbo, ɔ kɔ 'a 'bienʋ 'pʋpanyʋ 'hɛɛn, 'ke 'o ‑hrin 'plɔplɔ ꞊nʋ, ʋ klɩ a ‑ta 'mʋ.

Saan 11:32

‑Tɛ Mari nyre 'o ‑tɛgbi, ‑Yusu nɩ 'o, 'plɩɩ ɔ 'muo mu 'ye, ‑ye ɔ 'wlɛ kwlɩ, 'ke 'o ‑Yusu a bʋɩ ꞊hlɔn, ɔ nɔ: «Kʋkɔnyɔ o, 'bɩa ꞊nɩ nɩ o mɔ, 'na ‑dɩayu 'deɛ bɔ 'kʋ o.»

1 Kolɛtɩkʋɛ 13:12

‑Tɛ ti nɩ lɛ 'mʋ ‑gbo, 'bɩa ꞊baa ‑tɔplɩ 'ye, ‑ye ɛ 'we ꞊nɔ ye, ‑a nyi 'nɩ 'ye, 'ke 'le 'yɩla ꞊nʋ, ‑ɔ 'pupuo 'kwli 'mʋ. ‑Nyrɔwɔ ꞊de 'mʋ, ‑a nɩ 'yie di ‑tado ‑tɔplɩ 'bii lɛ 'nɩ yrii ‑tɛɛ. ‑Tɛ ti nɩ lɛ 'mʋ ‑gbo, ‑tɔplɩ ‑ye nɩ 'o, 'n 'de wɛn 'mʋ lɛ a yrie ‑tɛɛ. Kɛɛ, ‑nyrɔwɔ ꞊de di 'o 'nɩ nyre, 'mui 'mʋ lɛ yrii ‑tɛɛ, ‑ɛ 'we ꞊nɔ ye, ‑tɛ Nyɩsʋa nu 'na yiyie 'bii.

'Kwla'mʋ'yeecrɩɩnɩɛ 1:17

‑Tɛ 'n 'yo, ‑ye 'n bi ꞊hlɔn, 'ke 'o ꞊nɔ ye, ‑ɛ 'we ꞊nɔ ye, ‑tɛ 'nɩnɩ 'kʋ wɛn, 'ɔ po 'mʋ 'a diidɛdabʋ ke gbo, ɔ nɔ: «꞊Nɩ pɩ 'le hʋannʋ. 'Mɔɔ nɩ, ‑ɔ ꞊tu 'ɛ nɩ dɛ ꞊de ‑wlu, 'n ‑do a ‑gbɛ, 'mɔɔ nɩ, ‑ɔ di ‑wɛ 'ɛ nɩ dɛ ꞊de 'lu ‑yra.